حـــــــــــالـــــــــــــة الــــــــدنـــيـــــــا

ويلاه من طبع الليالي والأيام

احد تبري منه واحد تماشيه

واحد تمر ايام وايام مانام

سود الليالي عن منامه تقزيه

يطوي على همه ضلوعه وينضام

ولا يشتكي للناس من مايعانيه

يخاف من هرجة عدو ونمام

يضحك ومافي داخل القلب يخفيه

واحد عثر حظه ونوخ ولا قام

لو صاح بأعلى الصوت محد بيوحيه

يمضي عليه اليوم في حسبة اعوام

كن الزمن قيد يجود خطاويه

احد تهفهف له ذعاذيع الانسام



وتمشي على كيفه ودايم تباريه

ماعض يوم من الندم راس الابهام

حظه على طول الليالي مصافيه

ولا تعلى طير فكره ولا حام

ولا كفخ من جور خل مجافيه

وذي حالة الدنيا بها حظ واقسام

احد تسومه هم واحد تواسيه

ومن لا عرف طبع الليالي والايام

ان ما تبرت منه عيت تماشيه



وسلااااااااااااااااااااااااااااااااااااامتكم











اخووووكم
خافي الدمعه

الموضوع الأصلي: حـــــــــــالـــــــــــــة الــــــــدنـــيـــــــا || الكاتب: خافي الدمعه || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

pJJJJJJJJJJJhgJJJJJJJJJJJJJm hgJJJJJJJJ]kJJJdJJJJJJJh

منتدى دمعـــة ولـــه - الشعر وعذب الكلام- Poetry Section

---

pJJJJJJJJJJJhgJJJJJJJJJJJJJm hgJJJJJJJJ]kJJJdJJJJJJJh