تعبت اشكي..

تعبت أشكي .. تعبت أبكي .. تعبت أحكي مآسي الروح..
قتلني الوقت بظروفه .. ذبحني وجفف أنهاري..
أخبي علتي وأسكت .. وأنا في داخلي مذبوح..
أجامل وأرسم الضحكة وأنا قلبي على ناري..
أحاول والله يعلم بي أداري دمعتي لاأبوح..
أداري الجرح وأتجاهل عن اللي ينشد أخباري ..
أقول بخير لكني جريحة وفي حشاي جروح..
صداها لو دفنته يوم يبين سنين بأنظاري ..
صرخت بحسرتي يكفي .. صرخت بصوتي المبحوح..
ألا ياقت ش ذنبي .. عشان ألفيك بأعذاري..
تبعثر حلمي قدامي .. وغديت بدنيتي منزوح..
وقفت ولا قدرت أجمع ماغير مشتتة أفكاري ..
أمني النفس واخدعها.. وأقول إن كربتي بتروح..
وهي والله مولودة قدر بأرحام أقداري..
قتيلة والبقا براسي .. في دنيا مابها مصلوح ..
قتيلة والقهر قاتل من اللي ياخذ بثاري..
أنا ببقى ضحية وقت .. أعاني والعنا مجروح..
دعيت اللي خلق يرحم .. رجيته ربي الباري..
أبي أسعد أنا بلحظة .. قبل نزعة توافي الروح ..
قبل ماأرحل عن الدنيا .. وأروح لآخر دياري..
أنا بحمل صديد الجرح .. في باقي وقتي المسموح..
وإذا وافتني القدرة ترى هالشعر تذكاري..
رثائي دمعي الطاهر .. في صمته مارضى بالنوح ..
لجل ماأضعف بعين اللي .. نشدني كيفها أخباري...

الموضوع الأصلي: تعبت اشكي.. || الكاتب: __________ || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

jufj ha;d>> ha;d jufj

منتدى دمعـــة ولـــه - الشعر وعذب الكلام- Poetry Section

---

jufj ha;d>> ha;d