نادت وقالت لي تفضل قلت يابنت ايش تبين))

السلام عليكم
مساء الخير كيف الحال للجميع؟؟؟؟




احببت اني اتواصل معاكم بقدر مااستطيع


المهم


باهديكم قصيده انشاء الله تعجبكم



مناسبتها مره كنت مسافر من الرياض الدمام بالطياره وبالصدفه جاء مقعدي جنب بنت جميله
وعادتا اذا حصل مثل كذا مضيفين الطائره يعطونك مقعد ثاني
المهم قالت المضيفه انتظر اشوف لك مقعد قالت البنت لا عادي خليه يجلس انا تفاجأت وبنفس الوقت ارتبكت قالت المضيفه تفضل اجلس لا اراديا قلت لها لا لالا شوفي لي مقعد ثاني
قالت المضيفه اجلس البنت تقول ماعندها مشكله فقلت لالا انا اصلا ماابي اجلس جنبها


قالت براحتك اشوف لك مقعد ثاني وجلس في مكان ثاني


وكان وقت الرحله قصير 45 دقيقه


والحمد للله وصلنا بالسلامه


الخلاصه اني عبرت عن هالموقف بقصيده انشاء الله تعجبكم


احم احم


نادت وقالت لي تفضل قلت يابنت ايش تبين ----قالت تفضل واسترح وانزع علامات الخجل


خلك رومنسي ياولد حاول تخاطبني بلين---خلنا نسولف في الفضاء ونقطع اوقات الملل


قلت يابنت اركدي وايش فيك شكلك تحلمين ----- قلة حياء منك تري يقلع ابو هذا الشكل


ماتستحي من منطقك من هرجتك ماتستحين --- راح الحياء مع الدلع من بعدها راح العقل


قالت تركّد كلها ياهوه خمسه واربعين ------ لا تحسب اني باخذك حاول تكون انت البطل


دقايق(ن) بالطايره من بعدها الله يعين--------- وطيار رحلتنا عساه يارب يمشي في مهل


قلت بس اني ذكي وفاهم اللي تقصدين -------- ماني محقق غايتك وانا تري افهم عدل


ادري تري ان كلها يابنت خمسه واربعين----لكن وايش اللي عرفك يمكن يكون فيها الاجل


قالت خساره عندنا باقي شباب جاهلين -------- غريب وضعك مافهمته انت ماعندك امل


انا ترى مثل القمر عندي كثير معجبين-------- انت الوحيد اللي عنديد اكيد في راسك خلل




واقول وانا اضحك لها وربي تري ماتعرفين------ماتعرفين اني فلان اطبق احكام ومثل


عمرك سمعتي بالمثل ايام كنتي تدرسين-----------مثل يقول مايهزك ريح يااعلى جبل


انا حارثـي يابنيه فوق ماتتصورين-----------واللي يتحلى بالحياء عندك تسمينه خبل


خلي الحياء دايم معك وانتي على ذا تقدرين---هذا الحياء هو زينتك وخلي كلامك معتدل


بان الخجل بعيونها وصار فوق الزين زين--- تلعثمت وسط الحكي وصارت مثل اودع حمل


قالت (سوري) وسمعتها زادت عليها كلمتين-----تقول والله اسفه وابي اعتذر عما حصل


قلت انتبهي عدل قدام ماتتوهقين--------ماني بزعلان عليك الله لايجيب الزعل


قفيت عنها ابتسم واللي معي مستغربين-----كان امتحان صعب جدا بس حسيته سهل



وسلامتكم.....


وبكل الود والمحبة
م

الموضوع الأصلي: نادت وقالت لي تفضل قلت يابنت ايش تبين)) || الكاتب: «•Mr,قـرروشــه || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

kh]j ,rhgj gd jtqg rgj dhfkj hda jfdk)) Nd hda jfdk jtqg dhfkj ,hdj ,rhgj rgf

منتدى دمعـــة ولـــه - الشعر وعذب الكلام- Poetry Section

---

kh]j ,rhgj gd jtqg rgj dhfkj hda jfdk)) Nd jfdk ,hdj rgf