__( البحر والملح )__

يا ثقل دم السحاب اللي حجب شمس المدينـه
ويا ثقـل دم المدينـه والشـوارع والمبانـي
يوم اجي صوب المكان اللي غدى جوّه سكينه
واجلس الحالي واردد( كل هالدنيـا امانـي )
ويوم اسولف للمواني ...يا ترا وين السفينه!
مالمحت الا البحر والملح من هـم الموانـي
آه يا وجد العيـون اللـي مواريهـا حزينـه
للتعب فيهـا دروب ..وللمواجـع درب ثانـي
وياكبر هم الخفوق اللي تجاوب مـع حنينـه
ضيقة ٍ مرت ضلوع الصدر وانحت للمحانـي
من هنا ..وهناك ..مال للقلب صده عن ضنينه
وين مالقيت اشوفه وين وماشفتـه دعانـي
من غلاه اسج مدري ..كن ايديني في يدينـه
رايح ٍ مدري معه من ويـن مـا وده خذانـي
من خياله في خياله... وين يا طلـة جبينـه
ويـن لامنـي لقيتـه ويـن لا منـه لقانـي
وين لا جيت الوعد قبل الوعد واقـول وينـه
واتحـرّا جيّتـه بيـن الدقايـق والثـوانـي
وين لامن جا يسولف لي وانا عينـي بعينـه
اسمعه ... ماكني اسمع ناسيا ً حتى مكانـي
وين لا جيته من اهمومـي وقـرّب راحتينـه
وين لاضقت وهمس لي... ابتسم والعمر فاني
كنت احاتي في غيابه عارف ٍ دينـي ودينـه
وكان لا بطيت بغيابي يقلـب الدنيـا عشانـي
ياكبر ذنب الزمان اللي سفه صـوت الغبينـه
يوم انادي ..يا ثماني يـا ثمانـي ياثمانـي!
راح مدري وش بقالي من ورا تالـي سنينـه
ولا رضيت وكثر الله خيـر الايـام وزمانـي
بس اجي ذاك المكان اللي غدى جوّه سكينـه
واجلس الحالي واردد(كـل هالدنيـا امانـي )

الموضوع الأصلي: __( البحر والملح )__ || الكاتب: __________ || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

__( hgfpv ,hglgp )__

منتدى دمعـــة ولـــه - الشعر وعذب الكلام- Poetry Section

---

__( hgfpv ,hglgp )__