فستان زواج

حلمت اني لابسة فستان زواج لونه ابيض على رمادي فاتح قصير فوق الركبه ولابسه شرابات بيضاء طويله ولم اكون لابسة جزمه وشرعه بيضاء على طولي وكنت واقفه عند باب الصاله الافراح وكان فيه رجال يطالعوني لاكن كانوا بعيدين عني وكنت انتظر نفسي على اساس انا مع ابي في السياره جايه من الكوافير ثم حسيت انه تاخر قلت خلاص خليني ادخل غرفه العروس وكان في ناس اقرابي ومن معارفنا وكان في الاستقبال خواتي واقاربي لما شافوني قالوا (الف الصلاة والسلام عليك ياحبيب الله محمد )وهم يقولونها حسيت انهم مصدومين من شكلي وسكتوا بعدها وبعدين دخلت الغرفه ولقيت حريم واحاول اسلم عليهم محد اعطاني اهتمام يسولفون مع بعد جالسين رحت وسلمت عليهم وكان فيه حرمه احاول اسلم عليها تكتف يدينها لما سلمت على خدها غصب وبعدها طالعت نفسي في المرايه وماكنت راضيه عن شكلي لا المكياج كان حاجب مسوينه بقلم الحواجب والثاني لا وسالت زوجه اخي عن البودره واخذتها وكنت بعدل مكياجي ومنت اقول لهم ماراح اطلع تزفوني الا بعد ساعه لما اعدل نفسي او تجيبون لي كوافيره ثانيه حتى شعري ماكنت راضيه عنه مو مسوين لي تسريحه وكان على شعري تاج عادي جدا مافيه لمعه وقمت نزعت التاج وفكيت شعري وكان طويل وسط ظهري تقريبا وكان ناعم لاكن عادي وحتى الفستان ماني راضيه عنه اقول لنفسي كيف شريته وليه ماشريت فستان طويل وسالت بنت عمي فستاني حلو ومسكتني من يدي واخذتني برى الغرفه بتقولي حاجه وانا رايحه مع بنت عمي شافتني وحده اسمها أمل جت وسلمت عليه وهي ساكته ماتتكلم وضمتني ودخلت اصبعها في فمي وانااقول وشفيك ووضعت خدها على جبيني كأنها تقيس حرارتي وانتهى الحلم
العمر 27 سنه
الحاله الاجتماعيه عزباء
الحاله الدينيه متوسطه
البلد السعوديه
اعمل
وقت الحلم ظهر
صارله اسبوعين
ملاحظه /الحرمه الي حاولت اسلم عليها غصب اعرفها في الحقيقه
وشعري في الحقيقه ناعم وليس طويل مره

الموضوع الأصلي: فستان زواج || الكاتب: لحظة وداع || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: المنتدى العام - Main Section

---

tsjhk .,h[

منتدى دمعـــة ولـــه - المنتدى العام - Main Section

---

tsjhk .,h[