قاطع اخته عشرين سنه فارسلت له قصيده

السلام ع ـليكم ورحمة الله وبركاته ,,

قصيدة الحقيقة مؤثرة للشاعر حمود الشمري

أدمت فيها القلوب قبل المقل ,,

أهديها إلى كل من قطع وصال أخيه أو أخته

من أجل خلاف في دنيا لا تساوي جناح بعوضة ..!



جتني رسالة من صدى خافق الروح
وقريتها بإحساس قلبـي وروحـي



قريتها وانهدّت قصـور وصـروح
وأنا من أول عالياتـن صروحـي



تشكي تقول القلب يا حمود مجروح
ا تدري انـي غايراتـن جروحـي



تهلّ دمع وترفع الصـوت بالنـوح
واللـي فقـد غاليـه لازم ينوحـي



ما كلّمتني يمكن الصـوت مبحـوح
من النوح وإلا ما استطاعت تبوحي



جتني رسالتها بها دموع وجـروح
وانهَد باسباب الرسالـة طموحـي





تقول ياحمود الزمن صار مفضـوح
والشيب فيني لو تشوفـه يلوحـي



يا بو علي مالي بالأغراب مصلوح
مادام قلب اللـي نحبـه شحوحـي



ودّي بشوفك دام الأعمار بفسـوح
قبل الرحم يا خوي منـا يروحـي



زلّ الزمان اللي به أفراح ومـزوح
أنخـاك تكفـى لا تظنّـه مزوحـي



وبعد الرسالة صار بالقلب ذابـوح
طار المنام وصار فكـري يشوحـي



أختي رسالتها لها القلـب مفتـوح
كلّي لها والقلب ينصـت ويوحـي



أقولها ودموع عينـي لهـا فـوح
وسط المحاجر دمع عيني يفوحـي



أجاوب الورقا على عالـي الـدّوح
وأنوح من فرقا الرفيق السموحـي



والله لو إني وسط الأطباق مذبـوح
لأظهر كما خطو الحصان الجموحي



وأقول يا عين المها ما بها شروح
لو تطلبين الروح تفـداك روحـي

الموضوع الأصلي: قاطع اخته عشرين سنه فارسلت له قصيده || الكاتب: عزوزز || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

rh'u hoji uavdk ski thvsgj gi rwd]i

منتدى دمعـــة ولـــه - الشعر وعذب الكلام- Poetry Section

---

rh'u hoji uavdk ski thvsgj gi rwd]i