@@ خـلاص نفسـي بفعلـك لاتكدرهـا @@

متواضعه


خـلاص نفسـي بفعلـك لاتكدرهـا
،،،،،،،،،،،،،،،، تراي مليـت مانـي طايـق عتابـك

الفكره اللي براسـي عنـك اغيرهـا
،،،،،،،،،،،،،،،،وابرمج الفكر لين تراجـع حسابـك

الغلطه أللي تجينـي منـك امررهـا
،،،،،،،،،،،،،،،،مره وثنتيـن علـك تثنـي ركابـك

اعطيك فرصـه وحـذرا لاتكررهـا
،،،،،،،،،،،،،،،،ماودي اني اعـزر فيـك وابلابـك

الثالثـه لوتجـي ماقـدر اطمـرهـا
،،،،،،،،،،،،،،،،اردها وافيـه مـن غيـر لاشقابـك

الارض من تحت رجلينـك ادورهـا
،،،،،،،،،،،،،،،،وانزلك لـو تعلـى فـوق مرقابـك

ماظن تنسى فعولي وانـت خابرهـا
،،،،،،،،،،،،،،،،لكـن تجريـت بالرفقـه ولاثـابـك

الخوه اللي تضيـع بوجـه ناكرهـا
،،،،،،،،،،،،،،،،ماتنومن لا غزاك الوقـت والوابـك

والخوه اللي تبيـن بوجـه شاكرهـا
،،،،،،،،،،،،،،،،احرص عليها وكن الـود لاصحابـك

ماني عليك انـت لاقفيـت حاكرهـا
،،،،،،،،،،،،،،،،افلها وان رجعت اقـول وش جابـك

رفقة هل المصلحه ماكثر مخاسرهـا
،،،،،،،،،،،،،،،،حتى ولوكان راعيهـا مـن اقرابـك

النفس ماني بدرب الضيق حاشرهـا
،،،،،،،،،،،،،،،،لو كان ماكان مانـي طـارقٍ بابـك

دنيـاك لازم مـع الواقـع تسايرهـا
،،،،،،،،،،،،،،،،لو شفت منها عجايب تمسك اعصابك

امقرد الخلق تبغـى مـن يقاشرهـا
،،،،،،،،،،،،،،،،تبلش بها كل يـوم تشيـل مشعابـك



العمـر كلـه سويـعـاتٍ نقـزرهـا
،،،،،،،،،،،،،،،،لابد يـومٍ يجـي وتـودع احبابـك

سكة حياتي علـى ماجـات عابرهـا
،،،،،،،،،،،،،،،،مكتوبلي ماكتب وانتـه لـك كتابـك


آمل ان تنال رضاكم

الموضوع الأصلي: @@ خـلاص نفسـي بفعلـك لاتكدرهـا @@ || الكاتب: صافي النوايا || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

@@ oJghw ktsJd ftugJ; ghj;]viJh ghj;]viJh ftugJ;

منتدى دمعـــة ولـــه - الشعر وعذب الكلام- Poetry Section

---

@@ oJghw ktsJd ftugJ; ghj;]viJh