شفتها ياسعود صدفه....................

شفتها يا سعود صدفه بعد ما غابت سنين

عند قسم المختبر وســط مشـفى الجامعه

جيتها ثم قلت ممكن في سؤالي تسمحين

ناظــرت فـيـــني بدهشه نظره متواضعه

قالت انته تحسبني من بنات صــايـعـيـن

تحسبني في زماني عن طريقي ضايعه

قلت أنا ماراح اطول كلبوها كلمتين

وأبعدت عني شويه ثم جتني راجعه

قالت أسال واضح انك من رجال طيبين

بس هرجك يالسنافي كان وشهو دافعه

قلت انا حبيت وحده يوم كنا صغيرين

ومن خمس أسنين راحت للمواصل قاطعه

عقبها ما ذاقت نوم يهتنيه النايمين

ساهر في طول ليلي لين شمسي طالعه

أذكر انه حبه فوق ثغره من يمين

و اذكر انه لا جرينا كن شعره تابعه

واذكر انه عاشق فالورد و الياسمين

صارت قلبي بالورد اللي عشقها زارعه

طابعا اسمه بقلبي فيه سين وفيه عين

وفيه ألف ودال وسط قلبي طابعه

قاطعتني بقولها سبحان رب العالمين

كررتها مرة و مرتين و رابعه

قلت شفيك و شبلاك يا بنيه ترجفين

ليش عينك يا بنيه من كلامي دامعه

قالت الموقف وقلبي و المحبه و الحنين

كيف اشوفك بعد ما كنت عند قـانـعـه

قلت انا بسالك انـكـانـك انتي تذكرين

عن مواثيق ثمنها من حياتي دافعه

قالت ظروف الزمان ما تطيع العاشقين

بيعوني غصب حبك لو هو ماني بايعه

انا في دنياي حالي كنها حال السجين

حتى لو فكوا سراحه فيه شي مانعه

زوجي غصب واحد و حرموني حاجتين

السعاده في زماني و الحياة الرائعه

والحين انا ام لثلاثه عندي ريم و ياسمين



والولد اسمه على اسمك و المشاعر جامعه

الموضوع الأصلي: شفتها ياسعود صدفه.................... || الكاتب: عذاري || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

atjih dhsu,] w]ti>>>>>>>>>>>>>>>>>>>> w]ti

منتدى دمعـــة ولـــه - الشعر وعذب الكلام- Poetry Section

---

atjih dhsu,] w]ti>>>>>>>>>>>>>>>>>>>> w]ti