ماعاد لك ياحزن حشمه وتقدير..من يوم جيت وجبت لي جرح ثاني

ايام راحت بي وراحت على خير
مرت على عمري مرور الثواني



ايام كانت غير في.. ذمتي غير
احيت يباس عروق ذيك المحاني

قبل الوداع قبل طوي المشاوير
ماكنت احس بقيمته لو جفاني

ويوم افترقنا والحزن جاني امغير
عرفت وش معنى ضياع الاماني

ماعاد لك ياحزن حشمه وتقدير
من يوم جيت وجبت لي جرح ثاني

وماعاد بيدي شي.. دام المقادير
وفت وعدها..وسلبني زماني

سيلت بفراقه دموع المعاذير
حتى خشع موج الغلا للمواني

ومديت للقيا كفوف التباشير
ومدت لي الفرقا كفوف التهاني

ودي افضفض بس وين التعابير؟
ودي اعبر بس وين المعاني؟

حاولت ابرر صمتي بأي تبرير
وعجزت ابرر صمتي اللي غشاني

ياصمتي اللي مالقا له تفاسير
ليت الذي وداه.. يمه خذاني

ياحيله الله وش بقا؟ وش يبي يصير؟
دام المكان اليوم ماهو مكاني

الغيت من بعده جميع المحاذير
وارخصت عمري دام هالعمر فاني

بعده.. تراها تهون كل المخاسير
يعني وش اكبر من خساره كياني؟

لوقلت مالبعده اليوم تأثير
تفضحني عيوني.. ويكذب لساني

لكن تركت له هالقصيده على خير
يمكن يحس بضيقتي لاقراني!!

الموضوع الأصلي: ماعاد لك ياحزن حشمه وتقدير..من يوم جيت وجبت لي جرح ثاني || الكاتب: أخاف تزعل || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

lhuh] g; dhp.k pali ,jr]dv>>lk d,l [dj ,[fj gd [vp ehkd ehkd dhp.k pali ,jr]dv>>lk

منتدى دمعـــة ولـــه - الشعر وعذب الكلام- Poetry Section

---

lhuh] g; dhp.k pali ,jr]dv>>lk d,l [dj ,[fj gd [vp ehkd