تفارقنا وصرنا ياحبيبي بالزمان اغراب

تفارقنا
وصرنا يـا حبيبــي بالزمـان أغـراب
وتاهت في دروب الشوق يا عمـري خطاوينـا


تفارقنا ولا ندري عـن الفرقـا وش الأسبـاب
ظروف الوقت..! وإلا خانت أحكـام القـدر فينـا؟


حبيبي يا بعد كل الحضور ويا بعد مـن غـاب
ترى لـو عانـدت دنيـاي مـا و الله تنسينـا


أكيد إنـا تفارقنـا ولكـن مـا نـزال أحبـاب
سكن فينا غلاك اللـي علـى بعـدك يواسينـا


حبيبي لك حبيب ٍ من صواديف الدهر ما هاب
خذا من حبك حزامه ومن صبـره بنـا مينـا


على ذكرى سنين الحب لو شاب العمر ما شاب
ولو ملت سنيـن العمـر لـك الله مـا تعنينـا


أعيش بغربة أحزاني أصارع لوعتي منصـاب
إذا مرت مع الذكرى نسا يم شوق مـا ضينـا


لك الله يا حبيبي في حضورك كل شي طـاب
جروح الوقت في قربك تطيب وتذبـل سنينـا




أدور للأمل ذكرى وأكيد أن الأمل مـا خـاب
عسى الله ما يخيب فيك يـا عمـري رجاوينـا


تذكرتك وأنا ساهي .. وذكرتك والهوى غلاب
تذكرت الطريـق اللـي علـى بابـك يودينـا


فمــــــان الله يا أجمل من عرف قلبي من الأحبـاب
يا أطهر قلب حبيته .. وأغلــــى من سكـن فينـا

الموضوع الأصلي: تفارقنا وصرنا ياحبيبي بالزمان اغراب || الكاتب: بعض البشر || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

jthvrkh ,wvkh dhpfdfd fhg.lhk hyvhf

منتدى دمعـــة ولـــه - الشعر وعذب الكلام- Poetry Section

---

jthvrkh ,wvkh dhpfdfd fhg.lhk hyvhf