نضـحـك وفيـنـا الـهـم يضـحـك عليـنـا

يـا صاحبـي اشعـل لــي الـنـار بــردان
فــاقــد دفــــاااا او ان فــاقـــد حـنـيـنــا
بـيـن الضـلـوع الـعـوج شــب عـيــدان
خــــل الـحـنـايـا تـلـتـهــب يـاضـنـيـنـا
وش لـي بهـن ياصاحبـي دون وجـدان
ووش لــي بقـلـب ٍ ضيـعـتـه السنـيـنـا
ياصاحبـي فــي داخـلـي شـبـه بـركـان
خـامـد ولا ادري ثـورتـه بـــاي حـيـنـا
الوضـع مـزري والحقايـق تـبـي تـبـان
غصـب ٍ علـى الـلـي مــا بغـاهـا تبيـنـا
الشمـس نـورهَ ينقطـع بعـض الاحيـان
لـكــن لـــزوم انـــه يــضــوي عـلـيـنـا
اسـمـع قصـيـده مالـفـة تـحـت عـنـوان
( بالظلم نرضى ما رضى الظلم فينـا )
وشلون راعـي الصـدق يصيـر غلطـان
كيـف الخطـأ لأهــل الخـطـأ مــا يبيـنـا
نرضى نشوف المهزله شوف الاعيـان
ونـعـيــش واقــــع كــررتــه السـنـيـنـا
نخـدع ونـكـذب والمصيـبـه اذا احـيـان
نــكــذب وحــنـــا بـكـذبـنــا فـاهـمـيـنـا
حياتـنـا اســـود واســـود بـــلا الـــوان
مــا فـيـه ابـيـض كــل ابـيـض نسـيـنـا
نـعـيـش بـالـواقـع مـتـاهـات واحـــزان
نضـحـك وفيـنـا الـهـم يضـحـك عليـنـا
نـحـلـف بـــرب الـبـيـت انـنــا اخـــوان
لـكـن ورب الـبـيـت ( نـخــون فـيـنـا )
تدري المصيبه!! بعضنا اسمـه انسـان
لـكـن مـجـرد اســـم حـنــا اش بيـديـنـا
هــذا عـمـوم الـهـرج واضــح وملـيـان
لــلــي يـحـبــون الـقـصـايــد سـمـيـنــا
والا خصوص الهرج..حان القضا حان
( ثورة غضـب ) باسبـاب واحـد لعينـا
والله مـالـي بالغـضـب بـــس شـيـطـان
سـعـى بـخـراب وفــي خـرابـه سعـيـنـا
اسمـع كلامـي انــت يــا فـيـد عـوجـان
يـالـلــي اشـكـالــك كـلـهــم ضايـعـيـنـا
عايـش حياتـك بـيـن خيـبـه ونقـصـان
اقصـى طموحـك يصبـح النـقـص فيـنـا
الله خلـقـنـا بـالـعـرب شـانـنــا شــــان
نـسـجــد لـوجـهــه حـطـنــا الأولـيــنــا
وان قلت لي خل الفخـر مانـت غلطـان
وش ماتـبـي نلـعـب تـــرى حاضـريـنـا
(ليس الفتـى مـن قـالَ كـانَ أبـي كـان)
لــكـــن تــاريـــخ الـفــتــى بـالـيـمـيـنـا
وانـا يميـنـي مــا بـهـا نـقـص بـطـران
صــرح الـمـراجـل ابـتـنـا فـــي يـديـنـا
تبـيـت نـايـم والا انــا ابـيـت سـهــران
ومـــن عقـبـهـا تـبــي تـلـحـق علـيـنـا
وانــا صحـيـح انـسـان مـجـرد انـسـان
مخـلـوق مثـلـك مــن تـــراب ٍ وطـيـنـا
لكـن اسمـي بالعـرب صــار لــه شــان
رح اســــأل الــلــي عـنـنــا عـارفـيـنـا
ولا.. لايغـرك صـغـر سـنـي بـالازمـان
الـعـمـر مـاهــو بـمــذهــب العـارفـيـنـا
تــرى العـقـل مـابـيـن زود ٍ ونـقـصـان
كــم عــود مـالــه بـالـعـرب حاسبـيـنـا
اصغـر عـدودي جــاك وهــداج ملـيـان
ابــغــاه ذخــــر لـمـقـبــلات الـسـنـيـنـا
وادري القصـايـد مابـهـا عــز يـافــلان
لــونــا عـلـيـكـم بالـقـصـيـد اعـتـلـيـنـا
تـدري حـرام افــرد بــك الـيـوم قيـفـان
مـانــت بـكـفــو بـيــت واحــــد بـنـيـنـا
اول قصـيـده قلتـهـا بنـبـض غـضـبـان
حــرام مــا اكـتــب غـيـرهـا بالسنـيـنـا
تنبـيـك انــي فـاهــم الـوضــع يـافــلان
بسكـوتـنـا لا تـحـسـب انــــا رضـيـنــا
ثــورة غـضـب مـانـي عليـهـا بنـدمـان
مـنـهــا ومــنــك بالـقـصـيـد انـتـهـيـنـا
هــذا وتــرى للحـيـن مــا ثــار بـركـان
بــعــض الـحِـمــم تـفـهــم الجـاهـلـيـنـا
وهب الهوا يحمـل مـن الغالـي اشجـان
مـن صــوب داره جــت نسـايـم عليـنـا
يامسنـدي قــم جـهـز الجـيـب عـجـلان
الــــدرب واضــــح والـمـعـالـم تـبـيـنـا
ويـاراكـب ٍ جـيـب ٍ ولاهـــو بـنـيـسـان
فكـسـار كـــل الـنــاس لـــه عاشقـيـنـا
هـرش ٍ يشـادي بنقـلـة الحـمـل حــران
مـلــك ٍ لـجــدي بـمـاضـيـات السـنـيـنـا
مركـب شيـوخ القـوم بـدو ٍ وحـضـران
ركــابـــة الـضــمــر لــــــه راكـبـيــنــا
مـوديــل مـــا عـقــب بـمـوديـل لـــلان
ولـحــد ٍعـــرف لـــلان ســـر المكـيـنـا
خطـه حمـار الشـمـس فــي حــزة آذان
ونــوره بــروق اللـيـل بــرى المـديـنـا
تــســـري لـــــدار الـــزيـــن ام الاردان
غـربـي مــن ابــا الـقـور هــم نازليـنـا
تسـري مـن الـدمـام والـضـو مــا بــان
وتـاصــل علـيـهـم وتـوهــم مدمسـيـنـا
تـودي الخـبـر لنـابـي الــردف رويــان
الـجـادل الـلــي مـــن زمـــن تهتـويـنـا
مهـره وبنـت حصـان وجدهـا حـصـان
بنـت الرجـال أهــل الـوفـااا المكرميـنـا
مــــردده مـابـيــن عـرقــيــن ويـــــلان
عـــرق ٍ قـريــب وعــــرق ٍ مـحـدديـنـا
عمـامـهـا ذبـاحــة الـحـيــل والــضــان
وخــوالــهــا مـقـلـطــيــن الـسـمـيــنــا
عمـامـهـا وخـوالـهــا مــــر الازمــــان
دقــامــة خــشــوم الــعــدو كـاسـريـنـا
قـل لـه عشيـرك بالهـوى صارغـرقـان
الـصــدر فـايــض لـــه حـــب وحنـيـنـا
قـل لـه خويـك حافـظ العهـد مــا خــان
طيـفـك مـعـه فــي كــل حـــزة وحـيـنـا
بالـقـلـب لـــه دولـــه لا والله أوطــــان
مــن فــوق رمـشـي ايتمـشـى الهُويـنَـا
والله مـاحـبــيــت غـــيـــرك انـــســـان
يـشـهــد عــلــي الله يــابـــن الـلـذيـنــا
احـيـان اقــول انــك حـيـاتـي واحـيــان
اقــــول انــــك مــــوت قِــــدر عـلـيـنــا
يــا مسلـمـه شوفيـنـي الـيـوم ظمـيـان
وانـتــي بـيـديــك الــمــا ولا ارتـويـنــا
لانـــي بـمـذنـب لا ولا انـــي بغـلـطـان
مـــا دامـنــي ابـغــاك وَ أنـتــي تـبِـيـنـا
ورد الخبـر يــا راكـبـه وانــت فهـمـان
يـا الله عـسـى كــل خـيـر مـنـه يجيـنـا
يــا راكـبـه يــا عـزوتـي يـــا بلـيـهـان
تكـفـى تــرى بـعـض الـعـرب مذهبيـنـا
وكـريـم يـامـزن ٍ نـشـا بالسـمـا وبــان
وجـهـه شـمــال وبـالـهـوى مشملـيـنـا
قـــام يــتــرادم و ارزم وبــــه دخــــان
حمـلـتـه اشــواقــي وحــــب وحـنـيـنـا
وخايلتهـا مــا بـيـن عـرعـر و وديــان
امـــــا بــدنـــه والا الاقـــــرع يـمـيـنــا
يـسـوقـه الـمـولـى مـصــرف الــشــان
عـلــى الـديــار الـلــي لــهــا ذاكـريـنــا
يسـقـي عــروق الـقـاع والكـمـا يـبـان
ونـبــت الـخـزامـى والـنـفــل نابـتـيـنـا
ارض الغضـي تصـيـر للخـيـر عـنـوان
ارض ٍ حوتـنـي بـمـاضـيـات السنـيـنـا
يالله عـسـاهـا دايـــم الـــدوم بـسـتــان
روض ٍ خـضـر وغيومـهـا بـكـل حيـنـا
وعـيـونـهـا مـابـيــن صــــادر ووردان
والـنــار فـــي راس الـقـمـم مشعلـيـنـا
وختامـهـا صــلاه ورحـمــه وغـفــران
عـــداد الـحـجـر والـطـيـر والعالـمـيـنـا
علـى النـبـي الهاشـمـي نـسـل عـدنـان
الــلــي لـفــانــا بـالـرسـالــه يـهـديـنــا




ابيات جزله وفريده من روعتها



وهي للشاعر القدير < عبدالعزيز الصقري

الموضوع الأصلي: نضـحـك وفيـنـا الـهـم يضـحـك عليـنـا || الكاتب: العراقي || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

kqJpJ; ,tdJkJh hgJiJl dqJpJ; ugdJkJh dqJpJ; ugdJkJh ,tdJkJh

منتدى دمعـــة ولـــه - الشعر وعذب الكلام- Poetry Section

---

kqJpJ; ,tdJkJh hgJiJl dqJpJ; ugdJkJh