كل ماهبت هبايب من اطراف الشمال
ناحت الورقا على الغصن في صوتٍ شجي
ثم عادت ذكرياتك وشوفك مستحال
لكن الامال تحيي بك اللقيا واجي
ليت يحصل يوم اجي لك ولو نص الليال
والله انه لو هو الفجر لاقلت ايت اجي
ماعليّه لو بعدها حياتي في زوال
بس اهم شي التقي (من عمر فات ارتِجِي)!
دام انا حدِيت عن ضم صدره بالحلال
ودونه الشهبان حدون يوم ان ارتجي
مقتنع فيما كتب لي ..وليي بارتحال
ومؤمن بمايقسم الله ولو فيه احرجي
لكن الشوفه فلا دونها يرتاح بال
لين اشوفه قدم عيني (واهرجه اهرجي)
واسأله عن روحته يوم روح بارتحال؟!
راح من كيفه او اجبر بسلمٍ اعوجي؟!
كان هو روح بكيفه عسى ماله توال..!
والله انه آثمٍ ياعسى ماهو نجي..!
وكان هو مجبر ومحدود يوم انه اطال
بالغياب وخلف غيباته يضيع افرجي
والله اني غير لادفع اذا في راس مال
وكانها بالتضحيه غير اضحي بالمجي
بس المهم ابه التقي واعرف ابعاد السؤال
لجل اريح خاطرٍ بالشقا به محرجي
كان يوم ان الظروف اولا فيها اعتدال
يطرق ابواب الوصل للملاقا ويرتجي
لكن ظروف الليال ابعدتنا بالنزال
وبينا حالت تقاسيم حظٍ ما رجّْي
وياعذابي منك ياليل طاولنا وطال
كل ماحل الظلام اقشره حظي يجي
وكل ماجيت ادله وهب نسناس الشمال
جدد جروحٍ بها ضايعه كل احججي
العضو الأكثر نشاطاً هذا اليوم 
12-25-2012, 10:03 PM
كل ماهبت هبايب من اطراف الشمال
العرض الشجري
