صمت الحب

صمت الحب


ليه ياقلبي تغافلني وتعشق من وراي
كيف روحي غصب عني فيه صارت مغرمه ؟


ليه ترضى ترتبط بانسان ماوضّح غلاي
مابقى لي غير نبضي وانت مني تحرمه


كل ماشفته يطير الحرف من رعشة شفاي
ليت قلبي شخص واقدر من حياتي أعدمه


القهر.. قدام عيني وما اقدر احكي له هواي
ليتني باحلامه اظهر وارتجل واعلّمه


كلما جيت ابتدي الموضوع.. أوصل منتهاي
وكلما جيت ابني صروح الأمل .. صرت اهدمه


يوم حسّ بحيرة عيوني.. سألني: وش بلاي !؟
بس درس الحب صعب وليت قلبـــــــــه يفهمه


راحت ايام و ليالي .. عشت اردد { وآآشقاي .!.
السهر يعزم عيوني والحزن صرت اعزمه


بس انا لاحظت كيف انه بدا يسهر معاي
صار مثلي وسط صدره سر غالي يكتمه


كان صمته مثل صمتي و رجوته تشبه رجاي
وان رسم شي بخياله .. في خيالي أرسمه


صار يسرح .. قلت شكله عاشق ويعشق سوآإأي
لازم ابعد عن حياته ياعسى الله يسلّمه


لين قال الكلمه اللي زلزلت أرضي و سماي
قالها من غير مايشعر بروحٍ معدمه

قال: احبك انت شمسي وانت همسي ياهناي
قلت: احبك انت عمري وانت شعري ملهمه


قال: صمت الحب عذّبني وعذبته معآي
قلت: صمت الحب يستاهل حبيبي نكرمه


قال : لو ماكان علّمتك بحبي وش دواي ؟
قلت: من يهوى ويسكت .. الزمان يعلّمه
مما راق لي

الموضوع الأصلي: صمت الحب || الكاتب: السمو || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

wlj hgpf

منتدى دمعـــة ولـــه - الشعر وعذب الكلام- Poetry Section

---

wlj hgpf