إهداء إلى (خاين)

لا جيت بنسى و اتراجع و اسامحك
صاحت جروحي واشتكت لي طعونك
كلك "خيانة" قول ... شلون بمنحك
وش موقفك من شخص دايم يخونك؟!؟!
أكبر خطا .. لو جيت يمك أصالحك
أول تحول ... لا تغرك الحونك
اللي تقوله صح لو كنت جارحك
مير انت للأسف غارق في ظنونك
وصفك نسيته بس باقي ملامحك
بنهيك .. وانهي بالنهاية .. جنونك
ماتستحق امد يدي و أصافحك
مثلك غلط عمري وبحيا بدونك
لعبت دورك شاهداتٍ مسارحك
خدعتني و أظهرت خافي فنونك
كنت اعتقد قلبي هو ابرز مطامحك
اللي يبيع الناس لجل يصونك
تعبت اسوق الشوق عندك و أصارحك
أخلصت لك بالوفا شوفة عيونك
لكن خسارة صرت غاية مصالحك
باليتني مااااجيت لحظة بكونك
بالأمس كنت بوهم الصدق أمازحك
أخيل برقك واتحرى امزونك
واليوم .. من صفحة حياتي بمسحك
هديت صرحك تم طاحت ركونك
ولابي عيوني لو تصورت تلمحك
أعلنت موتك وانسجن لي كفونك
وان جيت تطلب..ترتجيني أسامحك
بهديــــــــــــــك طعنة ... من بقايا طعونك!!




مما احتفظت به في "دفتري"
وخالص شكري لكاتبتها التي لم أعرفها

الموضوع الأصلي: إهداء إلى (خاين) || الكاتب: عزيـــزة نـــفـــس || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

Yi]hx Ygn (ohdk)

منتدى دمعـــة ولـــه - الشعر وعذب الكلام- Poetry Section

---

Yi]hx Ygn (ohdk)