سحايب

تغيب ما علمتني .. ليه غايب !؟
كنك تعودني على ( غيبتك ) دوم
سما غلاك ابطت عليها السحايب
وطيور حبك قد لها ماهي تحوم
نار الهموم لها ضلوعي حطايب
وصدري وجار " ناره افكار وهموم
والشوق يلفح نارها بالهبايب
حتى دفنها طاري بالبعد بالسوم !!
الحب لا جاء ما يجي بالغصايب
حتى ولو تفرضه عادات وسلوم

والوقت .. جارحني ولاني بطايب
ويزيد جرحه جرح يا جعله القوم
اخطيت فغيابك وابد منت صايب
وما ينهدم حب بنيناه في يوم !!
لا جيت لي بسألك ويش انت جايب؟
احس غيباتك وراها لي اعلوم
يرحمك يا قلب من الحب ذايب
ويرحمك يا عين معد جالها نوم
الدمع منها فوق خدي صبايب
ارخى مشاهيبه على خدي وسوم
يا وجد حالي وجد عود وشايب
لا جاء يقوم تعيي ارجيله يقوم
جافينه عياله ولا له قرايب
من عقب ماهو لحاله يناطح القوم
على الذي هو لوعتي والسبايب
متنابي الردفين .. بالذوق مفطوم
صفين رمشه صف جيش وحرايب
كنها جيوش الفرس في مجابه الروم
ياما علشانه شعبت الركايب
ما همني منقود ربعي ولا اللوم
لا شك دونه .. بالمحبه طلايب
دونه بني عمه .. على الحايم تحوم
فإن مت .. من حبي فسود الذوايب
فالموت حق وكل نفس لها يوم
لا شك .. انا باجيه ماني بهايب
وما قدر الله للفتى جاه ( مقسوم )

الموضوع الأصلي: سحايب || الكاتب: وليف الحزن || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الخواطر وروائع الكلمات Sakes and Poem

---

sphdf

منتدى دمعـــة ولـــه - الخواطر وروائع الكلمات Sakes and Poem

---

sphdf

ياما علشانه شعبت الركايب
ما همني منقود ربعي ولا اللوم
لا شك دونه .. بالمحبه طلايب
دونه بني عمه .. على الحايم تحوم
فإن مت .. من حبي فسود الذوايب
فالموت حق وكل نفس لها يوم
لا شك .. انا باجيه ماني بهايب
وما قدر الله للفتى جاه ( مقسوم )





الله عليك وليف الحزن

على اختيارك الرائع

لا شك دونه .. بالمحبه طلايب
دونه بني عمه .. على الحايم تحوم
فإن مت .. من حبي فسود الذوايب
فالموت حق وكل نفس لها يوم
لا شك .. انا باجيه ماني بهايب
وما قدر الله للفتى جاه ( مقسوم )


يسلمو وليف الحزن والله يعطيك العافية ابدعت