اعاهدك .. ببقى على الحب .. منساك

خذني معك .. من وين ما رحت .. وياك
خذنـي بقلبـك .. دام قلبـي .. رهينـك


صعبه ترى لو شفت .. وشلـون ابسـلاك
لو طفـت هالعالـم .. ترانـي سجينـك


عذبتنـي .. واشقـيـت روح ٍ تمـنـاك
لو ( الهوى ) ينطـق .. وربـي يدينـك


مات الغلا .. ينزف علـى درب ذكـراك
رغم الجفا .. لا زال .. يرجـي حنينـك


بعدك حياتي .. كلها ضيـق .. واربـاك
الواقع .. اللـي .. مـا تمنـاه .. عينـك


كل المشاعر .. فـي غيابـك .. تحـراك
تصرخ عليك من الوله .. حيل .. وينـك


مقدر على بُعدك .. حشى كيـف فرقـاك
هذي الحقيقـة .. خلهـا .. فـي يقينـك


ادري تساومنـي بروعـة .. مـزايـاك
وتدري اضيع .. إليـا بدالـي .. جبينـك


همك عذاب .. اللي نسى الناس .. لرضاك
وهمي اشوفك .. مهتنـي .. فـي سنينـك


لو تطلب اسنين العمـر .. مـن فدايـاك
سلمت لك عمري .. براحـت .. يمينـك


منك احتملت من الشقى فوق .. ما جـاك
ذقت العنـاء والهـم .. كنـي ..حزينـك


يكفي .. دخيلك ( حس ) باللـي ترجـاك
لا عاش منهو .. يـا حبيبـي .. يهينـك


تعبت مالي .. بالهـوى غيـر .. دنيـاك
مديت لك يمنـاي .. عطنـي .. يدينـك


اعاهدك .. ببقى على الحـب .. منسـاك
عهد ٍ قطعتـه .. بيـن قلبـي .. وبينـك

الموضوع الأصلي: اعاهدك .. ببقى على الحب .. منساك || الكاتب: ملكة الاحساس2 || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

huhi]; >> ffrn ugn hgpf lksh; Hksh; hgpf huhi]; jfrn

منتدى دمعـــة ولـــه - الشعر وعذب الكلام- Poetry Section

---

huhi]; >> ffrn ugn hgpf lksh; Hksh; jfrn ugd