قناع زيت الوررد ,قناع الزبده لبشره ناعمه , وصفات لبشره نضره

الماسك ده من الماسكات المفيدة لكل أنواع البشرات، خصوصا في فترات تغيير الفصول علشان يعالج الجفاف والتقشير والتشقق في الجسم؛ لأنه بيرطّب وبيغذّي وبينعّم وبيفتّح وبيعطّر البشرة.

المقادير: قطعة زبدة صفرا بدون ملح (بحجم عين الجمل)
3 ملاعق كبيرة زيت ورد

الطريقة:
هنحط الزبدة في حلة على النار لحد ما تسيح، وبعدين نحط عليها زيت الورد ونقلّبهم شوية، وبعدين نصبّهم في زجاجة لحد ما يتجمّدوا، وممكن نحطّهم في الثلاجة بعد ما يبردوا شوية.

هنستخدم الماسك ده للجسم فقط، مرة واحدة في الأسبوع؛ لأن زيت الورد مع الماسك ده قوي جدا على الجسم، بس ممكن في أوّل مرة نستخدمه 3 أيام متتالية.

هنحط الماسك ده على بشرة نظيفة تماما بعد ما نعمل إزالة للشعر، هنغسل الجسم بالليفة المغربية أو بالليفة العادية بس تكون خشنة علشان نشيل طبقة التراب، ويفضّل لما نعمل الماسك ده إننا نستخدم الصابون المغربي علشان يبقى الجسم واخد بخار وتدليك كويس قبل ما نعمل الماسك.

بعد كده هانحط الماسك على الجسم وهو مبلول من تحت لفوق، ونعمل تدليك في اتجاه القلب، وحاولي تحطي كمية مناسبة يعني ما تبقاش قليلة أوي علشان تعمل نتيجة كويسة، وبرضه ما تكتريش أوي علشان ما يبقاش جسمك مدهنن أوي، وخصوصا إنك هتنامي بيه.



هنسيب الماسك على الجسم ونلبس ملابس قطنية عند النوم، والصبح هنغسل جسمنا بشاور جيل أو صابون بس بليفة ناعمة؛ لأن الجسم نضيف ومترطب، وكمان الماسك بيشيل طبقة الجلد الميتة.

الموضوع الأصلي: قناع زيت الوررد ,قناع الزبده لبشره ناعمه , وصفات لبشره نضره || الكاتب: جار القمر || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الاناقه والجمال لبنات حواء

---

rkhu .dj hg,vv]

منتدى دمعـــة ولـــه - الاناقه والجمال لبنات حواء

---

rkhu .dj hg,vv]

الف شكرآ علي جمال طرحك الرائع
ودي وأحترامي