انا نثرتك دموع....

تكفا طلبتك دقيقـه بـس تسمعنـي
لا قلتلك خللنـي تكفـا تخلينـي!!!


انا عشقتك هوى ولا انـت تجرحنـي
وانا ذكرتك غـلا ولا انـت ناسينـي


بعثرتني من بعد ما كنـت تجمعنـي
ضيعتني في غرامك ضاعت سنينـي


ياكثر ما قلتلي مخطـي وسامحنـي
واسامحك لان حبـك كـان معمينـي


تحطب ضلوعي وتشعل نار تحرقنـي
وا قلبي اللي حرقته وانـت كاوينـي


تدري وش اللي على فعلك مصبرني؟؟
لاني احبـك وحبـك ساكنـن فينـي


وتدري وش اللي معذبني وقاهرني؟؟
ابتركك وانت تجري فـي شرايينـي


بقول حاجـه ولا ظنـي تواخذنـي؟؟
انا نثرتك دموع وطحت من عينـي!!


فهمتني او بعـد منتـه بفاهمنـي؟؟
بالمختصر صاحبي ماعـاد تعنينـي


تبي الصراحه بعد ماعـاد تنفعنـي!!
مابيـك ترجـع ولا حتـى تداوينـي


قم وابتعـد عننـي طالبـك فارقنـي
عفتك عقب ما تغير طبعـك الزينـي


وان شفتني طحت تكفا لا تساعدنـي
انا بقـوم ابيـدي وقـوى رجلينـي


تكفا طلبتـك بعـد مابـي توادعنـي
يكفيني اللي جرالـي منـك يكفينـي


واليوم قلبي على فرقـاك طاوعنـي
يعني خلاص انتهاء اللي بينك وبيني


مانـي بطربـان للعربـان بغـنـي
اون والنـاس بالونـات توحيـنـي



ســــــــــــــلامتكم
تحيـــــــــــــــــــــاتي: لكـــم
صمـــــــــــت الــــــــرحيــــــــل

الموضوع الأصلي: انا نثرتك دموع.... || الكاتب: صمت الرحيل || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

hkh kevj; ]l,u>>>> dlku

منتدى دمعـــة ولـــه - الشعر وعذب الكلام- Poetry Section

---

hkh kevj; ]l,u>>>> dlku