... جيتك طفل خجلان بالحيل مكسوف### فكي يدينك وقربي وحضنيني ...

السلام عليكم ورحمة الله وبركاته ..

جيتك أمانه انقذيني من الخوف = خايف بدونك والشتاء محتويني
شوفي شفاتي فوقها ترجف حروف = حروف منها {من الشتاء احتويني}
ضمي ظلوعي الواله يحرق الجوف = واضح على نظرات عيني حنيني
جيتك طفل خجلان بالحيل مكسوف = فكي يدينك وقربي وحضنيني
انتي دفاء بردان وثيابه الصوف = انتي حنانك جمر فيه احرقيني
من السهر .. والخوف .. والبرد .. ماشوف = على ذراعك لاغفيت اتركيني
قولي طفل جاني من البعد ملهوف = من الشتات المر فيك اجمعيني
واضح على وجهي من البرد مخطوف = شوفي بدونك كل شيٍ يبيني
مدام جيتك والمجي كله اظروف = خايف بنفس الشارع اترجعيني
جيتك امانه انقذيني من الخوف = لاتتركيني والشتاء محتويني

الموضوع الأصلي: ... جيتك طفل خجلان بالحيل مكسوف### فكي يدينك وقربي وحضنيني ... || الكاتب: كاف يار || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

>>> [dj; 'tg o[ghk fhgpdg l;s,t### t;d d]dk; ,rvfd ,pqkdkd fhgpdg o[ghk [dj; d]dk; t;d ,pqkdkd

منتدى دمعـــة ولـــه - الشعر وعذب الكلام- Poetry Section

---

>>> [dj; 'tg o[ghk fhgpdg l;s,t### t;d d]dk; ,rvfd ,pqkdkd