خانـتـنـي وتحـسـبنـي أخون.؟

بسم الله الرحمن الرحيم
السلام عليكم ورحمة الله وبركاته
اتمنى ان القصيده تنال على اعجابك مع طولـهـا ،،، والقصيده راح تبيـن سبـبـهـا ثلاث سنين وانا اخطط لهذا اليوم يا ابو سعود *** تيسر حالي وجاهز اوفي وعدي بوقته

وفجآءه جتني تتعذر تقول تـآخـرت الوعوـد *** وانا سمع ومستغرب كني وعدها خنتـه

حسبت انها تمازحني وتتصنع جفا وصدود *** ضحكت بوجهها من قلب مع إنها بايخه النكـتـه

وقالت ارضى بالواقع قلبي ما هو المعهود *** تغير كل شي صوبك نصيب ما اظن اننته

كنت في يوم محبوبي ولكن ما آظن نعود *** وصل من قبل ما توصل وانا ذاك الصبر عفتـه

لكن تكفى صدقني ويشهد ربي المعبود *** ترا ما خنتك بغفله ولا كلمته وشفته

صراحه اهلي قالولي انه ولد اصل وجود *** وجتني امه بالصوره وكلمات المدح اختـه

سكت وقلت فرصه ما دام الجود بالموجود *** وقالو كل من حولي علامات الرضا سكـتـه

وانا فكرت دام امه واخته ما عليهم زود *** اكيد إني براضيهم إذا وافقت واخترته

واراضي اهلي واخواني ما دام إن الفرح مقصود *** عطيت انا الناس كلمه ومعاهم وقتي حددته

ولا اقدر اغيرها ترا عند العرب منقود *** اوافق واعتذر باكر واقول الراي غيرته

تبي تشرح لي المنقود . تصدق عاد يا ابو سعود ؟*** تبيني اقتنع وارضى في حالـ(ن) عمري ماعشته

انا ماني قايلها عسى يفرش ثراها ورود *** بعد ما حطمت قلبي وطعم الموت جربته

عسى في فستانها اشواك وفي ثوبه عقارب سود*** ونارٍِ تحرق الكوشه وتحرق بيتهم حتـه

وموت بليلة الدخله يبرد حرتي يا كود *** ولا احس إنها بحضنه يلامس خد لامسته

علي اهون اذا ماتو ولا بنفس السرير رقود *** ترا صعبـ(ن) علي اتخيل الي ما تخيلته

عسى قاع الثراء يقسى ويتحول صخر جلمود *** وحفار القبر يرفض يسوي فوق مقدرته

ترا دفنت عديم الذات تلوع حتى تسبد الدود *** ومن خان العهود ومات تعافه حتى مقبرته

عسى ربي يجازيهم بحبل من مسد ممدود *** يعلقهم من اطرافه وفوقه نارٍ وتحته

انا ماني حقود وشين ولاني من نسل نمرود *** ومن حط نفسه بوضعي بيقول الي انا قلته

ما دام الفعل له ردت فعل والله ابشري بردود *** بدعي دامني حيٍِ وبغرس لدعاء نبته



وبسقيها نزيف القلب ودمعـ(ن) ما رحم بخدود *** وتكبر والثمر ثاري من الي خانني وصنته

انا نذرن علي اكتب وافجر هالقصيد رعود *** واسمع كل البشر صوتي عجبته ولا زعلته

واردد للي يسمعني اذا حبيت حط حدود **** انا حبيت دون حدود وشوف الي تكبدته

ثلاث سنين وانا ابني وجت صوره بكل برود *** خذت شقى عمري وحلم قلت إني حققته

ثلاث سنيين وانا اخطط لهذا اليوم يا ابو سعود *** وتوافق من كلام اخته وصوره اربعه في سته ،،، وسـلآمتـكم وعذراً للأطـالـه

الموضوع الأصلي: خانـتـنـي وتحـسـبنـي أخون.؟ || الكاتب: تركي || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

ohkJjJkJd ,jpJsJfkJd Ho,k>? Ho,k? ohkJjJkJd ,jpJsJfkJd

منتدى دمعـــة ولـــه - الشعر وعذب الكلام- Poetry Section

---

ohkJjJkJd ,jpJsJfkJd Ho,k>? Ho,k?