غلطانة اللي تعشق اليوم رجــــال..!!!...

معاناة زوجة بعد زواج زوجها تجلت في هذه القصيده المؤثره:....

اليـوم لـك ثانـي مـع راحـة البـال ................وانا بعـد همـي لـه اليـوم ثانـي..
اليـوم تاركنـي انـاظـر بـالاطـلال ................صورة,, رساله ,,حلم ,,جرح واماني !
ليلـي قضيتـه بيـن هـمٍ وغـربـال ...............واقول فـي نفسـي حبيبـي نسانـي!!
غنيت انا عقبـك مـن الضيـق مـوال ..............يومك تسمـع للطـرب والاغانـي!!..
لي دمعةٍ من فـوق الاوجـان تختـال .............يومـك تلاعـب مترفـات المبانـي..
وبـي عبـرة منهـا المخاليـق تهتـال .............ياعبرتـي لاتفضحينـي عشـانـي! :
ياعبرتي خلـي لـك الصـدر منـزال .............لاهوب بـك داري ولاهـوب عانـي!!
مشغول لـه فـي ترفـة حالهـا حـال ..............ماهوب فاضـي لعبرتـي او جنانـي!!
في يوم واحـد نستـه كـل الامـال!! .............وش عاد لو يـدري بشـوق غشانـي؟؟
ماهوب مثل اول هـذاك الغـلا زال!! ............عزاه كيـف الـود زال بثوانـي؟؟؟؟؟؟
اربع سنيـنٍ طـوال ياكيـف تنـزال؟؟ ...........وتحط في قلبك هنـوف مكانـي؟؟!!..
ماكنت اظنـك تجحـد الـود لا طـال! ..............اثرك علـى طريـف وتبينـي اعانـي!
قـد قالـوا ان البعـد والصـد قـتـال ...............وانـا اشهـد انـه علـة بالمحانـي!!
يومي اشوفك لابس بشـت وعقـال!!!! ..........والشـارب الاسـود وزول سبانـي..
وعروستك من الحيـا ترخـي الشـال: ...........( وترسل لهـا بسمـه تزيـد امتحانـي
دمعي بلا علمي على وجنتي سـال!!!! ..........اشتقت لـك ليتـك تحـس بحنانـي..
ليتك تشوف الحـال يامتلـف الحـال!! ............بس التفت لـي شـوف شالله بلانـي..
نصيتها تضحـك لهـا لاهـيٍ سـال،، .............واقـول ياليتـه حبيبـي نصـانـي!! :
(الله يادنيـا التعـاسـه والاهــوال،، .............الله يستـر وش يخـبـي زمـانـي..
غلطانه اللـي تعشـق اليـوم رجـال: ...........(مهمـا حلـف بالـود يبقـى انانـي..
وقلب الرجل مابه من الحـب مثقـال!! ..........والبنـت ترفـه قلبـهـا مايـدانـي :
حاولت اعبر والقلم فـي يـدي مـال،، ............من هـول مابـي انعقـد بـي لسانـي


منقول

الموضوع الأصلي: غلطانة اللي تعشق اليوم رجــــال..!!!... || الكاتب: حنين الشوق || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

yg'hkm hggd juar hgd,l v[JJJJhg>>!!!>>> hgd,l juar v[JJJJhg

منتدى دمعـــة ولـــه - الشعر وعذب الكلام- Poetry Section

---

yg'hkm hggd juar hgd,l v[JJJJhg>>!!!>>> v[JJJJhg