ياشاريه قلبي ترى فيه غيّه

سـود الليـالي ليه تقسي عليّه
ما يكفي اللي من سنين المعـاناة

خلّيني اتهنّـا بعمـري شويّه
دامي لقيت الحبّ فالعمر ما فات

بعض المحبّـه من اله البـريّه
تحيي عظـامٍ ميّته من سنـوات

تبعث أمل في الروح مادام حيّه
حتى ولو موت الفتى بعد ساعات

جتني اماني العمر واحلا هديّه
حـوريّةٍ من فضل رب السماوات

ياشـاريّه قلبـي ترى فيه غيّه
صكّي عليه القفـل لو عشر طقّات

حبس انفرادي وسط روحٍ زكيّه
يفرح بسجنه ما شكى منه ويلات

يسمع تنــاهيدٍ عليّـه خفيّـه
ويرسل اشـاراتٍ بقلبك وخفقات

يامرني اخلص لك بصدق الطويّه
واترك جميع البيض واغليك بالذات



انتي وانا والحبّ حتى المنيّـه
وانتي وانا نجمين فوق المجرات

لكن ترى الغيـره سلاح الخطيّه
لا من بدت فالشكّ يتبع بخطوات

يا ما يفـرّق من قلـوب بريّه
باسباب قيـل وقال من غير اثبات

من جاك ينقل هرج قولي وصيّه
حبٍّ على وضح النقا يوم ما مات

اعجبتني حبيت انقلها لكم

الموضوع الأصلي: ياشاريه قلبي ترى فيه غيّه || الكاتب: صقر عتيبه || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

dhahvdi rgfd jvn tdi yd~i fvn dhahvdi yd~i tdi rgfd

منتدى دمعـــة ولـــه - الشعر وعذب الكلام- Poetry Section

---

dhahvdi rgfd jvn tdi yd~i fvn