:: سمعنا ذوقك ::.

ازعل عليك احيان

وأزعل على نفسي قبل ماأزعل عليك

وأرضى عليك احيان

وأرضى على الدنيا وانا راضي عليك

وأنت عمرك

مازعلت .. وماعتبت ... ومارضيت

أزعل علي لو كذب

أعتب علي لو كذب

هذي التفاصيل الصغيره

اللي تخلينا نحب

ماأحب انا ازعل عليك

ازعل انا لأني احب

***

ياأدفي من حروف الشعر

ياأرق من حلم السنين

إذا تركتك تنتظر

حسسني إن انتا حزين

مابي تقول مسامحك

قل : ماأبيك

وإذا رجعت اصافحك

أبعد يديك

أنا انجرح قبل اجرحك

وأبكي عليك

لكن أبي مره تحس

وشلون أنا أمووت فيك

هي التفاصيل الصغيره

اللي تخلينا نحب

ماأحب أنا أقسى عليك

أقسى أنا لأني أحب

***

أدري فيك تموت فيني

وأنا ميت من برودك

لي متى وانتا تبيني

وما تحسني بوجودك

ايه ... حسسني بوجودك

لمّ صوتي

بعثر حكاية سكوتي

لاتخلي الحب يفقد همسك العذب ويمووت

قل احبك ..

قل احبك

بأعلى صوت

انا مليت السكوت

***

ياإبتسامة قلبي ولهفة حنينه

يا شقاه ويا حنانه

يابعد كل المسافات الحزينه

معك امانه

الدروب اللي مشينا .. لاتضيع وتغترب

بالتفاصيل الصغيره

نقدر نعيش ونحب

اللي بقا لـي فـي غيابـك .. سكوتـك
واللي فقدتـه مـن غيابـك .. حنانـك


عـذرك معـك لوخبـرونـي بمـوتـك
وحقي عليك ان كـان عـذرك زمانـك


ماكان موعد .. وأعـذرك لـو يفوتـك
أنـا انتظـرت العمـر كلـه عشـانـك


غبت ورضيت .. وبعدها .. غاب صوتك
وأبطيت أكذب .. من يقولـون : خانـك


بالله كيـف تحـس فـي طعـم قوتـك
لامن ذكرت إنسان .. خنته .. وصانـك


ماكـن قلبـه واحـد مــن بيـوتـك
من تحت سقفه كـم شعـرت بأمانـك؟


وراك خليتـه .. لعتـمـة سكـوتـك؟
وأنا مـا غيـر أعشمـه فـي حنانـك


فـي غيبتـك ياكـم تمنيـت مـوتـك
أقل شـي .. أرتـاح وأعـرف مكانـك

سما البارحه ماشفت فيها قمر ونجـوم

مطرها رذاذ هيـض الساهـر الشاقـي

يطيب السهر لخاطر الضايق المهمـوم

مثل ماتطيب العـام لرقـادي احداقـي

ويزين القصيد الهاجس العاشق المحروم

مثل مايزين العود من رشـة الساقـي

والافكار قبل اختار طاروقهـا المنظـوم

تسأبق بعضها شفها المستوى الراقـي

الا ياوليفـي ماتوالفـت انـا والنـوم

لي ايام تندبني على شوفـك اشواقـي

الا ياوجودي كان ماجات منـك علـوم

وعقب التلاقي يطوي غيابـك اوراقـي

علي الصبر ياناعس الطرف بالمقسـوم

وعليك الصبر لو ماهوت نفسك افراقي

مادام اسم محبوبك ماجاء قبله المرحوم

على العهد باقي يابعـد عمـره الباقـي

الجهل بيني و بينك طايـح سـوره
من مر الأيام صارت عندنا خبـره


ما دام عينك من اللي صار مكسوره
أجمع شموخك و خفف حدة النبـره


لا شفت وجهك ليا غيرته الفـوره
أشوف قلبي ليا من مل من صبـره


يآخر مبالاة قلبـي و اول شعـوره
شفلي سنع في غلاك و شوفلي دبره


خليت نفسي مـن الايـام مقهـوره
و خليت حالي لمن لا يعتبر عبـره


غديت في دنيتك يمهـدي الفـوره
في روضة خريم مثل مضيع الأبـره


خلصت ما عاد أقاوم صدك وجـوره
القلب قرب يموت و غيبتـك قبـره


فراقك العـام تكفـا لا يجـي دوره
صرت احسبله و فكر فيه و أعتبره


ماني بناسي هذاك الطيش و غروره
يوم أنك أخلت ظن فيك وش كبـره


و أذاك ناسي تراها عندي الصوره
أقفيت تضحك و أنا غصتني العبره

عدّى عمر .. ياليت الأعمار تنعـاد

وأرجع بلا شيـب وبليـا تجاعيـد

أرجع وأضم أبوي وأقـول: لا عـاد

تموت وتتركني مثـل ليلـة العيـد

يوم اسألوا عنـك الصبايـا والأولاد

وقلت:أمي تقول انه مسافـر بعيـد

بكيـت ليلتهـا وناديت..مـا فــاد

وظليت أصوت لك .. وأناديك وأعيد

عوّد يا بوي وجب لي ثيـاب جـداد

يا كثر ما تنسى يا بـوي المواعيـد

بكيتك لحالـي وأنـا كنـت معتـاد

تكف دمعـي بإيـد وتضمنـي بإيـد

كم كنت محتاجك تجـي كنّـك رقـاد

تمطر من كفوفـك صـلاة وعناقيـد

احتجت لك طفلٍ كسر قلب الأعيـاد

واحتجت لك طيش وشباب وتناهيـد

واحتجت لك شاعر له أحباب وأضداد

واحتجت لك رجال يخشـى المناقيـد

احتجت لك .. واحتاج لك ظل وسناد

العمر ينقص واحتياجي لـك يزيـد

★

قبل اسافر كنت جالـس فـي زمـان الأنتظـار



ارتشف هم المكـان .. و كـل همـي حاجتيـن



كنت خايف من يباس .. و كنت خايف من خضار


كنت اخاف انك تجين و كنت خايف مـا تجيـن


لين شفتـك مـن ورا بيبـان صـالات المطـار


مقبله من كثر شوقك .. كنت اشوفـك تركضيـن


مرةٍٍ ركضـك يميـن و نظـرة عيونـك يسـار


و مرةٍٍ ركضك يسـار و نظـرة عيونـك يميـن


تايهة .. ما كنـك الا ضحكـةٍ وسـط انكسـار


ساكتـه .. ماكنـك الا دمعـةٍ فيـهـا حنـيـن


خايفة .. وجلة .. حزينة .. يعني كنتي بأختصار


تشرحين لكل جاهل معنـى كلمـة ( عاشقيـن )



بعدهـا جيتـك ولـدّت عينـك و دار الـحـوار



من كفوفـي دمعتيـن و مـن كفوفـك دمعتيـن


كنت اصد و كنتي انتـي ثايـره مثـل الشـرار


ماعلى لتغة لسانك غير كلمة ( وين ؟ ويـن ؟ )


واذكر اني رحت قبل ابـدي لـك ايّـة اعتـذار


رحت حتى قبل اطيّـب خاطـرك فـي كلمتيـن


لكن انتي عارفتني زيـن واللـي صـار صـار


سامحينـي واذكرينـي قـدّ ماانتـي تقـدريـن



اذكريني لاانتهت للشمـس رحلـه مـع نهـار



واذكرينـي لاصحـى للصبـح ورد الياسمـيـن


واذكريني لا لمحتـي فـي ليالـي البـرد نـار


واذكريني لا سمعتـي للمطـر صـوت ٍ حزيـن


اذكرينـي واذكرينـي واذكرينـي .. بأختصـار



★

ضحكـة نوٍف ..}~


الغرق بِ شعره .. يعني الحيـاه ..!
ضحكة نوف .. لا يجيدها الإ شاعرها .. فلاح العمّاش ..!

هنا جرح وهنا دفتر قصيد ونزف بكتابي=هنا دخان يحرقني وطفايه و ولاعه
هنا جوال .. ياصوتي ذبلت وقلت بأسبابي=هنا شاحن كذا مهمل يشيل أحزان سماعه
هنا بعضي سكن ذيك الزوايا وملّ جلبابي=هنا علّقت صدماتي ألف شكراً ياشماعه
هنا بردٍ تلحّفني وهنا جوعٍ تغدابي=وهنا ضاقت بي الدنيا وحيدٍ أكثره باعه
وهنا مرايه ملامحها حزينه جتّ تهجابي=ملامح زيّ ملامحها كأن الشغله طباعه
شهر مرّ وسنه مرّت وأنا عايش على أعصابي=ثواني غربتي تنزف وأناظر عقرب الساعه
أحس بداخلي ليل وبقايا عطر بثيابي=وأحس أن الزمن يمشي ولكن طال مرباعه
وأحس أني هنا وماني هنا والسبه غيابي=وأحس أني هناك وينتشي النعناع نعناعه
ذكرت أمي وتذكرت الدموع وطاحت اهدابي=وحشا مانيب ناسيها لو ينسى قلبي أوجاعه
هنا أنفاسها فيني وصورتها بدولابي=وهنا تتنهّد بصدري وأحس الآه ملتاعه
هنا عطف وهنا رحمه وهنا صوتٍ تهقوابي=وهنا شحّ الزمن لكن بحاول أنهي صراعه
ربحت أشيا وخسرت أشيا وكل هذا على أحسابي=وأنا ماهمّني لو هم يقولوا جتّ بذراعه
وأنا ماعاد بي قدره على همٍ تلوابي=أحد قبلي عصاه الوقت يمّه وملّ ثم طاعه
عشت بواقعي هذا وربي عالمٍ مابي=ولا أحدٍ سأل عني ولاحدٍ قال / شوضاعه ...؟؟
يايمّه لو تخيّلتي نسوني حتى أصحابي=وربعي همّلوني والبنادم هذي أطباعه
وناسي ماهم بناسي ولا أحبابي هم أحبابي=ومركب رحلتي يمّه حزينٍ ينعي شراعه
أبي أشره على بعض الخلايق وأبدي أعتابي=وأقول أني تجرّعت العذاب المر بأنواعه
شمالي ياوسع صدري ولاعمر أنقفل بابي=ومنهو صدّ عن عيني أقول السمع والطاعه
وأنا لي قلب ياعمّي أحب وأبدي أعجابي=وكلٍ يتبع شعوره وكلٍ يتبع اطماعه
وأنا اللي عارفٍ ذنبي وأنا ادري ويش سوابي=وكلام الناس أعرفه زين كذب وزور وشمّاعه
أنا من حسن حظّي ذبت عشق وخافقي ذابي=وأنا ماني مثل غيري ضعيف شعور مرفاعه
أنا عبدٍ قنوع ومؤمن وراضي بسكرابي=ريالي ماهو بجيبي وشيكي معرف أيداعه
تذكّرت السوالف كل أبوها ثم ضحك نابي=وضحكة ( نوف ) تسرقني يا طماعه / ياطماعه ....!!
تقول ( أحلام ) تضربني و ( سهام ) بتاخذ ألعابي=وأبي تكتبلي الواجب أنا ملّيت / خداعه .....!!
وأحس أني بديت أذبل ولوني صار عنابي=ومايل للسواد أكثر وأحس النفس مرتاعه
وأحس أن الوجع صاير ياعمّي بصدري أرهابي=وقلبي ( نايف بن عبدالعزيز ) وصبري أتباعه ...!!
وأحس اني وأحس انّي وأحس أني على اعصابي=وثواني غربتي تنزف وأناظر عقرب الساعه




★

والْلْـہَ عآدِيْ لْوِ تَخوِنُ .. !!

بسَ قَلْيْ انُتَ وِيْنُ?َ .!

انُتَ وِيْنُكَ .مّابقَى فّيْنُيْ مّكَانُ الْاّ سَألْنُيْ عنُكَ

وِيْنُكَ ~ .. !!

ادِوِّر لْكَ مّنُ
الْبارحِ وِانُادِيْلْكَ
.حِبيْبيْ . وِلآ سَمّعتَ الآ صدِى غيْابكَ ..!


وِجيْتَ اسَألْ
وِمّيْض عيْوِنُ قَنُدِيْلْكَ ..
.غيْابكَ لْيْــہَ.. ؟ يْعنُيْ هانُوِا احِبابكَ .!؟

بـ سَامّحِ بسَ قَلْيْ كَيْفّ اعدِيْلْكَ .!؟

خطاك الْلْيْ مّوِرّدِنُيْ علْى اعتَابكَ .!

وِأبسَقَيْكَ
الْسَحِاب الْبكَر وِاهدِيْلْكَ
كلْامٍّ مّاتَ بـ شٍفّاهيْ علْى بابكَ .!؟

مّفّارقَ بسَ
لْا غرقَتَ مّنُادِيْلْكَ .
تَلْاقَيْنُيْ مّع جرحِيْ علْى اهدِابك


بذمّتَك مّاهوِ حِراأآأمّ

كلْ يْوِمّ اتَريّْقَ غيْابك وِاروِحِ

وِكلْ صبحِ اتَنُفّّسَـہَ مّنُ غيْر روِحِ

وِكلْ غصنُ يْطيّْر اشٍوِاقَيْ جروِحِ

بيْنُ ظْــلْْ.!؟ وِبيْنُ ظَــلّْ .. !!

ظْــلْْ.!؟ زِوِلٍْ مّا يْبيْنُ الآ علْى وِجه الْتَراب.

وِظَــلّْ..!؟ دِربٍ كلْ مّا امّشٍيْ سَكتَه يْصرخ غيْاب.. !!

وِضعتَ مّنُ بيْنُيْ وِبيْنُك
لْيْنُ دِثْرنُيْ الْهيْامّ .. !!

بيْنُ اكوِنُ ... اوِ ... مّا اكوِنُ

وِالْلْه عادِيْ لْوِتَخوِنُ

بسَ قَلْيْ انُتَ وِيْنُك .!؟



★

..



الأحمر زهرة الرمان واحساس الخجل والدم والأصفر للجفاف وللعطش والنار والغيره
والأخضر للمحبه والسلام ومهجة الـــــمغـرم والأبيض للحمام وللغمام وبيـــــض ازاهيره
والأسود لليالي والكحل والغامض المبهـــم والأزرق للسماء والبحر واسفاره واساطيره
والارمد للرماد وللحياد وجاره الأدهــــم للدخان والغموض وللحصان وعج احافيــره
وبين الأحمر النافر والأصفر برتقال تــم كمله في الشفق ولا الجمر لحمــر تفكيره
ومن مزج الحمر والزرق تلمع للسماءواليم قناديل البنفسج واية الزهر وتفاسيــــره
واذا اللون انجرح من جرأته والا برد واعتم على الضي الظلام ان مافرج ضيقات اساريره
هنى اللي يداري يأوضح الالوان مايعلم يحسده من يهد جباله البيض لطباشيره
..

★