| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
المشرفة المميزه |
قريبا |
بقلم :  |
قريبا |
قريبا |
|
|||||||
| القصص والروايات - Stories and Novels Section يهتم بكتابة القصص والمقالات والروايات سواء منقولة أو مكتوبة |
 |
|
|
أدوات الموضوع | انواع عرض الموضوع |
03-29-2008, 12:55 AM
|
#111 | |
|
رد: مسلسل ( تعبت أشكــــــي)..
تابع الحلقه الثامن عشر
طلعت من الشركه وركبت سيارتي وأتجهت لبيت لينا عشان أقولها الخبر اللي عرفته اليوم..خبر تحديد مصيري مع بنت عمي حنين ..مش مصدق وأخيرا ياحنين بتصيرين لي..واخيرا !!وأخيرا اللي في بالي تحقق وعرفت أكسر راسك ياحنين..مش أنا ياحنين اللي ينقال لي لا..مش أنا...آآه يافيصل .مين قدك اليوم.. مين قدك...بس مدري ..مدري ليه أحس أني متردد ودايما يدور في بالي سؤال أختي ساره!!؟ هل أنا بالفعل مقتنع بأني أبي أتزوج والا بس أعجاب !!!!وهالأعجاب وصل لتحدي كبير بيني وبين حنين ..أنا ماأنكر أني معجب فيها في البدايه ولحد الآن لكن بعده أتجمع أعجاب وكبرياء وتحقيق مراد.....كنت في البدايه متعجب من شخصية حنين ...كل شي فيها غريب ومثير للأستطلاع !!كنت أبي أعرف عالمها الخاص..كنت أبي أتعمق في أمور حياتها..كان ودي أكتشف كيف هالبنت المتوسطة العمر تدير بيت عايله كامله وتصرف عليهم من جميع النواحي ...بدخل مادي متوسط..كنت أبي أعرف أكثر بسيرة هالبنت ووقفتها الكبيره مع أهلها..كنت أبي أعرف أكثر وش ورى قناع الغرور وعزة النفس والصبر..كنت أول أسمع أن بنت عمي هي اللي قايمه بأهلها لكني ولا مره شفتها بحياتي..ويوم جاء ذاك الوقت اللي دخلنا فيه عشان نسلم على الأهل شفتها!!وياليتنــــي ماشفتها..شفت جمال مابعده جمال ..شفت أنوثه ورقه وأحاسيس منفجره فيني ..ماكنت أدري أنا وين ..في السماء والا في الأرض حسيت نفسي طاير ..طايــر لبعيــــد مرره ..ماكنت متوقع بنت عمي بهالجمال ..كنت دائما أركب شخصيتها بصورة الشخص الجامد اللي همه شي واحد بس كنت أفكرها وحده من كثر الهموم اللي عندها شاب راسها من على الدنيا وكبرت عشرين سنه زياده.لكن اللي شفته غيـــر..خلى مخي ينعاد برمجته من جديد......... وبعد هالحوار اللي دار في بال فيصل وصل لبيت لينا وهو مصمم على اللي باله..ييقول لي لينا أنه بيتزوج .. يبي يذبح مشاعر بنت ياما تمنت أنها تكون له ..وكانت ترسمه فارس لاحلامها..لكن فيصل مش داري بتطور هالعلاقه ..لأنه يدري هالعلاقه محطه عابره وبتنتهي ..متى ماهو يبي وبكيفه... طق الجرس وأفتحت له الخدامه الباب...ودخل الصاله وكانت منتظرته لينا...سلم عليها وبدى على طول بالموضوع وباختصار..ولينا تسمعه . ومش مصدقه اللي ينقال لها..تحس بطعنات بصدرها تذبحها..وهو مش داري فيها... سنتين حب تضيع بسهوله.سنتين مضت من عمر لينا..تتمنى رضاه ..وتستجيب لطلباته فورا بدون نقاش.. كل لأجل أنها تكسبه حبيب وزوج لمستقبل..كانت تفكر كثير وتخطط لبعيد..كانت تبيه لها لوحدها ...ماتبي غيره ..كانت تعيش لأجله..وتحب أي شي منه..ضحكته..مشيته...غروره..صوته..كل شي.... لكن جاء اليوم اللي تنتهي أحلامها..وتخطيطاتها المستقبليه بسهوله... طلع فيصل من بيت لينا بعد ماجرح قلبها بكلامه اللي يسم البدن...طلع من بيتها بعد ماترك قلب ينزف وروح تصرخ الآهات.... مرام\نعيما سوزان\الله ينعم عليك..واي يامرام الماي حار ويهبل... مرام\ياي أمووت في الماي الحار..بس شكله عبال مايجي دوري خلص الماي الحار.. سوزان\أكيد بيخلص مدام رهف داخله الحمام... مرام\أقول سوزان.. سوزان\هلا مرام\زياد جاء... سوزان بفرحه مكتومه\والله!! مرام بابتسامه خبث\والله...روحي سلمي عليه...لأنه سأل عنك... سوزان بغرور\تسأل عنه العافيه... طلعت من الغرفه وأتجهت للصاله وشفت زياد نايم على الكنبه وكان شكله كيووت وهو نايم..أتقربت منه أكثر وأكثر .. الصراحه مدري ليه أتقربت!!؟لكن ودي أشوفه عن قريب وهو نايم...والأدهى أنه كانت خصل من شعره طايحه على جبينه..مدري ليه حسيت أني ودي أمسك هالخصل ..وفعلا تهورت وكنت بمسك الخصل وتوني بمد أيدي الا أشوف زياد مفتح عيونه ويبتسم لي.. سكتنا لحظه...ماكنت أقدر أقول ولا حرف ..من الفشيله تميت ساكته..أنربط لساني هذيك اللحظه..والحمد لله زياد تفاهم الموقف ورفع عني الأحراج وبدى بالكلام.. زياد بابتسامه واسعه\ماانت قايله لي الحمد لله على السلامه!!! سوزان\.......................الحمد لله على سلامتك..... زياد\الله يسلمك ويخليك يارب...ها شلون لبنان!!مرتاحيين!! سوزان\.......أيه الحمد لله..أستأذن.. زياد\ويــــــــــــــــــــن!!! سوزان\لا أبد بروح المطبخ أشرب ماي.. زياد\جيبيلي معاك ....لو سمحتي سوزان وهي رافعه حاجب\أوكــي.... مين مفكر نفسه عشان يطلب مني أجيب له كاس ماي...مالت عليه..ليكون مصدق نفسه...وانا بعد الخبله شبلاني!!!الحمد لله أني مامسكت شعره..والا كنت بروح فيها..هي أنا رايحه فيها رايحه أصلا..يكفي أنه شافني وأنا أمد أيدي ..بس الحمد لله ماعلق... صبيت كاس الماي لزياد وأول ماطلعت من الصاله..شفت الشباب مجتمعين حوالي زياد يسلمون عليه ومسوين هيصه وأزعاج!!...أشوه عشان ماأقعد معاه وماأتفشل...عطيته كاس الماي.وعلى طول دخلت الغرفه وهو يلاحقني بنظراته ... العنود\منوا!!! الخال\فتحي انا خالك... فتحت الباب وشفت خالي جاي مع عياله ومرته..لكن لافي مش معاهم...قهر... العنود\هلا وغلا ملايين بأحلى خال بالدنيا...وأحلى مرت خال.. الخال ومرته\هلا فيك ريم\أيا السباله وأحنا نستينا ومنتي مسلمه علينا... الخال\أكيد بتنساكم أنا خالها مو أي حد... العنود\أتفضلوا أتفضلوا... دخلوا الجماعه البيت ورحبت فيهم أم حنين .. أم حنين\شلونك أخوي عساك بخير!! الخال\الحمد لله وأنتوا أخباركم..وأخبار حنين.. ام حنين\خلها على الله ياأخوي ..البنت مصممه وأتخذت القرار.. الخال\ليه !!هي وافقت!! أم حنين\أيه ياأخوي..اليوم الصبح جاتني وقالت لي أنا موافقه على فيصل ..ودقت على أبوها وخبرته... الخال\الله يهديها ويكتب لها الخير..وماتدرين خيره سبحان الله..وأكيد الله مش مضيع أجر عباده... أم لافي\الله يوفقها أنشاء الله ويعطيها على قد نياتها... أم حنين\آمين يارب العالمين.... العنود\ريم ..وين لافي..ليش ماجاء معكم...!!؟ ريم\لاتخافين ..بيجي اللحين.. العنود\اكيد!! ريم\أيه أكيد... عمر\أووه خالي هني وأنا مدري...هلا والله بخالي...وراح يسلم على خاله.. الخال\هلا عمر شلونك وشخبارك!! عمر\الحمد لله كل شي تمام.. ريم\شوفي شوفي أخوك كيف يطالعني!! العنود\أكيد بيطالعك كذه ...أيام عدت وماشافك فيها.. ريم\ويـه مالت عليك..ليتني ماسألتك.. العنود\أحسن بعد... عمر\شلونك ريم... ريم وهي مستحيه\الحمد لله.. عمر\وشلون الدراسه معك!! ريم\زينــــه... عمر\وشلون الأهل!! العنود\أقول أخينا في الله ذبحت البنت..الأهل جنبك أسألهم عن أخبارهم... ريم\لا عادي العنود ماقال شي عمر.... عمر\شفتي هي ماقالت شي مالك شغل أنتي... العنود\أقوم أحسن لي أشوف حنين... عمر\أيه أيه روحي ناديها.. العنود\عاد أنت ماصدقت على الله... عمر\هذا انت قلتيها ماصدقت على الله... ريم\العنود خذيني معك... العنود\وليه أخذك معي بيبي...!! ريم\هههههه ياحلوك وأنت تنكتين...روحي نادي حنين أحسن... نواف\يالـــــــــلــــــــــــه مانبي نتأخر... العمه\زين زين ذبحتونا هذا أحنا خالصين..... ساره\مدري ليش أنتوا مستعجلين... نواف\لا أبد آنسه ساره مش مستعجلين بس مدري مين اللي يقول نبي نروح جميع الأماكن اليوم.... ساره\طيب هذا أحنا خالصين... مرام\يالله أتنوا اللي بتأخرونا... نواف\وين ترف....!!؟ سوزان\تلبس ساره\ووين خالد...!!؟ ريان\يلبس... العمه\والله ماأحد مأخرنا غير هالأثنين... زياد\ويـــه هذيلا ماتغيروا في كل شي يتشابهون... مرام\أي والله في كل شي يتشابهون... العمه\أمشوا ننزل وهم يسبقونا....رهف قولي لأختك أن أحنا بننزل... رهف\أنشاء الله.... العمه\يالله أمشوا.. نزلوا الجماعه تحت وأتوجهوا للسيارات..وأركبوا السياره... خالد\ترف!! ترف\خالد !!شفيك مانزلت... خالد\توني طالع من الحمام... ترف\طيب يالله بسرعه خلنا نطلع... خالد\أيش الذرابه اللي نازله عليك!!من وين طالعه الشمس اليوم!! ترف\لأني مالي خلق لخناقه..وبسرعه خلنا ننزل... خالد\أوكي ليدي .......... ترف\أيش الذرابه اللي نازله عليك!!من وين طالعه الشمس اليوم!!! خالد وهو يبتسم\ لأني مالي خلق لخناقه..وبسرعه خلنا ننزل... ترف أكتفت بابتسامه وأطلعوا أثنينهم من الشقه ونزلوا تحت.. ريان\هذا هم جاوا.... رهف\أكيد اللحين بتشوفون ترف مفوله من العصبيه بسبب خالد... نواف\وحتى خالد أكيد معصب على ترف اللحين,... خالد وترف\أتاخرنا!!! الكل\غريبــــــه خالد\أشفيكم...!!؟؟ زياد\لا أبد أتوقعناكم متخانقين ومعصبين... خالد\أفا أنا أزعل بنت عمي ..ماعاش مين يزعلها...صح ترف... ترف\أكيد..أحنا عيال عم وأخوان... العمه\ماأبي أنضلكم يالله ركبوا... خالد وترف\أنشاء الله.. رهف\لا ومطيعين بعد.... خال\أفا عليك نعجبك أحنا... زياد\حبايبي وين تبون ترحون أنا عازمكم اليوم على شرف جيتي... العمه\لا يازياد أنا اللي عازمتكم وأنت خلها عشاء... زياد\أنشاء الله ولا يهمك عمتي العشاء على حسابي...بس لاتخسروني !!! نواف\أيه قول كذا من البدايه..اجل عناد بطلب على الغداء شي خفيف عشان أستعد للعشاء... زياد\ ولا يهمك يااخوي أطلب اللي تبيه... العمه \ياحلو سواقتك يازياد مش مثل المجانين بعض الناس... زياد\تسلمين ياعمه... خالد\مين تقصدين عمتي... العمه\أبـد ولا شي...الجيران... ترف\هههههههههههههههههاي...الجيران... وصلوا الجماعه المطعم وطلبوا طاوله كبيره لهم ومابقى شي والا طلبوه ونواف من كثر الأكل الموجود ما قدر يمنع نفسه أكل أكثر واحد فيهم...مين يعافي أكل لبنان!! ترف\وعمــــى انشاء الله بشكلك ياللي ماتستحين ....ياقليلة الأدب!!! الكل\أشفيــــــك!!! العنود\تكفين حنين خالي يسأل عنك ويبي يشوفك!! حنين\ماأقدر يالعنود ..ماأبي اشوف أحد ..مالي خلق... العنود\الله يخليك علشاني بس ..وعشان مايزعل خالي روحي شوفيه وسلمي عليه.. حنين\قولي لهم أني نايمه... العنود\لا ياحنين لاتتهربين..وبعدين ليه أنت مضايقه...انت اللي أتخذت القرار ولازم تتحملين نتايجه... حنين باستهزاء\أتخذت القرار!!وأتحمل نتايجه!!لا يالعنود مش أنا اللي اتخذت القرار ..أبوي هو اللي اتخذ القرا ر وغصبني أوافق وأتحمل نتيجة أفعاله..مش انا يالعنود مش أنا... أصلا أنتوا مش حاسين فيني!!مش حاسين بالنار اللي شابه بصدري..ماأحد حاس فيني كثر ربي اللي خلقني.. العنود\والله أني حاسه فيك..وشايفه بعيني معاناتك ومش قادره أسوي أي شي!!خلاص كل شي تعقد ..وصعب أنحله..كل شي صار بأيد أبوي وعمامي..مالنا غير الدعاء ياحنين..مالنا غيره... طلعت العنود من الغرفه لأنها ماتبي تنهار وتضايق أختها..ودق جرس البيت وراحت تشوف مين على الباب...وشافت نظر عينها وقلبها مداوي الجروح ....لافي..... انتظرووني أحساس |
|
|
|
03-30-2008, 06:44 AM
|
#115 | |
|
رد: مسلسل ( تعبت أشكــــــي)..
* ابو فجر *
* عبادي * * نزوووفه * يسلمووووو ع المرور العطر الذي ملىء اركان متصفحي بعطر ردووودكم الف شكر لكم ... لا خلا ولا عدم دمتم بووووود أحساس |
|
|
|
|
03-30-2008, 06:49 AM
|
#116 | |
|
رد: مسلسل ( تعبت أشكــــــي)..
الحلقه التاسع عشر
ترف\قليلة الأدب.... العمه\وبعدين شفيك فضحتينا!! الناس كلهم يطالعونا!! ترف\لفوا وركم وبتشوفون!! لفوا على المكان اللي أشرت لهم أياه ترف وشافوا بنت في العشرينات توها داخله المطعم مع شاب خليجي وماسكها من خاصرها..ويضحك معها بصوت عالي ولا همه أحد...وهي الي ماتستحي ماقصرت وباسته قدام الناس نواف\ههههههههههههههههههههههههههاي وناسه..... خالد\أموووت انا على المواقف الرومانسيه...أيه أشعليك ياحبيبي في لبنان وأهلك مش دارين عنك... ساره\صج قلة أدب ..هذيلا الشباب أذا سافروا عن أهلهم يسون هوايل ويفكرون نفسهم في المريخ.... خالد\عادي ياحبيبتي كل الشباب كذه... ترف\نعم نعم نعم أستاذ خالد!!يعني أنتوا منهم!! خالد وحب يقهرها شوي\يمــــكــــــن....كل شي جايز بهالدنيا.... ترف\أصلا أنتوا............................................. .والا خليني ساكته أحسن لي... خالد\فكـــــه منك ..ياأم لسانين... ترف\مالت عليك ماغيرك بو لسانين... خالد\شوفي عاد أنا ساكت عنك لأنك بزر والا .... العمه\لا لا لا حلفت عليكم..خالد أفصخ جزمتك وعطها بكس في وجهها..وأنت آنسه ترف خذي الملعقه اللي جنبك وفلعيه براسه...وش ذه!!! زهقتونا من أول ماجينا لبنان وأنتوا كله تتخانقون..طفشتونا... خالد\لالالا أحنا أخوان وحبايب ومانسوي هالحركات صح ترف!!! ترف\أيـــه أيـــه أحنا أخوان ومؤدبين مانسوي هالحركات.... خالد\مره هالبنت مره ترف\رجــال هالولد رجــال الكل\ههههههههههههههههههههه... وبعد ساعه... زياد\مشينا!!! العمه\يالله... طلعوا من المطعم وأركبوا السياره زياد\ها وين تبون تروحون!! سوزان\البحر....نبي نروح البحر... زياد وهو يناظر المرايه \أنشاء الله مرام\سوزانوا ..شمسويه بأخوي!!! سوزان وهي متفاجئه\أنا!!ماسويت شي... مرام\أيه واضح.... سوزان\ليه أنت حاسه بشيء!! مرام\أيه أحس أنه فرحان ودايم يسولف ويوزع أبتسامات... سوزان بغرور\طيب وش دخلني أنا ..كيفه هو حر بتصرفاته.. مرام\زين زين.....ليتني ماكلمتك... سوزان\أحسن.... وصلوا البحر..وياحلاته من بحر...الشمس كانت بحالة غروب وشوي وبتغيب..المنظر كان رائع جدا..وتشوفون الناس في جميع الأماكن ..اللي جالس مع أهله ..واللي يلعب مع الأطفال..واللي يتسبح في البحر...بس اللي عكر الجلسه البنات اللي مايستحون اللي جالسين بــ بكيني وأشتعلت نار الغيره والقهر في نفس البنات.. . سوزان\لا خلاص ماأبي بحر...ودونا أي مكان ثاني... خالد\وليه أنشاء الله تونا جايين... ترف\ايه صادقه سوزان مانبي نجلس ..بنات البلد مايستحون... خالد وهو يطالعها بنص عين\ليه آنسه ترف تغارين!! ترف\انا!!أغار!!!هاهاهاها ..ضحكتني ياخالد..وليه أغار !!من حلاتكم عشان أغار عليكم!!! خالد\أصلا أنت تتمنين زي أشكالنا... ترف\أيـــــه أيـــه العمه\طيب بنات أنا بروح الصالون اللي جنب الشقه وأنتوا رحوا تمشوا بعدين تعالوا لي!! رهف\أوكي أحنا نبي نروح الملاهي!! نواف\وش ملاهي بعد!!! ترف\أي والله تكفى أخوي نبي نروح الملاهي!! نواف\ها شباب شرايكم!! خالد\أيه خلنا نروح عشان أطفر فيهم زي الصيف اللي فات... العمه\أوكي اللحين ودوني الصالون وروحوا الملاهي وبينا تليفون... يتبع,,,, أحساس |
|
|
|
|
03-30-2008, 06:53 AM
|
#117 | |
|
رد: مسلسل ( تعبت أشكــــــي)..
تابع الحلقه التاسع عشر
العنود\لافـي... لافي\العنـود... العنود يفرحه كبيره\شخبارك!!! لافي\أنتي بخير. العنود\أيه.. لافي\خلاص حتى أنا بخير... لافي\العنود العنود\هلا... لافي\صج أني زعلان عليك بسبب أنك رحتي المستشفى بدون ماتقولين لي..لكني غفرت غلطتك وسامحتك... العنود\صدقني لافي مابغيت أتعبك... لافي\العنود العنود\نعم لافي\أحد يتــــــعب روحـــــه.. العنود متفاجئه\هـــا لافي بصوت واطي\من قال ها سمع... ومشت عنه لافي\لحظه العنود.. العنود وهي منزله عيونها\في شي... لافي\ممكن أكلمك شوي.. العنود\تفضل.. لافي\لا مش هنا ..في وقت ثاني... العنود مستغربه \ليــش لافي\حرام أكلمك... العنود\لا مش حرام..بس صعبه شوي... لافي\العنود أنــــــــــا..أنـــــــــا... ريم\أنت أيش يالافي....!! لافي\ريم .. ريم\أيه ريم فضحتونا الكل عرف أنك بره عند الباب لافي\أيش دراهم!! ريم\لأنهم يدرون أنك بتجي اللحين.. لافي\زين أنت روحي وأحنا بنجي... ريم\لا ياحبيبي ألعب على غيري..رجلي على رجلكم تمشون معي... لافي\أوووف منك..العنود تكلمي قولي شي... العنود\أيش أقول.. لافي\أي شي فهمي أنتي عاد... العنود وهي منحرجه\مثل أيش مثلا لافي وهو معصب\!!لا ولاشي .سلامتك الشيخه.. العنود\وليه أنت معصب اللحين!! لافي\لأنك تقهرين أحر ماعندي أبرد ماعندك...وخروا زين أنا اللي بدخل... ودخل لافي وهو مفول من العصبيه... العنود\ريم ريم لحقيني لحقيني ريم\اشفيك العنود العنود\نارنار..أحس بحراره حراره.. ريم\بسم الله عليك شفيك...خرعتيني!!! العنود\لافي لافي بيذبحني بيموتني..انا ماقدر ماأقدر... ريم\العنود والله لو ماتكلمتي لأذبحك شفيك!!! العنود\أول شي حطي أيدك على قلبي.. وحطت ريم أيدها على قلب العنود وحست أن دقاته بتنفجر.. ريم\العنود هدي أشوي أتنفسي ..قلبك شوي وبيطلع.. العنود\تدرين ليه!! ريم\ليـــه!!!؟ العنود\لأن..لأن..والا خلاص مش قايله ريم\والله بتقولين واللحين بعد العنود\لأن لافي قالي أحد يتعب روحــه..يعني أنا روحه ياريم روحه ودنيته..ونـــاسه...بموووت...بمووووت ريم\لا والله !!!صج ماتستحين خرعتيني على الفاضي..كأنك جيبتي شي جديد يعني...ندري من زمان أنه يحبك...يالهبله... العنود\حتى أنا أدري بس غير اذا سمعتيه يقولها بلسانه ...ياويلي ياريم بيغمى علي.... ريم\أنتظري أنتظري لا ياغمى عليك اللحين أخاف روميوا يرتكب فيني جريمه..أصبري لمن ندخل الصاله... العنود\ريم بقولك شي.... ريم\وش هالشيء!! العنود\...............أنا أحب لافي... ريم\لولولولولولويييييييش....ههههههههههههههاي العنود\الله ياخذك فضحتيني شفيك تلوليشين... ريم\حبيبتي والله وأخيرا قلتيها وأخيرا...آآه لويدري لافي بيستخف بيطير عقله بروح أقوله..وتوها بتروح الا مسكتها العنود العنود\وين وين !!أنت مجنونه تبين تجيبين لي الجلطه...والله ماأنت قايله له شي ريم\ليه!!صج عذال الهوى صايره لي..تحرمين الفرحه لأخوي..حرام عليك... العنود\ريمــوا لا تخليني أندم أني قلت لك ..وبعدين أنا أستحي..ماأقدر... ريم\طيب ممكن ياآنسه نكمل حديثنا داخل..تراني تعبت من الوقفه.. العنود\أوكي يالله... سوزان\لالالالالالا مستحيل أركب معكم هذه اللعبه... أنا اخاف!! مرام\بالعكس حلاة السفر المغامره... خالد\سوزان خليك كوول وقويه وأركبي... سوزان\مستحيل مستحيل أركبها.... زياد\خلاص أنتوا أركبوا وأنا بجلس مع سوزان... نواف\ويوا يالبزر..تخافين... سوزان\أيه أخاف عندك مانع!! نواف\لا ماعندي...ههههههههه خالد\المهم يالله مانبي نتأخر... زياد\أوكي روحوا وأحنا بنستناكم.... مرام بصوت واطي\من قدك ياأخوي بتجلس مع حبيبتك... زياد خزها بعينه وأنطمت ونزلت عيونها بالأرض ومشت مع البقيه... ركبوا الشباب اللعبه وكل وحده من البنات ماسكه قلبها لكنهم يسوون نفسهم أقوياء..لأنهم مايبون يتفشلون..وخصوصا ترف كل شي عندها ولا تنحرج قدام خالد عدوها الأبدي... وهم في اللعبه ترف\بسم الله بسم الله بنات أقروا آية الكرسي.... ساره\أشهد أن لا اله الا الله وأشهد أن محمد رسول الله... وكانت اللعبه عباره عن كراسي قريبه من بعض وتقريبا تشبه لعبة الشوايه اللي تتقلب .. خالد\هههههههههههههههاي من صجهم هذيلا اللي يشوفكم يقول بتموتون والا رايحين تحاربون... ههههههههههههههاي هههههههههههههههههههههههههههههههاي نواف\ههههههههههههه خالد تكفى تكفى شوف ترف وساره كيف يرتجفون كأن ضاربهم كهرباء هههههههههههه هههههههههههه خالد\أقول بنات شوي شوي خلصتوا الأكسجين اللي في الهواء ترف وهي معصبه\ياملقك ياأخي... خالد\ماأقدر أنا على اللي يعصبون...ههههههههههههههاي ترف\أأأأأأأوص أأأأأوص ولا كلمه بدت اللعبه....يمـــه أنا خايفه... زياد\تبين أيس كريم !!! سوزان\عادي زياد\طيب أنا بروح أطلب لك معي... سوزان\أوكي.... زياد\أوكي أجلسي هنا لمن أجي.... سوزان\طيب سوزان\زيــــــــاد زياد\هلا سوزان\لا تتأخر ..........لأني أخاف... زياد ماقدر يقول شي ..(سوزان تخاف لوحدها..تعتبرني أنا الآمان ...ترتاح لوجودي..أتقبلتني أكثر من أول...ياربي كم بعيش...وتلوموني اذا حبيتها...)أشر على عيونه الثنتين..يعني قصده يقول من عيوني..ومشى...... بو لافي\خلاص هذا قرارك النهائي... حنين بعيون كسيره\أيه ياخالي أنا قررت أتزوج فيصل وقلت لأبوي وأكيد الخبر وصل لهم اللحين... بولافي\الله يوفقك يابنتي ويسعدك ويكتب لك الخير يارب.. أم حنين\آآمين ياأخوي الله يسمع منك.... لافي\خلاص ياحنين بتتزوجين قبلي..وأحنا مقررين نتزوج في وقت واحد.. حنين\شسوي يالافي قسمه ونصيب...وبعدين أنت ماتبقى لك الا القليل وتتخرج...يعني يالله خلص أمورك..واذا تبيني اخطب لك ترى ماعندي مشكله.. لافي\خلاص شورك وهداية الله.. وأنت خطبيلي بس أنا خايف البنت اللي بتختارينها ماتبيني.. !! حنين\لا تخاف في هذا الشيء انا ضامنه أنها تبيك...أنا أعطيك الآمان... لافي\يعني خلاص أعتمد عليك... حنين\أعتمد وأنا أختك... بولافي\يالله عيل أحنا نستئذن وأي شي جديد علميني .. أم حنين\أنشاء الله ياأخوي ماقصرت... أم لافي\مع السلامه... لافي بابتسامه\حنين سلمي عليهم... حنين\يبلغ ... أم لافي\حنين تكفين حبيبتي روحي نادي ريم قوليلها بنروح حنين\أنشاء الله.. أم لافي\يالله مع السلامه.. الكل\الله يسلمك... يتبع,,, أحساس |
|
|
|
|
03-30-2008, 06:56 AM
|
#118 | |
|
رد: مسلسل ( تعبت أشكــــــي)..
تابع الحلقه التاسع عشر
حنين\ريم يالله بتروحون... العنود\وين ماقعدت معك... ريم\مره ثانيه أنشاء الله مع السلامه.. العنود\عاد أنت ماصدقتي على الله ياسخيفه باااي روحي أنقلعي.. ريم\أفا والله أفا وهذه بوسه أموووه ولا تزعلين ...يالله مع السلامه بنات سوزان\يوســــف..... يوسف\أيه يوسف يالخاينه ..خلاص نستيني يوم رحت لبنان ..وين اللي يقول أنك بتكلميني.. سوزان\صدقني يوسف كنت بكلمك لكني ماقدرت الكل جنبي... يوسف\لالا هذا مو عذر...أنت نستيني وماعدت تحبيني.. سوزان\حرا م عليك يايوسف أحد ينسى نفسه...أنا أحبك يوسف والله أحبك.. أوكي يوسف يالله مع السلامه أكلمك بعدين.. زياد\تأخرت !! سوزان وهي مرتبكه\لا عادي زياد\مين كنتي تكلمين!! سوزان\أنا....أيه هذا صديقتي تسال عني... زياد\أهــا زين عيل خذي الأيس كريم... سوزان\شكرا.... زياد\العفو.... ترف\لالالا راسي راسي ياناس أحس بدوخه ..أخ راسي مفتر....مااٌقدر امشي..مسكوني.آآآآه.. خالد\ههههههههههههههههههههههههههههههههههههههاي هههههههههههههههههههههههههههاي واللله أنك شي ياترف يمه بطني بموووت هههههههههههههههههههاي زياد\شفيكم شصاير!!! خالد\فاتكم نص عمركم... سوزان\ليه أيش فيه!! خالد\ هههههههههههههههههههههههههههاي نواف تكلم أحس أني مش قادر أقول كلمه على بعضها ههههههههههههههههههههاي هههههههههههههههههههاي نواف\الله يسلمك الآنسه ترف جلست تصرخ في اللعبه وتقول أبي أمي أبي أميأبي أبوي.وشوي وبتقول أبي زوجي ههههههههههههه..أما الآنسه ساره جلست تتشهد طول اللعبه...ورهف ومرام وريان من خوفهم ماقدروا يقولون شي..تصنموا ههههههههههههههههههه خالد\هههههههههههههاي لا والنكته يوم أنقلبت اللعبه على ورى ترف قامت تقول الله يلعنك وقفها الله يلعنك يالحقير يالحقير ياللي ماتستحي يالزفت والله لعلم عليك أبوي وقف اللعبه أقولك وقفها...ههههههههههههههههاي ههههههههههههههههههههههههههاي ترف\والله أنكم ماتستحون وأنا أقول أشفيها سوزان ماتبي تركب...أثاريها تدري وش بيصير ولا قالت لنا... سوزان\والله ماأحد ضربك على أيدك وقالك أركبي... مرام\بس من جد أنا مت وحييت في هاللعبه..خلاص مستحيل العب مره ثانيه.. ودق تليفون نواف وكانت عمتهم تبيهم يجون لها وسكر السماعه منها وأركبوا السياره وراحوا لعندها بعدها راحوا يتعشون وكانت هذه آخر ليله يقضونها في لبنان لأن الصبح رحلتهم للسعوديه.. هند\وأخيرا خذت الرساله..وأحنا اللي مفتكرينها على طول بتجي وبنعرف مين هذه البنت... هند\العنود... هند\العنود... العنود\.......... هند\العنـــــــــــــــود..وصمخ.. العنود\هـــا شفيك تصارخين أنا جنبك من بعد المسافه يعني... هند\لي ساعه أناديك وأنت في عالم ثاني.. العنود\آآه بس خليني ساكته.. هند\ليه شصاير!!! العنود\مافي شي بس كنت أفكر.. هند\تفكرين في منوا!! العنود\أفكر أفكر....وأنت شعليك....!!.صج لقافه.. ام حنين\حنين ماتبين تشترين فستان للملكه!!! حنين\يمــه عندي فساتين مش لازم... أم حنين\من صجك أنت بتلبسين فستان ملبوس ..وش بيقولون علينا الناس!! حنين\أنا مش هامني أي أحد ..خلاص ماعدت أهتم بأي شي.. أم حنين\بس يابنتي لازم تشترين الفستان مابقى شي ..الوقت ضيق... حنين\وبعدين... أم حنين\وش هو بعدين بعد!!!ياحنين يابنتي الله يرضى عليك ..خلاص أنسي حاولي تفكرين باللي جاي وتوكلي على ربك..الله بيسر لك أمرك...وتكفين اليوم تروحين مع عمر السوق وتشترين لك اللي تبيه... حنين\أنشاء الله.. ام حنين\على فكره أم فيصل دقت اليوم وقالت أنهم يبونك تختارين أغراض الملكه.. حنين\أي أغراض..!!؟ أم حنين\يعني قصدها الكيك والكوشه والزفه وكل شيء... حنين\ومين قال أنه بيدخل يشوفني.. أم حنين\ليه يابنتي أحنا مانقدر نمنعه هذا حقه... حنين\هو قال يبي يشوفني !! ام حنين\أكيد يبي يشوفك يبيلها سؤال ذي بعد... حنين\طيب يمه قولي لهم يختارون كل هالأشياء أنا ماعندي وقت أختار ومش فاضيه لهم.. أم حنين\طيب هم يبون يشوفون ذوقك..وبعدين لاتنسين يابنتي أنه هذا ولدهم البكر ويبون يفرحون له..وحتى أنا أبي أفرح لك.. حنين\يمه الله يخليك لاتضغطين علي يكفي أني وافقت غصبن عني...تكفين يمه... أم حنين\الله يهديك يابنتي الله يهديك.. حنين\زين يمه بروح أدرس البنات لهم نص ساعه ناطريني.. أم حنين\روحي يابنتي الله يسهل عليك.. أحمد\متأكد أنك بتطلع معنا!! عمر\أيه أشفيك بطلع معكم اليوم.. أحمد\والله أني خايف تغفر فينا وتأجل الموعد... عمر\لهدرجه الطلعه مهمه اليوم وأنا مدري!! ناصر\لا مو عشان شي ..بس أنت أول مره تطلع معنا ونبي نستعد.. عمر\تستعدون لأيش!!! احمد\ولا شي...بس نتجهز للطلعه.. عمر\أهـــا.. في الطياره خالد\ويه الله يعينا بدينا بالهم والنكد..خلاص كلها كم ساعه وبنوصل السعوديه... نواف\أي والله صادق لا وبعد الأمتحانات على الأبواب ..أوووف.. ريان\بالعكس..وناسه..أنتوا مامليتوا من لبنان... خالد\الله يخليك أسكت ..أحنا متى جلسنا فيها عشان نمل..كلها يومين مالت علينا من حظ.... الناس يروحون أسبوع شهر وأحنا يومين على بعضها ماأخذنا... ساره\والله أنتوا الصراحه جاحدين النعمه..أحمدوا ربكم أنكم سافرتوا يومين وبأيام مدارس ..غيركم مايحصل هالسفره... خالد\ويـــه بدت الثانيه تتفلسف..الله يعينا على الصداع... ساره\مشكور ياأخوي ماقصرت... خالد\بس زعلت ... ترف\أكيد بتزعل من حلو كلامك اللي ينقط عسل.. خالد\وأنت شعليك...صج بزر... ترف\مالت عليك... خالد\وعليك.. ترف\أوووف خالد\أوفين... عمر\لا خلوها يوم ثاني... أم حنين\ليه يايمه في شي.. عمر\أنا مواعد الربع اليوم.. أم حنين\أفا يا ولدي تبدي ربعك علينا..وأحنا اللي ساندين فيك الظهر.. عمر وبعد طول تفكير\خلاص يمه لاتزعلين وبكنسل الموعد عشانك ياأحلى أم بالدنيا.. أم حنين\أيه ياولدي هذا العشم فيك...يالله بروح أنادي خواتك أحمد\ياربي ليكون مش جاي.. ناصر\طيب أنت دق عليه وشوف وينه أكيد طلع اللحين.. أحمد\كيف تبيني أدق عليه وهو ماعنده جوال... ناصر\طيب والعمل اللحين ..الرجال بيجي .. أحمد\ياليتك ماطريته شوفه هذا هو جاي... الرجال\السلام..ها جاء والا أحمد\أللحين بيوصل تفضل أجلس... الرجال\نعم ..أنت مفكر أنا فاضي لكم .. أحمد\أذكر الله يااخوي وهدي أعصابك اللحين على وصول.. ودق تليفون أحمد هاللحظه.. أحمد\ألو ..هلا عمر..وينك..أيه أيه ..يعني!!لا ..لاتقول..طيب حاول...مره ثانيه..من صجك أنت...مش معصب..أوكي طيب ..مع السلامه.. أحمد\آسف أخوي الولد أعتذر وقال عنده أشغال.. الرجال\الشرها مو عليك علي أنا اللي أعتمد على ناس خمه مثلكم...بس الوعد مش اللحين عند صاحبنا... أحمد\تكفى ياأخوي أعتذر لــصاحبنا وقوله أنشاء الله في أقرب فرصه عمر عنده واللي جابوه بعد... وصلوا الجماعه السعوديه وأستقبلهم فيصل بالمطار ووصل كل واحد بيته \ومتى الملكه!! فيصل\يوم الخميس... ساره\طيب حرام عليك ياأخوي أحنا ماتجهزنا..ولاسوينا أي شي... فيصل\الموضوع جاء كله بسرعه..وأنا ماأبي أتأخر عشان ماأتحسف.. أم فيصل\المهم اللحين ورانا أشغال كثيرة ونبي نسويها.. خالد\شوفوا الزفه خلوها علي بسوي لكم أحلى ريمكس.. فيصل\أقول يابابا أحنا مش في حفلة شباب ..أصحى.. خالد\أعرف..بس أنت طاوعني ..وبتشوف أحلى ريمكس.. سوزان\شوف فيصل انا ولأول مره أوافق خالد برأي..صدقني عنده أشياء روعه... خالد\شكرا شكرا ..أخجلتي تواضعنا... ساره\ياناس متأكدين أن حنين موافقه.. فيصل\ساره شفيك..قلت لك أنها هي مكلمه أبوها وعطته الموافقه...وبعدين ليه ماتوافق ..فوق راسها ريشه.. ساره\لا مش القصد ...المهم خلونا في المهم.. فيصل\ساره وسوزان ..بكره أبيكم تجيبون لي أرقام محلات الكوشه..وماأبي أي محل أبي محل يليق بمستوانا...فاهمين ساره\فاهمين ياأمير فيصل... فيصل\هههههههههههههه.. كانت الغرفه بارده جدا..وماأحد يصدق أنا في أشخاص موجودين في هالغرفه الجامده الخاليه من مقومات الحياه..مافي نفس . مافي أصوات..في الآلآم ..في جروح تنزف وميته في نفس الوقت.. العنود تطالع حنين وتتأمل فيها ..تناظر كل شي فيها.. عيونها اللي تكابد الدمع..جسمها اللي يرتجف..شفايفها اللي ودها تحكي اللي بداخلها..أيدها اللي مكتفه بشكل متعب..كل شي كان في حنين يدعي الى القلق وضيقة البال....وبعد طول تأمل مؤلم.. وعيونها تلمع\مبــــــــــــــــروك... حنين بدموع تنزف\الله يبارك فيك... العنود\تكفين حنين بلا هالدموع اللحين ,,خلاص كفايه دموع... حنين\أنشاء الله ..أنشاء الله.. العنود\تدرين!!! حنين\أيش!!! العنود وبدت تدموعها تنزل \شكلك جنــــان....أحس أنك حوريه جايه من كوكب ثاني... حنين وتمش دموعها\شدعوه...............أنا حنين ومن كوكب الأرض..فهمتي ياحلوه...وماله داعي هالمجاملات.... العنود وهي جامده\المهم بروح أدق على السخيفه ريموا.. حنين\ليه هي ماجات مع خالي.. العنود\لا لسه ماجات على قولتها ..ماخلصت الميك أب.. العنود\تبين شي قبل ماأطلع!! حنين وأخنقتها العبره\أيـــه..............تعالي.. مدت أيدها الثنتـين لأختها وعلى طول العنود ماصدقت وأرتمت في حضن أختها وصاحت حنين ..صاحت من قلب متعذب....صاحت من روح تصرخ أنواع الآهات...وطلعت كل اللي في خاطرها..خلاص ماتقدر تظغط على نفسها..من اليوم بتبتدي مسأه جديده عندها..هي بالموت مسويه نفسها هاديه وقويه قدام الكل..ماتبي أهلها يتعذبون مثلها..يكفي هي اللي تتعذب..ماتبي تشوف الحزن في عيون أمها وأخوانها..تبي تفرحهم بأي وسيله..مش ذنبهم أنها تزوجت واحد ماتبيه..ولا هي ذنبها..بس أيش تسوي حكمي القوي على الضعيف... حنين وهي تصيح\ضميني ياعنود ضميني أكثر..ماعدت أستحمل..أبيك تواسيني في حزني..ابيك تهديني..أبيك تريحيني.. أحس أني عايشه في غربه..ماأحد فاهمني ولا أحد يفتكر يسأل عني ..قلبي مجروح قلبي يعورني من كثر الجروح..أبي أحس أني أنسانه..لها حقوقها..أبي أفرح زي الناس والعالم..أبي أنسى أن أبوي ذبحني وطعني بكلامه وأفعاله وجاي اليوم يعزيني..ويدفني بأيده..ماأبي أفكر وش بيصير اللحين والا بكره والا بعده..تعبت من المشاكل..كل السعاده أنحرمنا منها..وكل الأحزان أنفرضت علينا فرض.. ليش..ياعنود..ليش أحنا كذه..أنا أنتهيت..ماأبي شي بهالدنيا الاشيء واحد.. أبي أعيش لأمي..أبي أعيش لكم أنتوا بس..أنا تعبانه ..تعبانه يالعنود...تعبانــه.. العنود وهي ضامه أختها\ياحبيتي ياحنين كل هذا فيك وأنت ساكته..ومكابره علشانا..واحنا اللي أنفكر أنك نسيتي وبديتي تتأقلمين مع الوضع..طلعي ياحنين طلعي كل اللي بقلبك..صيحي أكثر..عبري بأي شيء المهم أنك ترتاحين..يابعد هلي والله..يانور هالبيت كله.. أحنا بدونك مانسوى شي..ولا شي..الله يريحك..الله يسهل عليك..ويفرج همك.. انتظروووني أحساس |
|
|
|
|
«
عشــاق مــن أحفـــاد الشيـــطان (رواية رومانسية خيالية )
|
قصة شاء قدر الله قصة سعودية رومانسية روعة ادخل وماراح تندم
»
| أدوات الموضوع | |
| انواع عرض الموضوع | |
العرض العادي
|
|
منتديات دمعة وله - منتدى دمعة وله - دمعة وله - دردشه صوتيه - شات دمعة وله - شات صوتي - سعودي كام - شات بنت ابوي - شات دقات قلبي