ماقد طرى محبوبتي لي تخونين!!

قصة كثيرا ما تتكرر في هذه الحياة ،
وهي قصة خيانة الحبيب لحبيبته أو الحبيبة لحبيبها بكل ما يجره ذلك من ألم – وإن كان الحب الصادق في هذه الأيام قليل و قليل جدا !!!

أحببت أن أحول هذه القصة إلى لغة الأحاسيس والمشاعر .

نعم الخطاب هنا من حبيب إلى من كانت حبيبته ،

ولكن القصة قابلة لأن تكون كذلك من حبيبة إلى حبيبها ؛

فالموضوع واحد والخيانة ليست محصورة في طرف دون آخر .

فإلى المحاولة الشعرية التي أرجو أن تنال إعجابكم

( وعلى فكرة هذي القصيدة لها اكثر من سنتين ):

يغيب عن عيني شموس وقمر زين ويبقى سناهم مشرق(ن) كل سنيني

يانبض قلبي والـحـلا فيك والـدين ياشـــــوق عقلي بكل لحظة وحنيني

يانور عيني وبلسمي وزهر يسمين لو أنسى نفـسي مانســيتك ياعيني

كل العشق ياعمري لك وانتي تدرين عذب الهوى ياروحي بينك وبيني



كل العشق لك وحدك انتي ملكتين همال حبي بروضتك ياضنيني

حبي زرعتك قطعة(ن) مني وفين حبي سقيتك نبع عشق(ن) ثميني

حبي صددت الكل كل المزايين ولا أشرق الا نور حسنك في عيني

كل النجوم إلا انتي عني بعيدين وش لي بنجم الليل وشمسك قريني

محبوبتي يادنيتي وبعد الادمين يابسمتي و يافرحتي وكل أنيني

حـبك عسل للقلب منعش بروتين حبك أسر خـالــد ولو هو حزيني

لو تقسى فيني ما اقدر اقسى وعلا مين !! أنت الــدوا والــروح والكل فيني

حوريتي !! وشهو جرى بينك وبين؟ نهر العشق كيف صار مر(ن) وطيني؟

حوريتي !! وشهو جرى بيننا اثنين؟ نبع الوفا كيف صار غدر(ن) وشيني

نهر الوله عني انحرف كيف يازين ؟ هو جف والا ذيب بينك وبيني ؟

لا جيت يمي قلتي أفديك بالعين ياامير روحي وقلبي واحلا سنيني

ولا لذت انا طرتي لغيري تدورين اثرك دومن يالغضي تلعبيني

تلعب بي يا خل يتنكر بين اثنين أهواك انا واثريك غيري تهويني

من اجبرك تمثيل دور المحبين مظهرك لي و مخبرك عني يميني

وش ذا الذي خلاك ليا تخونين؟ وانا هويتك وافي بكل مافيني !!؟

يوم (ن) فقدته نسمتك يالرياااحين ضاقت علي وصرت ماني بزيني

واظلم نهاري وحولي أهلي وغالين أضحك لهم والقلب يمك طعيني

ويوم (ن) ظعنتي للسراب الما ترجين قلبي ظعن واياك عيا يجيني

واصبحت انا جسم بلا روح ينجين تايه فبحر(ن) عاصف بلا سفيني

ابحث عن الحورية قلبي وقمر زين ياخوف قرش(ن) يفترس نور عيني

واثرك عني قصد ودك تغطسين مخدووعة(ن) بمواج حب (ن) مهيني

المقبل(ن) يمي فديته نظر عين والقلب وايضا الروح والكل فيني

والمقفي عني عنه والله مقفين والله مانظر صوب من لا يبيني

ماقد طرى محبوبتي لي تخونين!! وانا عطيتك روحي بكفوف ايديني

يانجمة غيبي ترى خاطري شين دام الغدر يهناك شف ما تهنيني

شوفي خفوقي مبتعد عنك ذا الحين شامخ بعالي عـــزته ما يـهـيـني

وان مت مري قبري لحظة أو اثنين مري قتيلك بالهوى واذكريني

وتقبلوا وافر تحياتي وتقديري

وأتمنى أن تليق بكم اخواني واخواتي الغالين والغالياات

أخوكم خــــــالـــــد الحربي

الموضوع الأصلي: ماقد طرى محبوبتي لي تخونين!! || الكاتب: عجزت أنساك || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

lhr] 'vn lpf,fjd gd jo,kdk!! Nd lpf,fjd

منتدى دمعـــة ولـــه - الشعر وعذب الكلام- Poetry Section

---

lhr] 'vn lpf,fjd gd jo,kdk!! Nd jo,kdk