سالفـــة نورة /خاطرة تبكي

.
.
المرايا ..
صدق يطعن ..
في نوايانا الدفينة
طعن صادق ..
يفضح الزيف وسنينة
المرايا والله العالم .. هي أصدق شي ..
في عالم كذوب
في زمن مظلم وظالم .. ماتلاقي ضي ..
ينبض بقلب الدروب
المرايا ..
عشق ساكن داخل قلوب الكثير من الصبايا
إلا نورة ..
بنت غاية في الجمال ..
حسنها ياخذك من يمناك ..
لحدود الخيال
يوم نادت أمّها وبصوت عالي :
( يمّة .. يمّة بسرعة تعالي ) ..
لمّا جتها أمّها ..
قالت : علامك ؟
نورة قالت :
يمّة أرجوك بقيامك ..
إبعدي هذي المراية..
ابعديها ..
وإلا أقلّك ..
يمّة تكفين اكسريها ..
ما أبيها .. ما أبيها ..
ولو سألتوا ..
ليه هي قالت كذا .. وإيش العلاقة ؟
قلت شوفوا ..
ماقدر أخبّي لذا .. نورة (مــــعــاقــة) !
*******
شلل نصفي ..
سرق منها طفولتها ..
سرق حتى ابتسامتها ..
تشرّب جسمها الطاهر على غفلة
ولا قدّر برائتها وهي طفلة
حواليها كثير أطفال ..
بنات العم .. والجيران ..
عيال الخال ..
تراقبهم .. تتابعهم
تشوف (أحمد) وهو يسحب شعر (سلمى)
و(علي) يلحق (مها) وبيده مسدس ما
و(خالد) قاعد يحاور (حسام) ..
بعلبة البيبسي
ويكسر ظهر هالمشهد ..
حزن (نورة) وهي تبكي على الكرسي
تحاول قد ماتقدر ..
لجل تخفي مدامعها
وثار الدمع واتحدر ..
وبدت رعشة باصابعها
تزم إيدينها لكن ..
يديها ماتطاوعها
*******
وتكبر نورة ويكبر ..
معاها الهم
ويجري حزنها الأقشر ..
بمجرى الدم
وياصل عمرها العشرين ..
وفي هالعشرين ..
تغيّر كل شي فيها ..
ملامحها .. - مع إن الحزن ماسحها -
أمانيها .. - ولو ماعاد تعنيها –
سوالفها .. – بعد مالهم والفها -
في هالعشرين ..
على نفس الألم تصبح ..
وعلى نفس القهر تمسي ..
على الكرسي .. !!
في هالعشرين ..
أبد ماتابعت موضة ..
ولاتعرف (جيفينشي) .. أو (كريستيان ديور)
أو (فيرساتشي) وعروضة
ولا مكياج وإكسسوار ..
وحتى عطور ..
تضج .. تثور
إذا قالوا لها ..
(نورة .. شرينا لك عطر ..
شوفي بعد فستان ..
يانورة إلبسيه ألحين ..
ترا بيطلع عليك جنان ..
بسرعة بس لاتبطين)
تجاوبهم :
(بسرعة ! ..
بسرعة ليه ؟
وإلا لمين ؟
وهو من كثرة العرسان ! )
تقاطعها أمها :
(نورة ..
وش تقولين !! )
ترد نورة :
(( يبه .. يمّه ..
كفاية وإسمعوني زين ..
أنا عمري ترا عشرين
ترا ما عادني طفلة ..
ياناس المسألة سهلة ..
مثل ما (1) و(1) يساوي (2)
معاقة .. خير ! ماتفرق ..
- وفي هاللحظة ..
بدت لحية أبونورة ..
تلم الدمع من عينه ..
وبدت تغرق !-
يبه .. يمّه
أنا مليت من روحي ..
نعم مليت
تعبت أداري جروحي ..
وياما أخطيت
خطاي إني تصنّعت السعادة ..
لجل خاطركم
لجل ماتـنجرح فيكم ..
مدامعكم
يبه تدري ؟ ..
كنت أتمنى من صغري ..
وهذي أمنية عمري ..
وإلا ألحين هي منوه
تمنيت أحضنك بالليل ..
إلا من جيت من شغلك
أبوسك فوق راسك حيل ..
وأفك الجزمة عن رجلك
أروح أجيبلك قهوه ..
وأجيك أجري
وحتى إنتي يا أمّي ..
لو تدرين كم عانيت ..
كم أتمنيت ..
أخفف عنك شغل البيت
مثل ما ( نجوى) ..
تساعد مرت عمّي
يبه .. يمّه
تراني ضقت
وربي ضقت من نفسي
ياربي شقد طفشانة ..
وتبغوني بعد ألبس !!
ألبس من علشانة ؟
أبد لاتصدقون إني ..
أبتزوّج وأجيب عيال
والله عال !!!
من إللي في الزمن هذا ..
بيرضى أكون له زوجة ؟؟
ويتزوّج معي كرسي !!
يبه إنسى ..
وحتى إنتي دخيل الله يايمّه ..
بعد إنسي ))
وهذي سالفة نورة ..
ياهي بنت مقهورة ..
مضى من عمرها عشرين ..
وهي باقي على هالحال
حكايتها إنتهت ألحين ..
وخلّت داخلي ثورة ..
وأنا ما بيهدالي بال ..
ألين أعرف من اللي بوقتنا رجال..
ويتزوّج مثل نورة ؟؟

منقول

الموضوع الأصلي: سالفـــة نورة /خاطرة تبكي || الكاتب: {..Rashh DaFa..•~ || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الخواطر وروائع الكلمات Sakes and Poem

---

shgtJJJm k,vm Loh'vm jf;d shgtJJJm or oh'vm

منتدى دمعـــة ولـــه - الخواطر وروائع الكلمات Sakes and Poem

---

shgtJJJm k,vm Loh'vm jf;d or oh'vm

يآآآآآآآآآآآآآآآآآآآآآآآآآآآآآآآآه يارب رحماك

نـــــــــــــــــوف وربي بكتني القصيـــــــــــده

يــــارب عوضهم بالأخـــــــــــــــــــــره

تســــلمي حبيـــــــبتي موضوع جدآ حســاس

تقبـــــــــــــلي إحتــــرامي.......... دمــــــــــــــتي بسعــــــــــــاده

دائما قلمك مبدع يا غالية

وقصة مؤثرة

ويعطيك العافية يا غالية

وتقبلي مروري

نوووف

لكِ ألق البوح نقاء وتألّق ...



م ـشـ عـل

نسيت

مغرورة اليمن

القلب الحنون

اسعدني مروركم الرائع

تشرفت بزيارتكم لصفحى

دمت بوود ومحبه

واااااااااو نووووووووف ..
وربي جنان من جد تاثرت <تحكي معانات المعاقين ..
الف الف شكر لكـ نوووفه ..
ولا تحرمينا جديدك..
صــــــــــقــــــ عه ـــــــــــــــــــو..

نووفه متميزه دائما

خاطره روعتها في كلماتها

وجميله بروعتها

دمتي بخير

سيدتي
الرقيــقه

تلك الجمــاليــات والرقــة المتناهيــه
والشفــافيــه والشــوق الجــارف والحب
المــــتمكن من الاعمـــاق يغمــر المكــان
بطعــم فاكهــة رقيقـــة ولا الــذ حتــى المشــاعر
كــانت بــلون قزح


ارق المنــى

اجمل مافي الوجود ان تشعر وتحس بمن حولك وتلمس معناتها

اجمل مافي الوجود ان تسعد الملاين من البشر الذين يعانون

بان تبادلهم نفس الشعور وتحس بالمهم واحزانهم فانتي ملكة

الاحساس والشعور العضيمة النبيلة انسجتي القصة وحكتيها

بفن واتقان خاطرة في قمة الروعة

تقبلي تحيا تي