الـــحب للعشــــاااق ..

--------------------------------------------------------------------------------

الحب ماله عند شرواك قيمه

مالك ومال الحب واللي يحبون



مادام جوك صايرٍ فيه غيمه

مانته بعارف كلمة الحب وشلون



مشاعرك للحب ماهي سليمه

خنت العهد وأهل الهوى مايخونون



صابك غرور وتحسبنه غنيمه

ياللاسف عنك العواشق يصدون



الحب للعشاق صبر وعزيمه

نصبر عليه ونترك اللي يهرجون



ماهمنا هرج العقول السقيمه

اللي بعرض الناس دايم يحشون



مجالس فيها الحكي والنميمه

لا خير فيها جعل أهلها يولون



أهل الحسد وأهل العلوم الذميمه

اللــه يجازيهم على مايقولون



(( الحب يصلح للقلــوب الــرحيمــه

اللـي على سر الحبايب يدارون





ناسٍ تعرف الحب ماهي غشيمه

تعرف دروب العشق واللي يعشقون



والصد والهجران مثل الجريمه

كيف الهجر والعمر لحظه ومدفون



لاحدٍ بحر الحب يشكي غريمه

تفاهموا بالحب والسر مأمون



نعيش في جوٍ يذعذع نسيمه

في ديرة فيها الحبايب يسجون ))



شيوخ ذلتهم عيوني ...

الموضوع الأصلي: الـــحب للعشــــاااق .. || الكاتب: شيوخ ذلتهم عيوني || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

hgJJJpf gguaJJJJhhhr >>

منتدى دمعـــة ولـــه - الشعر وعذب الكلام- Poetry Section

---

hgJJJpf gguaJJJJhhhr >>