...((كـــادي.....والمستقبل المجهوول))...

السلام عليكم ورحمة الله وبركاته

أخباركم شباب وصبايا

حبيت أنزل لكم هالقصه واتمنى تعجبكم للحين مو كامله بس بإذن الله كل اسبوع بنزل جزء وبكملها لو شفت تفاعل معي وإذا ماعجبتكم خبروني اسوي لها ديليت وانتهى الموضوع......

...((كـــادي.....والمستقبل المجهوول))...



كانت نايمه بهدوء مثل الطفل لا نام بعمق كأنها ملاك من جمالها....فزت على صوت صراخ...
.....:كادي....كــاادي قومي الله ياخذك إن شاء الله وارتاح...
كادي وقلبها شوي ويطلع من كثر مايدق بقووه:خير...خير خالتي...
خالة كادي:الله لايوريك الخير إن شاء الله....قومي بسرعه جهزي الفطوور للبنات بيتأخرون على الأختبار....
كادي هي تجري جهت الحمام(أكرمكم الله):إن شاء الله..إن شاء الله خالتي....تسبحت وصلت ونزلت تجهز الفطوور...
كادي بنت حبوووبه مسكينه حظها دوووم يعاندها....الله حطها عند مرت أب ظالمه عاملتها بقسوة من عمرها سنه ونص بعد ما ماتت أمها.. عمرها 17 سنه...عيونها ناعسه لونها عسلي فاتح لو كانت عند شمس أو نور ساطع يتحول لونها للأخضر...طولها وسط وجسمها حلوو ...خبلت كل من شافها هي مو سمرا ولا هي بيضه وجمالها كان أسطوري....

رندا وهي تشرب العصير:يالله كادي حبيبتي بنتأخر....
كادي وهي توقف:بس اعدل شعري والبس عباتي وانزل...
أم رندا:لا تتأخري ماابغي بناتي يتأخرون عن الأختبار...
كادي هي بتطلع الدرج:إن شاء الله خالتي....
أبو كادي:يا أسماء(أم رندا)حرام عليكي عاملي البنت بطريقه أحسن قدام أخواتها..
أم رندا:أقول اسكت أنت...قال ايش عاملي البنت احسن...مااقول غير الله ياخذها...
نزل أبو دانه راسه وهو مهموم....نزلت كادي وراحت المدرسه مع أخواتها رندا وهبه ولين وليان...
أم رندا قويه وما تهتم لأحد ومو مسويه قدر واحترام لزوجها حتى قدام بناته..وهو طيب معها بس عنده أسرار بحياته كثيرة... ومع مرضه ما يقدر يجادلها لأنه مريض بالقلب...رندا أكبر من كادي بأقل من خمس ساعات وكانوا كأنهم توأم بس كل واحده من أم...تشابه كادي كثير بس لون العيون بني فاتح وتموت على أختها كادي..هبه أصغر عن كادي ورندا بسنتين عمرها 15 سنه بثالث متوسط هي عيونها وساع لونها بني غامق... وتموت على كادي لأنها طيبه معها...أمممممم فيها صفه بتعرفونها بالأحداث...لين وليان توأم وهم حلا البيت بصف رابع ابتدائي عمرهم 10 سنوات يموتون على شي أسمه كادي وهي بعد تحبهم وهذا اللي يقهر أمهم.... امممممممممم....باقي عبير أنا للحين ما ذكرتها بس هي أخت كادي الكبيرة عمرها 19 سنه بالكلية قسم اقتصاد منزلي...وهي مثل أمها ما تحب كادي ولأنها خلصت اختبارات كانت نايمه الصباح....

بالمدرسة كادي خلصت وسلمت ورقتها وطلعت من الفصل وكانت تنتظرها شذى...
شذى:كيفك كادي وكيف الاختبار؟!!!
كادي وهي ترفع يديها على فوق مع الحماس:رووووووووعه كان مرررره حلوو...أنتي ايش سويتي فيه؟!!...
شذى:الحمد الله تماااامز....
.........:كادي كيف اختبارك؟!!...
كادي:أهللين لموو..تمام..إنتي كيف كان اختبارك؟؟!!!..
لمياء:الحمد الله كان حلوو...
شذى:لموو لازم تجيبي نسبه تبيض الوجه إنتي ثالث...
لمياء:هههههههههههههه....أنتي وجهك أكيد بجيب نسبه تبيض وجه أهلي ونشوف إنتي ايش تسوي بثالث....
......:لا تذكرينا خلينا نستانس ...وثالث إن شاء الله وقتها نفكر فيها...
كادي وهي تضربها على كتفها:إنتي ماتقولي ليش تأخرتي باللجنه؟ّ!...
رندا:اااااااااي يعوووور يالحماره...والله كنت أتأكد من إجاباتي...طمنيني إنتي كيف حليتي زين....
كادي:الحمد الله...تجمعوا الشله مع بعض كملوا سواليفهم....

كانت نايمه وأزعجها صوت الجوال يدق ردت عليها وصوتها كله نوووم..الووو...
....:عبيررر يالحمااااره قومي يكفي نووووم...
عبير:منال الله يخليكي بناااااااام...
منال:قومي بسرعه كلميني على البيت في موضوع مهم..
عبير:إنتي ماعندك مواضيع مهمه...
منال:لا يالخبله هالموضوع عن بدر....
عبير:ايش صار تكلمي.......أو أقووول لحظه اكلمك على البيت باااااااااااي...وقفلت قبل تسمع الرد وكلمتها من تلفون البيت....
منال صديقة عبير بس أهلها مو مهتمين فيها ...تكلم شباب وتطلع معهم....

رندا:كادي..يالله السايق وصل...
كادي:أوكي يالله.....يالله بنااااااااات أشوفكم بكره ذاكروا زين خلاص هانت أخر ماده...
لمياء:ووووووي ووووووي...أنا خلاص بكره وماعاد عندي شي اسمه مدرسه..الله يعينكم انتوا باقي لكم ثالث....
رندا:لمووو لاتقهريني...
الكل:هههههههههههههههههههه......
كادي:لو بنسولف مانتحرك لين المغرب....باااااااااي...
الكل:باااااااااااااااااااااااي....

بالسيارة...
كادي:هبوووش كيف اختبارك؟!!
هبه:المعلم كادي ذاكرلي كيف ما أجاوب...
كادي ورندا:هههههههههههههههههههه...
كادي:وانتوا لين وليان؟؟؟!!!
ليان:أنا حليت صح الابله قالت لي شاطره...
قاطعتها لين:وأنا قالت لي شاطره...
وصلوا ونزلوا البيت....

عبير بالصاله تقلب بالتلفزيون.....سلموا عليها وكل وحده راحت غرفتها تبدل....
أم عبير:عبير رجعوا البنات من المدرسه؟...
عبير:ايوه ماما...كل وحده راحت غرفتها يمكن يبغوا يناموا....
أم عبير:أف ياربي متى أفتك من هالبنت اللي جالسه على قلبي....
عبير:تقصدي مين ماما؟...
أم عبير:مين غير كادي الله ياخذها...
عبير ترفع يدينها:أميييييييييييييييييين....

شذى:طلوووول......
طلال:ايش هالصوت أنتي بنت أو ولد....
شذى وهي تحضن طلال:يالله عاد أنا أختك الصغنونه دلعني...
طلال وهو يبعد شذى عنه بمزاح:أنا ايش اللي بلاني بأخت كذا يالله ..والله انك لصقه اتركيني شووي...
شذى:هههههههههههههه...أكيد بكون لصقه لأنك أنت أخوي....
طلال وهو يضربها على راسها:يالله عاد ضفي وجهك بكلم الولد...
نقزت أخته الثانيه:بتكلم مين؟...
طلال:لا إله إلا الله...من جد لقافه العنود اتفرجي على التلفزيون أحسن....يالله باااااااااي...
هذي شذى أكيد عرفتوها صديقة كادي ورندا...طلال أخوها عمره 28 سنه يشتغل بشركة أبوه وأعمامه ويفكر يسوي له شركه خاصه يحب شذى موووت...والعنود عمرها 20 سنه قسم أدب إنجليزي حالها حال نفسها بس أحياناً تاخذ عدوا اللقافه من أختها شذى...وعندها بندر عمره 30 سنه متزوج وعنده بعثه بالخارج وزوجته معه وللحين ماعنده أطفال...
طلال وهو بالسيارة دق جواله:هلااااا والله بولد العم...
......:هلا بك....انا زعلان منك...
طلال وهو يقلد صوت واحد حزين:ليش حبيبتي زيوودتي ...
.....:يعني يالدب ماتقوول عندي ولد عم أسمه زياد أكلمه أتطمن عليه بس أنا أدق...
طلال:والله زياد أنك فبالي كنت بكلم فارس وأتصل عليك...
زياد:رقعها رقعها طيب ساعه كامله ماابكلمك...
طلال:ههههههههههههههههههههههههههههههههه....وكملوا سواليفهم
زياد ولد عم طلال عمره تقريبا 26 سنه يشتغل بنفس الشركه اللي فيها طلال بس الفرع اللي بالخبر...وفارس صديق طلال الروح بالروح عمره 28 سنه...

العصر فبيت كادي كانت جالسه هي ورندا يذاكرون بالغرفه مع بعض....
رندا:كادي...بسألك؟..
كادي:ايش حبيبتي؟...
رندا:كادي مو متضايقه من معاملة ماما لك؟...
كادي وهي منزله راسها:رندا مهما صار هي اللي ربتني واهتمت برعايتي...
رندا:بس كادي...
تقاطعها كادي:خلاص رنوو....ذاكري بكره أخر اختبار ونفتك....

بغرفة أبو عبير....
أم عبير:ايش رايك صالح باللي قلت لك إياه؟...
أبو عبير:والله ما ادري يا أسماء أخاف أظلمها؟...
أم عبير:أنت تظلمها لو خليتها كذا...أنت معك القلب ومحد ضامن عمره هالأيام يعني اللي مافي شي يمووت بدون أنذار...بناتي مقدوور عليهم عندهم خالهم بس كادي حرام لا لها أخ ولا خال...
أبو عبير:خلاص قولي لناصر يجهز بكره نروح المحكمه..بس إنتي لاتقولي لأحد...
أم عبير وهي تبتسم إبتسامة نصر:إن شاء الله..لا تووصي...

اليوم الثاني كان مثل اليوم اللي قبله بس الفرق هبه ولين وليان كانوا نايمات لأنهم خلصوا اختبارات...
أم عبير:أبو عبير...
أبو عبير مايحب حد يناديه أبو عبير:أسماء مليون مره قلت لك ناديني صالح لاتناديني أبو عبير...
أم عبير:أووووف ايش فيك أنت... طلعت أو نزلت أنت أسمك أبو عبير...المهم عطيني فلوس بعطي رندا مصروفها...
أبو عبير يعطيها الفلوس:كادي معها مصروفها؟..
أم عبير:ايش يعرفني ما يتخاف عليها بنتك..
أبو عبير:كادي....كادي...
كادي:هلا أبووي...
أبو عبير:معك مصروف لك...
كادي وهي تبتسم ابتسامتها الدائمه:الحمد الله خيرك سابق...يالله أبوي دعواتك اليوم أخر أختبار..
أبو عبير وهو يبتسم بحب لبنته الصابرة:الله يوفقك أنتي وأختك يارب...
رندا من ورا كادي:أميييييييييييين...
الكل:هههههههههههههههههه....سلموا على أبوهم وراحوا للمدرسه ومو عارفات شو يخبي لهم القدر...

طلال وهو يكلم الجوال:يعني منت جاي الرياض..
....:لا والله أنا ما أقدر هالأيام...شرايك أنت تجي عندي الأحساء تساعدني أكمل أشغالي بسرعه...
طلال:لا فرووس أنا بجهز لك الشقه اللي قلت لك عليها بالرياض وأثثها لك.... أنت إذا خلصت أشغالك هناك تعال.....
فارس:خلاص أوكي..وأنا أحاول أخلص كل شي بدررري....
طلال:خلاص أجل أنتظرك انا...توصيني بشي...
فارس:سلامتك يالغالي بس أنتبه لا تسرع....
طلال:أبشر طال عمرك...ههههههههههه....يالله مع السلامه....
فارس:الله معك....

كادي كانت مخلصة اختبارها وجالسه بالساحه بروحها...
لمياء وهي تجلس بجنبها:كيف كان اختبارك؟!!!
كادي:الحمد الله..
لمياء وهي تقرب من كادي أكثر:كادي ايش فيك؟!
كادي ودموعها مغرقة عينها:ماادري لمياء بس أحس بصير شي اليوم بيكدر حياتي كلها...وضمت لمياء وهي تبكي....
لمياء وهي تحاول تهديها:بس كادي لو جات رندا وشافتك شو بتقولي لها..إن شاء الله إحساسك يكوون خير لكي مو شر....
رندا جات عندهم وماتت رعب على كادي:كادي حبيبتي شفيك؟!!!
كادي وهي كل ماتمسح دمعه نزلت بدالها عشر:مافي شي حبيبتي بس حسيت بضيقه شوي...
رندا وهي تضمها:إن شاء الله باللي يكرهونك قوولي أمين....مسحت لها دموعها...يالله قومي حبيبتي والله مااتحمل أشوف دمعه بعينك...وبكت...ضمتها كادي اكثر وصاروا يبكون مع بعض...
لمياء تأثرت من الموقف وصارت تبكي....
وصلت عندهم شذى وشافت المناحه وحاولت تخففها:شو مسوين فلم هندي عيدوه ماشفته من البدايه....
كادي تضربها على كتفها:صدق سخيفه...خلاص رنووو...وانتي بعد لموو مايحتاج دموعكم غاليه...
شذى:يالله عاد أدري بتشتاقوا لي لاتخافوا بزوركم كل ماقدرت....وابتسمت بطريقه تموت ضحك...
البنات ماقدروا يمسكون ضحكتهم أنفجروا ضحك وكل اللي بالساحه يطالعونهم مستغربات توهم يبكون والحين يضحكون<<<<الحمد الله على العقل.......

عند باب المحكمه...
أبو عبير:ناصر مااوصيك حافظ على الأمانه...
ناصر وهو يبتسم بسخريه:إن شاء الله صالح...أنت تأمر أمر...يالله استأذن...وراح...
ركب أبو عبير سيارته بيرجع البيت وكل تفكيره باللي سواه صح أو لا....

أم عبير وهي تشد على سماعة التلفون من الفرح:والله الحمد الله يااااااااارب....لوووووولوووش..
خلاص الحين نسوي الخطه الثانيه اللي أتفقنا عليها....
..........:اسمعيني أنا ضحيت بكل شي ووافقت عشان أرد لك الجميل...بس إذا مليت مااقدر أتحمل...
أم عبير:لااااا..انت بس نفذ اللي أقووله لك وترتاح صدقني....وأخيراً أقدر أشيل هالبلووه من قدامي....
.....:ههههههههه...بس لاتنسين يالحبيبه العموووله ماسوي شي أنا بدون مقابل...
أم عبير:فااااااا عليك حقك بالحفظ والصون...وكملت بحقد واضح... بس المهم تتعذب مثل ماابي...المهم أسمع صوت صالح شكله رجع....باااااي... وقفلت الخط....

اللي ماحست فيه أم عبير من حماسها إن كان في حد واقف على الدرج يوم سمع صوت السيارة داخله البيت طاااااار فووووق<<<<منو تتوقعوا تكون اللي سمعت الكلام؟!!!!....


امممممممممممممممم



تتوقعون شو بيصير؟!
وشو مصير كادي؟!

بـسـمـه

الموضوع الأصلي: ...((كـــادي.....والمستقبل المجهوول))... || الكاتب: بـسـمـه || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: القصص والروايات - Stories and Novels Section

---

>>>((;JJJh]d>>>>>,hglsjrfg hgl[i,,g))>>> hgl[i,,g ;JJJh]d,hglsjrfg

منتدى دمعـــة ولـــه - القصص والروايات - Stories and Novels Section

---

>>>((;JJJh]d>>>>>,hglsjrfg hgl[i,,g))>>> hgl[i,,g ;JJJh]d,hglsjrfg