مصافحه أولى (( هذي ثلاث أيام والقلب مقهور ))

السلام عليكم ورحمة الله وبركاته

مساء الخير جميعا

كل عام وانتم بخير وعيدكم مبارك مقدما

وتقبل الله طاعتكم



هذه قصيده من كتابتي
اتمنى أن تحوز على رضاكم



بلاه ياللي بخاطري دوم مذكور
................الله حسيبك ليه عني تبرا

ماجاك مني شي ولا مني قصور
................وشلون تكفى ياعشيري تجرا

ولو جاك مني تدمحه عشرة شهور
................الله يسامح يوم خلقه تعرا

ولا ترى حنا بشر فينا عثور
................نخطي ولاكن بالسماح نتذرا

ياصاحبي لو طلت بالصد معذور
................معذور لو طال الغثا واستمرا

من عادتي اسمح ولو كنت مكسور
................ماأقدر اقول ارحل ولا أقول برا



ياصاحبي صاحبك لو كان به جور
................خلا حلاتك تزدوج فيه مرا

ياصاحبي صاحبك ماهو بمجبور
................لاكن يروف بصاحبه ويتدرا

يدرى كلام اللي بهم نقلة الزور
................اللي امانيهم على الناس شرا

واعرف ترى بأني على الحق والنور
................ولا طريقك ياصحيبي مغرا

هذي ثلاث أيام والقلب مقهور
................وأونس على كبدي من البعد حرا

أحيان اجر الصوت واطيح واثور
................واحيان صبري مايسليه جرا

واحيان امد الليل والف وادور
................واحيان مالقى بمدته لي مفرا

باقول وأشكي والصدر يكتم شعور
................ولالي مع الأيام غير اتحرا


...........................



نايف سعد العنزي

السبت

8/12/1429هـ

الموضوع الأصلي: مصافحه أولى (( هذي ثلاث أيام والقلب مقهور )) || الكاتب: نايف العنزي || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

lwhtpi H,gn (( i`d eghe Hdhl ,hgrgf lri,v )) lwhtpi H,gn lri,v eghe

منتدى دمعـــة ولـــه - الشعر وعذب الكلام- Poetry Section

---

lwhtpi H,gn (( i`d eghe Hdhl ,hgrgf lri,v ))