وش تسوي لو عشقت انسان ماهو من نصيبـك

وش تسوي لو عشقت انسان ماهو من نصيبـك
لا لك بهالوضع يد و لا له بهالوضع سبه


وشهو ذنبك لو غدى من بين خلـق الله حبيبـك
تعرف إن قربه محال و قلبك مصمم يحبه


و انته متأكد و عارف يبي يجي يوم و يسيبـك
يعني متوقع بأي لحظه يغيـب و تغتـرب بـه


كل دربٍ يرحل بطيفه على وجهك يجيبـك
كل حرفٍ يُكتب لغيره تحسه منكتب بـه !!


كن كل عيـون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه


و اللي كاسر ظهر قلبك و بشقا الدنيا مصيبـك
عارفٍ بانّك تحب و ما يعَرْف انّـك تحبـه


ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه


وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه

الموضوع الأصلي: وش تسوي لو عشقت انسان ماهو من نصيبـك || الكاتب: عزوزز || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

,a js,d g, uarj hkshk lhi, lk kwdfJ;

منتدى دمعـــة ولـــه - الشعر وعذب الكلام- Poetry Section

---

,a js,d g, uarj hkshk lhi, lk kwdfJ;