أختـ القمر

أخت القمر بنت السحـاب المزابيـر

بنت اخي الشمس وسوالف سفرهـا

فيها نعـاس يطيّـر النـوم تطييـر

لا بلّلـت خـدي غمايـم ثغـرهـا

الريح تاخذ مـع شعرهـا مشاويـر

روحه وجيّه ليـن تربـط شعرهـا

والعطر مدري ليه سـاق المعاذيـر

خجلان منها يـوم مـر ف نحرهـا

إن لبستْ اسود جت تسوق التباشيـر

مثل الليال البيض لا اجهر قمرهـا

وان لبستْ احمر قلت يا طاري الخير

معذور قلبي كـان راح ف خبرهـا

هي مزهرية ورد مـدري نواويـر

في روضةٍ تبكي ويضحك زهرهـا

مياسـةٍ مـا مثلهـا فـي الغناديـر

لو صدرها مـرات يتعـب ظهرهـا

لامن مشت ماعاد تدري وش يصير

فالخطوه اللي من قصرها قصرهـا

وان وقفت تاقف عليهـا العصافيـر

شافت غصون وجت تـدوّر ثمرهـا

هي غير حتى لو زعل مني الغيـر

ما غيرها لو غيرها جـا ب اثرهـا



فيها من الغيـره جنـون الأساطيـر

ومن الوله فينـي قصيـدٍ غمرهـا

وسلامتكم ..

زايد الرويس ..

نقله لكم

غريبـ

الموضوع الأصلي: أختـ القمر || الكاتب: غريب || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

HojJ hgrlv

منتدى دمعـــة ولـــه - الشعر وعذب الكلام- Poetry Section

---

HojJ hgrlv