{}{}))(( مطفوووق في زمن أغبر ))(({} بعيد عن السياسه ..

السلام عليكم ورحمة الله

كان بخاطري سالفة اقولها لكم

لكن احترت احطها في منتدى الفرفشه والا منتدى القصص

لذلك قلت مالك الا الزعيم حطها بالعامة

المهم ....

هذه سالفه حصلت لي اول ما رحت اقدم اوراقي

للجامعة الامام محمد بن سعود الاسلاميه قبل اربع سنوات

بعد فشلي ثلاث سنوات في الملك سعود

المهم مالكم بالطويله

جاء هذاك اليوم وقمت من النوم الصبح

وكأن عندي شغل بس ناسيه

اووه ذكرت التقديم على الجامعه

وانا اللي انقز من الفراش وانصى المغسله



و اديور للدولاب القط لي ثوب واسحب شماغ

طبعا لا تسئلون عن المعاليق وش صار لها ( ما تعفطن ابد ) clap

وادحدر مع الدرج عتبه ايه وعتبه لا

وادخل على الوالد في المجلس والا هو متكي ( مضجع ) يتفرج على التلفزيون

يبه ابي دراهم ابروح اقدم على الجامعه

ابوي بدون مبالاة دس يده في مخباه وطلع خمسة اريل ومدها لي

طبعا ابوي ما يدري كم عطاني مندمج مع التلفزيون اندماج انما ايه ( الجزيره وما تسوي ) shutup

انا اخذت الخمسه وقلت ومالوه كلها مشوار ابو ربع ساعه ما راح تحتاج ان شاء الله

وانا اللي اطلع من البيت واشغل الموتر وافتح الدرج وادور لي شريط نسمعه اليما ناصل

المهم وامشي واطلع على الدائري وزحمته والا اشوف هذيك البقاله ( شكلها مغري ) shiny

و اصفط عند البقاله وانزل وادخل وانا احك راسي ما ادري وش اشري بس ابشري

شاري شاري لا حول ولا قوة الا بالله بالطيب بالغصب ابشري معي خمسه من قدي

المهم وتطيح عيني على الباور هورس ( شراب القوه ) واخذ لي قوطي واروح للمحاسب

كم الحساب يا محمد قال المحاسب اربعه ريال

المهم عطيته الخمسه راس مالي ورجع لي ريال

صار راس المال اللحين ريال

وارجع للسياره واكمل مسيرتي للجامعه ( وكلي امل وطموح )

المهم وصلت الجامعه ( ولا ادري وين الله حاطني التقديم بالسكن والا عند الامن والا وين ما ادري )

المهم بعد السؤال واللوحات لقيت وجهتي

والا انا اللي اوقف سيارتي عند كلية الشريعه

وادقها رجل من الشريعه الى المكان المنشود

يعني قطعت الجامعه كلها طووول ( يا حلاوتي وانا امشي ) smurf

المهم والا هذيك السراوات كنك مجمع عشرين مخبز تميز يبيعون خبز سكر

المهم وامسك سرا وياصلني الدور بعد عشرين دقيقه تقريبا

وادخل للمبنى اللي فيه التقديم

والا هم وجهوني للشخص يقولون انه يأخذ الملفات رحت للشخص

والا هو يقول لي غير ملفك من الاخضر للبرتقالي ( الحمد لله على النعمه ) icon28

اي برتقالي يا حبيبي

قال الشخص شف الشخص الثاني اللي هناك يعطيك ملف برتقالي

قلت زين وتوجهت للشخص الثاني

وصلت للشخص الثاني قلت يالحبيب نبي ملف برتقالي

قال الشخص الثاني بريالين ((((((( ريالين )))))))

طبعا نسيت الباور هورس وان راس المال ريال

دخلت يدي في مخباي بكل ثقه

بس يدي رجعت خايبه بريال واحد

قلت له يالحبيب ما يجي بريال blushing

قال لا ما يجي schmoll

اللحين شوفوا حالتي

ابي رياااااااااااااااااااااال

يا ناااااااااااس يا عاااااااااااااااااالم ابي رياااااااااااااااال

رياااااااااااااااااااااااال مايصير الكلام هذا

طبعا تحطمت وضاعت امالي

بسبب رياااااااااااااال

واجلس ادوور واحوم في الصاله

قلت لازم ادبر رياااااااااال

وش ارهن ساعتي

لا والله ماني راهنها غاليه

طيب اعطيه اثباتي

لا لا يمكن يصير ارهابي ويوديك في ستين داهيه

واسحب رجليني والا هذاك السكيورتي busted_red جاء جمبي

وانا اطالع فيه قلت يمكن يصيرون طيبين حقين امن الجامعه

التفت عليه وقلت يالحبيب معك ريااال بصوت خافت

هو سمعني بس ما استوعب السؤال قال ( هاااااه )

قلت مره ثانيه يالطيب معك ريال

قال السكيورتي ريال ؟؟؟ ريال ؟؟

قلت ايه ريال

قال والله مدري بس خل اشووف

ويدخل يده في مخباه والا تطلع معه خمسه

وانا اللي اخطفها من يده واركض واصوت ابرجع لك الباقي

هو ما استوعب الموقف وش صااار طارت عيونه

ولسان حاله يقووول (( يالله اسئلك العفو والعافيه ))

واروح للراعي الملفات واعطيه الخمسه بكل فخر

بس مال غيرك ما يسترك

انغسل ماء وجهي عشان ريااااااال

المهم واكمل التقديم بالملف البرتقالي

وارجع للبيت

وادخل على الوالد وراسي في الارض

قال الوالد بشر يا ولدي عساه خير

قلت له السالفه كلها

قال احسن

هذا اللي يشري مالا يحتاج يبيع ما يحتاج

ثم مد لي مية ريال

وقلت وش عقبه

عقب ما انغسلنا بالمرق


وتمت



وارجوا اني ما اطلت عليكم

وانها تحوز على رضاكم


وتقبلوا أجمل تحية

الموضوع الأصلي: {}{}))(( مطفوووق في زمن أغبر ))(({} بعيد عن السياسه .. || الكاتب: ClassiCal Class || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: المنتدى العام - Main Section

---

VCVC))(( l't,,,r td .lk Hyfv ))((VC fud] uk hgsdhsi >> l't,,,r hgsdhsi fud] sl, uk

منتدى دمعـــة ولـــه - المنتدى العام - Main Section

---

VCVC))(( l't,,,r td .lk Hyfv ))((VC fud] uk hgsdhsi >> sl,

هاهاهاهاهاهاهاهاهاهاهاهاااااااااااااااااااااااااي ...

يووووووووووووه لو إن السكيورتي ما معه فلوس ترجع البيت عشان ريال هع هع ..

الله يرجك يا ولد على هالوناسة ..

لا عدمناك ولا عدمنا فلتك ..

دمت بود يا غلاهم ..

هههههههههههههههههههههههههههههههههههههههه

فديت هالضحكه

المشكله مو مشكلة الرجوع للبيت

المشكله اني يالله بالطق والطقيق دخلت الصالة حقت القبول

لو اطلع مرره ثانيه راح تصير سالفه عشان ارجع

ومشكوووره كل الشكر على مرورك وتعليقك دموع الحزن

ولاعدمناك ولا عدمنا ردودك

وتقبلي أجمل تحية