منتدى دمعـــة ولـــه - عرض مشاركة واحدة

08-11-2011, 09:28 AM

اختي الغالية يسعدني وجودك في دمعة وله ومرحباااا ألف

غاليتي لبس الفستان الأبيض وداخله الرمادي

هذا رجل يتقدملك يعني يخطبك بس مو كويس

والفستان القصير انه الرجل ماينفع فإذا كنتي في امر ومحتاره فيه

فأستخيري لأنه الجزمة والطرحة مهي فيه هذا موضوع لكي مايتم

والخيره في ما أختاره الله ولاتندمي على شي مالك نصيب فيه

والصلاة على النبي محمد هي الفرج من هم لكي بإذن الله وكثري من الصلاة على

نبينا محمد وفالخير لكي والله يتمملك بخير

أختي

هذه الحرمة بينك وبينها مشاكل وهيه شايله عليكي في نفسها

تكتيف اليدين هيه قلت حيله لها والله يعطيها على قد إلي في نفسها

منك تقبيلك لها على خدها تكون هيه قريبه من قرايبك وإنتي منتي زيها

يعني نفسك طيبه بس يمكن تكوني قليلة الكلام مع ناس معينين ويفهمونك

غلط

كون المكياج ملخبط في الوجه فيه موضوع يخصك ومشاكل مزعلتك

الشعر الطويل في الحلم هو الستر للمرأه وهذا كويس

يعني انتي شخصيتك حلوة وقويه وعنيده في داخلك

امل اسم مره حلو هذا الحياه وتفائلي وربي ييسر امرك

وضع اصبعها في فمك حاولي انه ماتتكلمي مع الناس الي حوليكي بكل شي

دارو اموركم باالكتمان لأنه العين حق

والناس مو زي بعض فيه الي يحبك ويتمنالك الخير وفيه العكس

وضع الجبين الله واعلم مواكيد يجيك عريس من الجماعه

غاليتي فيه امور في حياتك منتي راضيه عنها وتبي تكوني

احسن من كذا عزيزتي طول مامعاكي الحق وتقولي كلمة الحق

ماعليكي من احد ولكن قوليها بحكمه وهدوء للناس

اتمنى اني قدرت افسرلك هوه وشكرا على ثقتك في

وإذا حبيتي في شي خاص ارسليلي رساله خاصه

وابشري ماعندي مانع تستشيريني في شي يحيرك

واعتبريني اخت كبيرة لكي فديتك