من أفضل قصائدي المتواضعه((اميرة الفضل-رزان - حليمه بولند))

يا هنيكـم بالنـوم ياللـي تنامـون=عيني عن الغفـوات جاهـا حريمـه
عشقي جنون وراعي الحب مجنـون=ومجنون ليلى غيـر مجنون(ديمـه)
من كثر ما أعشقها غدى عندي الكون=مـن دون حظرتهـا بـلا أي قيمـه
إن غادرتني صار جوي بـلا لـون=وإن شرفت فرحت فرحـة عظيمـه
يابعد كل اللـي يجـون ويروحـون=أنتـي سكنتـي فالحنايـا مقيـمـه
أعيش بك أنفاس وأبصر بك عيـون=وأشتاق لك شـوق النديـم ونديمـه
متميزه بالزيـن مظهـر ومضمـون=اللـون خمـري والنوايـا سليـمـه
يـاورد بابـل يامدينـة أفـلاطـون=أنتي مـن عيـون القصيـد اليتيمـه
وش نهر دجله وش بساتين صيـدون=ياجنـة الخلـد المقـيـم ونعيـمـه
تسوين من نجمـات هليـود مليـون=وأميـره الفضـل ورزان وحليمـه
من يوم شفتك عفت لينـا وميسـون=وأحلى العذرا فـي عيونـي دميمـة
ومن أجل صوتك أحترمت التليفـون=أعامله بـا أعلـى وقـار وحشيمـه
الجسم روعه والمشي حيل مـوزون=معزوفـة العشـق الفريـد القديمـه
أقبال.. له كـل المشاعـر يفـزون=وأقفاي .. يغري بارتكاب الجريمـه
ياردفهـا ياصدرهـا وش تقولـون=أدخـل عليكـم تقبلـون العزيـمـه
العمـر يفـنـى والاوادم يمـوتـون=أهل البخل وأهل النفـوس الكريمـه
هالحين قولوا (تـم) لعيـون مفتـون=والا زبنت الصقـر مـال الغنيمـه
البرقع اللي تلبسـه شيـخ ويمـون=والشيـخ مايرضـى عليـه ظليمـه
اليا التفـت كـل الصعيبـات للهون=لـه وقفـة بيـن الغريـم وغريمـه
وياعاذليـن النابـغـة لاتـزيـدون=بالهرج ماتبـرى النفـوس السقيمـه
لو درجت قدام نـاس(ن) يهرجـون=أطلق شنـب فيهـم يطلـق حريمـه

فيصل الشهري يسلم عليكم ويقول: (ديمه) أسم مستعار ليس أسم ملهمته ولكنه على نفس الوزن، قد يكون أميمه،ديمه، غيمه،جريمه، كريمه ،حليمه،ريمه...وسلامتكم

الموضوع الأصلي: من أفضل قصائدي المتواضعه((اميرة الفضل-رزان - حليمه بولند)) || الكاتب: صرخة ألم || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

lk Htqg rwhz]d hglj,hqui((hldvm hgtqg-v.hk - pgdli f,gk])) lk hglj,hquihldvm hgtqgv.hk f,gk] pldgi

منتدى دمعـــة ولـــه - الشعر وعذب الكلام- Poetry Section

---

lk Htqg rwhz]d hglj,hqui((hldvm hgtqg-v.hk - pgdli f,gk])) hglj,hquihldvm hgtqgv.hk f,gk] pldgi