قصة نوف وطلال

السلام عليكم اخواني وخواتي اعضاء المنتدى الكرام
اليوم راح نبداء صفحه جديده مع قصه من قصص الواقع التي سمعت عنها وتاثرت بها فأحببت ان اشارككم بها علها تستحوذ على مكان في اعماقكم وتعتبرونها درس وعضه وعبره قصتي هي قصت نوف وطلال....
من هنا تبداء الاحداث من هنا البدايه هيا لننطلق في رحله مع احداث الواقع....
(للعلم ان الاشخاص حقيقيه والاحداث حقيقيه مع تغير بسيط في مواقع بعض الاحداث والكتابه بطريقتي واسلوبي انا )
************************************************** *********************
ما ني على خبرك تراني تغيرت
أنت السبب يومك تطول غيابك
صبرت لجلك ليتني ماتصبرت
ضاع الصبر وضعت اطرد سرابك
ظنيت ترجع بس شفتك تأخرت
والقلب عيا يحتمل ما هقابك
رد الجواب وطمني وش قررت
نرجع سوا أو تستمر بغيابك

اليوم:الاثنين
التاريخ:26/9/1426للهجره(شهر رمضان ).
الساعة:3 عصرا



************************************************** ********************

دقت بدور على نوف ودار الحوار التالي بينهم:
بدور:الو نوف الحقي علينا
نوف: هلا والله بدور خير انشالله وشفيك؟؟
بدور:عادل يا نوف اخوي عادل تهاوش مع أبوي وطلع من البيت من أمس ما ندري عنه شي ندق عليه يا مقفل جواله يا ما يرد
نوف:ليش شفيهم غريبة عادل وخالي أول مره إلي اعرفه عادل اقرب واحد لابوك
بدور:ما دري وشفيهم. ألحقيني أمي تعبانه حيييييل من أمس وضغطها مرتفع.
نوف:طيب شنو المطلوب مني بشنو اقدر اساعدك؟؟
بدور: دقي عليه يمكن يرد عليك اعرف عادل ما يرد لك طلب ومستحيل انه يطنشك,,,, من البارح وزوجته تحاول تدق وتلفونه مقفل وتعرفين حامل ومب زين لها التعب.
نوف: طيب شلون هو يعرف رقمي أكيد ماراح يرد علي أنا بعد؟
بدور: طيب دقي عليه من رقمك سوا حق الجامعة .
نوف: طيب بحاول وانشالله خير لا ينشغل بالك
بدور: نوف والي يخليك لا تطولين علينا أمي تعبانه.
نوف: لا تشيلين هم وانشالله يرجع الليلة لكم
بدور: طيب باي.
نوف: باي
ودقت نوف على رقم ولد خالتها عادل وكان جواله مقفل وتحاول إلى الساعة 5 العصر ودقت على بدور وقالت لها إن تليفونه مقفل
بدور قالت لنوف: يا نوف هو مغير رقمه إلي عنده
نوف: طيب الحمد لله والشكر وليش ما قلتي لي من أول
بدور: وربي ما انتبهت اعذريني منخبصه من إلي عندي
نوف: اوكي حصل خير عطيني الرقم يلا كم؟؟
نوف تكلم بدور من رقمها العام وماسكه رقمها السوا بيدها الثانية وتقول يلا كم الرقم
بدور تصارخ بصوت عالي عشان الزحمة إلي عندها على بالها نوف ما تسمعها مثل ما هي ما تسمع نوف عشان إزعاج البزران عندها
نوف تسمع بدور وتدق ومن كثر ما بدورمستعجلة و مرتبكة أربكت نوف وغلطت بالرقم وجلست نوف تدق يوم كامل على الرقم الغلط على بالها صح وكله يطلع مقفل وترسل مسجات لنفس الرقم وتقول:عادل أنا نوف بنت خالتك رد علي
وترسل المسج وترجع بعد وقت قريب وتدق وتلقى التليفون مقفل وترجع ترسل مسجات يوم كامل لحد ثاني يوم العصر دقت وأخيرا لقت التليفون مفتوح
وتدق بس ما حد يرد عليها وترسل مسجات وما في رد........
صار وقت الفطور وراحت تفطر ولما رجعت بعد الفطور لقت مكالمة لم يرد عليها من عادل أو إلي تحسبه عادل وترجع تدق ما في رد!!!!ولقت تسجيل مسج صوتي وسجلت مسج صوتي وقالت: الو عادل؟؟؟ أنت وينك؟؟؟ ليش ما ترد علينا ارجع البيت أمك تعبانه حيييل وتبي تشوفك وإذا ماتبي ترجع دق عليها طمنها بنت خالتك نوف باي....
وقفلت ....وعلى صلاة العشاء تقريبا لقت مكالمة من نفس الرقم ورجعت دقت وأول مارد عليها قالت: الو عادل وينك؟؟؟أمك تعبانه أنت شفيك ما ترد على اهلك؟؟؟؟
قال: يا أختي أنا مو عادل ولد خالتك أو أخوك أو ما دري
نوف: طارت عيونها باستغراب....شنو؟؟؟؟أنت مو عادل؟؟
قال:لا أختي مو عادل
قالت: طيب أسفه أزعجتك من البارح وأنا اتصالات ومسجات وإزعاجات
قال: حصل خير ....بس وينه هذا عادل وين راح؟؟
نوف: شنو؟؟
قال: طيب عطيني أسوي له بلاغ في المرور ونجيبه لكم اليوم
نوف: فقعت ضحك من داخلها قالت له: مشكور مو ملازم وقالت مشكور باي
قالها: باي....
قفلت الخط نوف وبعدها بوقت أرسلت مسج وقالت فيه: أسفه اخوي على الإزعاج أزعجتك معاي استر على ما واجهت مني
رد مسج عليها وقال: ماني بعادل بس ربي عدلني امشي وهامتي للسماء فوق اسمع صدى صوتك إلي ذهلني وأقول محسود من على الذوق يسمع كلامك يا نوف ومنه يحرمني ماني من إلي يتبع الضن مشفوق والشاهد الله صوتك إلي أسرني هذي هديه عاشق ومعشوق ليتك عيدي الثاني ولا لا تخذلني وهديتك كل الشعر وحرف مرموق ~كل عام وأنتي بألف خير ~. يوم 2/11/ 2005الساعه:ستة المغرب وعشر دقايق و17ثانيه,,,, هذا المسج كان أول مسج يوصل نوف من هذا الشخص الغريب أو إلي كان غريب,,,,, أرسلت له مسج تقول فيه شكلك شاعر بس ما عرفت اسمك وأنت تعرف اسمي ؟؟ أرسل لها مسج ......حفظت صوتك بالرسايل الصوتية,,,, لجل امني خاطري بعذب الإلحان,,,,وأسف يا نوف كان ضايقتك شويه,,,,عذري معي لأني شاعر و هيمان,,,,من صوتك اكتب الشعر ألف با لميه,,,,واخط قافي على بيض الألوان,,,,أخاف ما اسمع صوتك المتهيه,,,,وافقد لذيذ الشعر حرف وقيفان,,,,كأنك عذرتي عذري في تاليه,,,,قولي صح لسانك شكر وامتنان,,,,هذا المسج كان بنفس التاريخ الساعة ستة المغرب و أربع وعشرين دقيقه و ثمانية وخمسين ثانيه......
أرسلت نوف مسج بعدها وقالت فيه: أنت منو؟؟وشنو اسمك؟؟تعرف اسمي وتكتب فيه شعر ولا أعرفك أنا أحب الشعر اكتبه واسمعه ارسل لها مسج كتب فيه انا اسمي طلال بن عبد الرحمن من الدمام شاعر واحب الشعر ارسلت نوف مسج بعده تقول فيه ونعم فيك ياطلال ,,,,وصارت بينهم مسجات باقي اليوم ,,,الساعه 12 ونص راحت ام نوف وخواتها لصلاة التراويح وظلت نوف بالبيت وظلوا عيال اختها الصغار عندها ناموا عيال اختها وظل اصغر واحد فيهم عندها وهي تتفرج على التلفزيون ورجعوا امها وخواتها من الصلاة تعبانين ويبون ينامون ناموا وظلت نوف مع ولد اختها لوحدها بالغرفه ارسلت مسج لطلال تقول فيه كتبت ايميلها وقالت عندك ايميل؟؟؟اذا عندك ايميل ظيفني عندك وهذا ايميلي,,,,رد عليها على طول اتصال ودق عليها قالها ليش مسج؟؟نوف:شنو الي ليش مسج؟؟ طلال: ليش ارسلتي مسج مادقيتي وسألتيني؟؟ نوف: خفت تكون نايم او مشغول قلت ارسل مسج واشوف
طلال:أي عندي ايميل اضيفيني انتي لاني الحين مو بالبيت بس ارجع اكون اون لاين واقبل اضافتك نوف: اوكي باي طلال باي ,,,
دخلت نوف على النت وسوت اضافه لطلال وقعدت تنطر قبول اضافتها وبعد ربع ساعه تقريبا وصلت قبول الاضافه وطلال كان اون لاين وبدت محادثه بينهم وتعرفوا على بعض اكثر وكانوا يتكلمون الا طلال فتح موضوع حساس بالنسبه لنوف تضايقت نوف من الموضوع وضاق صدرها موضوع وفاة اغلى شخصين على قلبها وحس طلال انها فيها شي لان فجئه تغير اسلوبها قالها وش فيك؟؟قالت مافيني شي دق عليها وماردت قالها ليش ماتردين علي يانوف قالت خلنا بالماسنجر قالها ابي اسمع صوتك واتاكد ان مافيك شي دق وكلمها وتاسف اذا الموضوع الي فتحه ضايقها وهو يكلمها يسمع صوت ولد صغير يصيح قالها منو هذا؟؟ قالت : ولد اختي الصغير طلال: وليش عندك وين امه؟؟
نوف:تعبانه توها راجعه من صلاة التراويح وتبي ترتاح,,,

************************************************** *******************
وللحكايه بقيه نكملها معكم في الاجزاء القادمه انشاء الله
تقبلوا تحياتي اختكم crazygirl
بايوووووو

الموضوع الأصلي: قصة نوف وطلال || الكاتب: crazygirl || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: القصص والروايات - Stories and Novels Section

---

rwm k,t ,'ghg ,'ghg

منتدى دمعـــة ولـــه - القصص والروايات - Stories and Novels Section

---

rwm k,t ,'ghg