ملاك الحســن

ملاك الحسن ياشين القهـر والغـدر والحقـران=يموت الحر شامـخ راس مايرضـى بحقرانـه
عزيز النفس مايخضـع ولا يرضـخ ولا ينهـان=ويموت الذيب جوع ولا كلامـن لحـم ذرعانـه
انا استاهل وانا المخطي وانا البادي وانا الغلطان=وثقـت بقلبـي الطيـب حشاماقـول غلطـانـه
تجازيـن الوفابالغدرهـذا هــو جزألاحـسـان=جريمة مابعدها جـرم وابشـع ضلـم وخيانـه
انا مطّرد ورى المقفى ولااوقف علـى البيبـان=وعزة نفسي اكبر مـن كـلام افـلان وافلانـه
ابروي قصة الشاعر علـى نغمـة وتـر فنـان=واداعـب مفـردات البيـت واغنيـة بالحانـه
على سبت القدم عنيت رجلـي داخـل البستـان=ولديـت النضـر واغرانـي البستـان بالوانـه
وشفت الزهر والنرجس وورد الفـل والريحـان=ولا مالت غصون القلب غيـر لغصـن ريحانـه
لاكن الشمس غابت والشفق في لحضه الحرمان=رمى حزنه على الحظ الشقى وصبحـت قربانـه
ورسمني للجفاءصوره كتبنـي للشقـى عنـوان=وضاعت بسمة العاشـق عشيـة غـدر خلانـه
ملاك الحسن لو ترحل وتطوي صفحة النسيـان=ترى جرحي بقلبـي ينـزف ولا هـان نسيانـه

الموضوع الأصلي: ملاك الحســن || الكاتب: الأمير / سعود بن سعد || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

lgh; hgpsJJk

منتدى دمعـــة ولـــه - الشعر وعذب الكلام- Poetry Section

---

lgh; hgpsJJk