..........بعد الفقر حطت شريحة وجوال ** يسعد مسا جوالها !! والشريحة

اليوم جايبلكم قصيده اعجبتني وانشاءالله انها تعجبكم

للشــاعر : ضيــدان بن قضعـــان


أليكم القصيده بدون اي مقدمات


بعد الفقر حطت شريحة وجوال ** يسعد مسا جوالها !! والشريحة

كانت تجيني تشتكي قلة المال ** وتصيح لاجا طاري الفقر صيحه

تقول ابويه دايم الدوم رحال ** وامي كبيرة سن دايم طريحه

وانت الوحيد اللي لك القلب ميال ** دايم يصارحني وانا له صريحه

طفله وانا معشوقها بين الاطفال ** جريح حب وطاح له في جريحه

كنا سوى نرسم على التربه امال ** واحلام تقتلها الحياة الشحيحه

كم دمعة كانت على الخد تنهال ** واذا نزلت ضاقت علي الفسيحه

الله كم صرخة وهمسة وموال ** الله كم جادت علينا القريحه

الله كم بيت كتبنــــاه يختـــال ** واقول انا (ضيدان) وانتي (مليحه)

نخيل لو ما في السما برق وخيال ** وانكذب الايام لو هي صحيحه

تقول لا حطيت بشت وعقال ** وسخر لك الرحمن عيشه مريحه

اخاف تتركني على عثرة الفال ** للفقر ووجيه الحياة القبيحه

وحبيتها بين الخلايق والازوال ** حب يطول الوقت محد يزيحه

وسلمتها قلب تباريه الاهوال ** وطاح الخفوق . وطيحة القلب طيحه

راحت وخلتني مع القيل والقال ** شاعر صواريف الدهر تستبيحه



ودار الزمان وغير الحال بالحال ** وجاها الزمان بكل ورده وشيحه

فله .. وخدامه .. ولكزس وجوال ** وانا عجزت ادفع رسوم الشريحه

آتمنى ان تنال على رضاكم

الموضوع الأصلي: ..........بعد الفقر حطت شريحة وجوال ** يسعد مسا جوالها !! والشريحة || الكاتب: كاف يار || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

>>>>>>>>>>fu] hgtrv p'j avdpm ,[,hg ** dsu] lsh [,hgih !! ,hgavdpm lQh hgtrv fu] d.u[ [,hgih p'j wvdpm ,hgavdpm ,[,hg

منتدى دمعـــة ولـــه - الشعر وعذب الكلام- Poetry Section

---

>>>>>>>>>>fu] hgtrv p'j avdpm ,[,hg ** dsu] lsh [,hgih !! ,hgavdpm lQh fu] d.u[ wvdpm