حاااولت نسيانك

السلام عليكم ورحمة الله وبركاته

هذي اول قصيده لي انزلها في المنتدى



واتمنى ان تنال اعجاب الجميع


حاولت نسيانك

حاولت نسيانك وزاد الغلا فيك *** وزداد شوقي لك ياعجيب الجمالي
تفداك روحي وبالعمر انا افديك *** يامن غرامه السبب في هبالي
من غيبتك يازين والعين تبكيك *** وماتن عقب فرقاك كل الأمالي
هلن دموع العين والقلب يشكيك *** وحالي بها النقصان من ماجرالي
انا اشهد اني غارقن في موانيك *** ولا لي سوى حبك حرامٍ حلالي
ضيفك قلبي ساعةٍ اللتقى فيك *** شي جرى بالعام فوق المقالي
سلمت لك روحي وكلي انا أتيك *** ملكتني بالحب أول وتالي
من راسك الشامخ لغاية مواطيك *** الله عطاك الزين دق وجلالي
خمرٍ حديثك والخمر بين اشافيك *** ينفع يضر الحال عزي لحالي
أموت وحيا وبالحشاء ذي مبانيك *** حيثك صعب ونلت صعب المنالي
اكفيتني برضاك ربي يخليك *** واسعدت قلبي يالقضي بالوصالي
لكن دماري يومه البعد يطويك *** وابعدت عني وصرت شرقاً شمالي
لفيتني وعرفت يازين خافيك *** وإن البلاء جابته سود الليالي
هرجك يبكيني وحالي يعنيك *** كلن عن الثاني يشيل الثقالي
قلت الوداع يكفي اليوم طاريك *** بقضي على طاريك عمرن بقالي
قلت اصبري والحل ذالحين بيجيك *** انا على دارك بشد الرحالي
بمشي معك يازين وتبع خطاويك *** لو قالو العربان فعلٍ خبالي
راع المحبه مالاماني يوم بشريك *** ولا العواذل هرجهم لنعالي
قلتي رجاء مني انا انخاك وارجيك *** الوضع صعب وصعب يومٍ قبالي
صعب انتلاقى وادري انه بيوذيك *** لكن محبتنا اعتبرها خيالي
وقلت الوداع وبحياتك يهنيك *** وعساك في عز السنين الطوالي
روحي وانا لايمكن انساك وجفيك *** وحبك بصونه الى نهار الزوالي
مهما ابتعدنا تبقين عشق وانا اغليك *** وقدرك في وسط القلب رسي الجبالي
تبقين ورده وأنا دايم اسقيك *** ستر ومصونه مذكرك في المجالي
والحين فكي يديني من ايديك *** دايم يجي النقصان عقب الكمالي
مع السلامه واخر العهد ذا فيك *** وارجو السموحه منك ياعز غالي
وقلتي في امان الله والسموحه تحييك *** وداعت الله ياكريم السبالي
ودعتها والحال جتها التهاليك *** منها انحرمت وصار همي ضلالي

الموضوع الأصلي: حاااولت نسيانك || الكاتب: عـــ القوافي ــذب || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

phhh,gj ksdhk;

منتدى دمعـــة ولـــه - الشعر وعذب الكلام- Poetry Section

---

phhh,gj ksdhk;