حجم الزعل

عن وطا الارض السحابه تعانقه هيبه علوي
والتواضع من صفات العظماء المستحبه

والحياه الفاخره روعه لكن ما هي بجوي
جوي الفرحه على وجه الفقارى الأحبه

ياسمو الشعر ياللي تشبهك هيبه سموي
الغلا مافيه قلب ما لعبه ,, ما لعبه

والحبيب لا زعل منه حبيبه وش يسوي ؟!!
هل يسبه يا طويل العمر والا ما يسبه !!



قال عمري ما نويت اشب للهجران ضوي
والنصيحه خل عنك الهجر لا تحاول تشبه

والرضا عكس الزعل لكن بتفكيرك تروي
تعرف ان حجم الزعل دايم حسب حجم المحبه



قلت انا ناوي فراقه بس انا لاجيت انوي
قام يجذبني هواه اللي يذعذع من مهبه

الغزال اللي ربا فدبي له قلبي مهوي
طول فغربته والرابي ما يصبر عن مربه

ذكرياته فالخفوق وطيفه خلافي وتوي
فالتراب ,, فكل شبر وفالبحر وفكل قبه



الزعل فيني عمل حاجه ما يعملها عدوي
علمووه يخاف في فزاع يا اهل الخير ربه

الموضوع الأصلي: حجم الزعل || الكاتب: الهاشمية || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

p[l hg.ug

منتدى دمعـــة ولـــه - الشعر وعذب الكلام- Poetry Section

---

p[l hg.ug