مسلسل ( تعبت أشكــــــي)..

تابع الحلقه السادس عشر


بالنسبه لمتعب الكون وقف عنده لحظه....حنين موجوده هنا !!معي بنفس المكان...مش

مصدق ...يارب يارب ..ليتك تجلسين معي ولا تروحين..ليتك ياحنين تحسين بقلبي

المتولع بشوفتك...ليتك تدرين فيني وبمعاناتي ..ليتك تواسيني ياحنين ..ليتك تواسين حبي

الضايع ...ليتك ترجعين الحب اللي ماتنهيت فيه...يوم الدنيا أفتحت لي بابها وبديت

أحب ..ضاع الحب من أول خطوه ..توني ياحنين ماتهنيت !!!حرام عليك حرام ..لا

يالدنيا لا............


ودي تشوف الهم وشلون سوى
في حال من حبك على غير مصلوح
جرحتني جرح جديد تلوى
على خفوق منك بالحيل .. مجروح
وسويت فيني شي ما يتسوى
واقول يا سيد المماليح مسموح
ليتك بزلاتك علي اتروى
يوم ان الحب لك من الروح للروح
إن كان حيل وصالنا ماتقوى
الله يعين عيون "السامر" على النوح
لا يابعد من جابوا آدم وحوا
خطاك مهما صار منسي وممدوح
ليتك دخلت بداخل القلب..جوا
حتى تشوف بعينك الجرح .. وتروح

وبعد ماسكرت من عمتها وعرفت أن العنود بالمستشفى

\يــا سلام يعني يروحون المستشفى ولا يقولون لي....


ريم\ومين أنت عشان يقولون لك!!!!؟

كان سؤال ريم بالنسبه لـــ لافي صعب ومحرج بنفس الوقت...وسأل نفسه مين أنا

عشان يقولون لي!ّ!!!

لافي\أنا ولد خالها....والا عندك شك....


ريم مستغربه من غباء أخوها الزايد \أنت شفيك!!من صجك تتكلم!!لا ومستانس بعد

.أنا ولد خالها.....هههههههههاي

لافي\شوفي عاد أنا مالي شغل فيك..وقولي للعنود هذا الله يسامحك....وطلع...

ريم\الحمد لله والشكر لا الولد أستخف وقعد ...هذا لسه ماخذ العنود ويقول ليش

راحت بدونه ...أجل لو ملك عليها وش بسوي فيها!!شكله بيحبسها في قفص ..وبياخذ

المفتاح عنده...أوقل بس خليني أدق مره ثانيه أكيد وصلول...ودقت على بيت عمتها

وبالفعل وصلوا لكن اللي رد عليها مش العنود ولا أمها ...رد عليها عمر


عمر\مرحبـــــــــا

ريم وتتعمد تنعم صوتها عشان تبي تعرف بيعرفها والا لا\مرحبتين..لو سمحت ممكن

أكلم العنود!!!

عمر وعرف أنها ريم\أهلين بنت الخال ..شلونك !!

ريم (ياي عرفني)\أأوه عمر شخبارك ماعرفتك..

عمر(أيه واضح)\تمــام عال العال ...


وسكتوا ماعندهم شي يقولونه ..

عمر\تبين أنادي العنود..

ريم\أيه ماعليك أمر

عمر\أنشاء الله ..ثواني وريم عندك.أوه العنود عندك

ونادى عمر العنود ...والخبله ريم تفكر أنه راح لكنه مازال على الخط

ريم\ههههههه ياحليله مرتبك....هههههههه أحم أعقلي ياريم ..وش ياحليله أصغر

عيالك هو...

عمر\أذا ودك أكون أصغر عيالك ترى ماعندي مانع ..أنت أمري بس...كم عندنا ريم

أحنا!!!

وخذت العنود منه السماعه\جيب بلا تفاهه ماأرضى على ريم...

مسكينه ريم وجهها أحترق من الفشيله ..زلكنها ماقدرت تسوي شي..


العنود\ألو

ريم\هلا ..هلا العنود

العنود\ماعليك منه أخوي يحب يستخف دمه..

ريم وتسوي نفسها مش مهتمه\لا عادي أصلا أنا نسيت...وشخبارك

العنود\تماموا توه شايلين مني الجبس والحين أقدر أمشي زي العالم

ريم\ألا على طاري الجبس ..ياويلي يالعنود يوم درى لافي أنك رحت مع أحد ثاني سوى

فضيحه ..وزعل وعصب ..مدري مين يفكر نفسه..ويقولك الله يسامحك

العنود وهي طايره من الفرحه\لا أنا مابغيت أتعبه يكفي أنه هواللي وداني المرتين اللي

فاتوا!!بس غريبه أحد يبي الشقى لعمره

ريم\يعني تسوين نفسك ماتدرين ليه هو يبي يوديك ها!!

العنود\وليه هو فيه شي!!

ريم\لا أبد سلامتك عادي ...طيب قبل ماأسكر ماتبين أوصل سلام لأحد معين..

العنود\أيه وصلي سلام لأمك وخالي بس

ريم\بس!!

العنود\بس ...ايه صح نسيت ووخدماتكم...بااااي

ريم\ماعليش يالعنود باييين ...



مرام\ها زياد بتسافر معنا بكره!!

زياد\لا بكره ماأقدر ..أنشاء الله أجيكم الخميس في الصبح وبرجعكم الجمعه ..

ترف\يعني أنت اللي بتسوق الطياره !!!

زياد\ههههههههه أيه أنا اللي بسوق على قولتك..

ترف\ياي أخوي كابتن...


مرام\صحيح مادريت...

ترف\يالله هذا أنت دريتي...

أبو زيا\ماأقول الا الله يعين عمتكم عليكم...

ام زياد\ ويـــه وش فيهم بناتي يهبلون وياحظ اللي بياخذهم...

نواف\ويــــوا يهبلون ههههههههههههاي أنتوا تهبلون الواحد

هههههههههههههههههاي

مرام\أقول أسكت لا أصنك بالريموت اللي بأيدي...

نواف\يمـــه متوحشــه أختي..

أم زياد \أقول فكونا وكلن يروح غرفته وراكم بكره دوامات...

ترف\تامرين أمر دام فيها بكره سفره...


اليوم الثاني

نواف وخالد عطوا نفسهم أجازه من عندهم عشان السفره .. على قولتهم ماعندهم وقت. يروحون فيه الجامعه<<مصاخة شباب...أما البنات مساكين حظهم طايح هالأيام كلهم
.. أما ريان هو الوحيد من الأولاد اللي راح المدرسه


راحوا البنات المدرسه لكن هالمره بنفسيه غير ..بوجه باسم وحلو ..على قولة ترف كل

شي يهون مدام فيها سفره...المهم جاء الظهر وحملوا أغراضهم الشباب وأتجهوا كلهم

بيت العمه حصه ومن البيت لمطار الدمام..وكانت السفره من الدمام الى الرياض ومن

الرياض الى لبنان...

وكانت كل وحده من البنات تقول الزين عندي العبايه من فوقها لتحتها ترتر عفانا الله



وبجميع الألوان مسوين قوس قزح ..وخصوصا سوزان عندها عبايه مخصصه لسفرات بره

وكان مرسوم على أطراف الشيله والعبايه طاووس لونه فيروزي . أما ترف ورهف.ومرام

عبايه نص محتشمه لأن فيها شوي تطريز رمادي مايل للفضي .. الوحيده اللي كانت

عبايتها مستتره هي ساره ....بس ماينلامون والله اذا العمه بكبرها عبايتها نص شفافه..

المهم يكفي حش في خلق الله...والأولاد آآآآآآآآآخر شياكه الأخ خالد لابس بلوزه كت

لونها أسود وبنطلون بيج وجزمة رياضه بيج وقبعه بيج أما نواف لابس بلوزه كحليه على

الجنب فيها خطين أبيض وبنطلون أبيض ومابقى جل في العلبه والا وحاطه ..وريان لابس

بنطلون جينز مع بلوزه حمره....


دخلوا البنات عشان تفتشهم الموظفه بالجهاز لكن يوم جاء دور ترف مارضت

على قولتها ماتحب أحد يلمسها..وصارت فضيحه لأن في ناس وراها ويبـون



يخلصون..بس هي ماطاعت الا بالمووت <<خبله التفكر المكان مكان أبوها

لكنها ماسلمت من خالد..ذبحها من التطنز عليها

ترف\أيـــه أنت ليش تضحك!!

طالع خالد وراه وماحصل شي

خالد وفصخ النظاره \تكلميني أنا!!

ترف\لا الطوفه اللي وراك..

خالد\ أها فكــرت تكلميني انا..

ترف\ياربي الله يعيني عليك مدري كيف بستحملك!!

خالد\تكفيـــن عاد أنا اللي ميت عليك..الله يعيني أنا عليك ...بقابل وجهك كل

يوم أف منك!!

ترف\ويــه مالت عليك وكعت بوجهه وأنتبه لها ولد صغير تقريبا في المتوسطه

ومسك أيده وحطها في فمه عشان مايفشل خالد

ويوم سوى هالحركه ماقدروا البنات

يكتمون ضحكهم...وضحكوا لمن قالوا بس على خالد المسكين...


خالد\هيــــن ياترفو الدرب طويل وأن مارديتها لك ماأكون أنا خالد...

ترف\روح بس روح هههههههههههههههههههايههههههههههههههههاي



أم حنين \عمر ياعمر أفتح الباب ..

عمر\أنشاء الله يمــه...


طلع عمر عشان يفتح الباب وأول مافتحه نطق بكلمه وحده بس...

عمر\يبـــــــــه!!!!!

انتظرووووني
أحساس

الف شكر لكِ اختي احساس انثى ع

القصه الجميله والمجهود

ننتظر القادم بكل شوق

ودمتِ بود

* ابو فجر *

وبدوري أشكرك من الأعماق على تواصلك وإطرائك

اللذي ولا شك أعتبره مدادا لي ..ووسام على صدري..!

لا خلا ولا عدم

دمت بوووود

أحساس

الحلقه السابع عشر





عمر\يبــــــــــــــه

أبو حنين\أيــــه أبوك ..أشفيـــك أول مره تشوفني!!

عمر\لا بس ماني مصدق ..يبــــه وأخنقته العبره..من زمان

ماشفتك!!!وراح على طول يسلم عليه

سكت أبوه لأنه حتى هو من زمان ماشاف أولده الوحيد اللي فرح من قلب يوم

درى أن زوجته جابت ولد وعلى طول سماه عمر لأنه يحب هالأسم كثيير ...لكن

شربه للخمر خلاه ينسى بلحظه عمر ولده واللي جاب عمر ..ونسى نفسه بسبب

هالحياه اللي عايشها و على طول أبعد مشاعر الأبوه اللي يحس فيها وقال

\ناد أمك وخواتك أنا بالمجلس...ودخل المجلس...

عمر\أنشاء الله

دخل عمر البيت وشاف خواته وأمه مجتمعين...

أم حنين\ها عمر مين عند الباب!!

عمر\.............................................. .............................يمـــه أبوي بالمجلس ويبيكم كلكم...

سكت الكل يستوعبون اللي قاله عمر..أبوهم هنا!!وين!!في المجلس!!يبينا!!أحنا

!!كلنا!!

العنود\أبوي هنا.......وش يبي!!توه يتذكر أنا عنده عيال يسأل عنهم!!!

أم حنين\أسكتي خلاص وتعالوا بسرعه

حنين\يمــــــــــــــــــــــه!!

حنين\بتدخليــــــــــــن!!

أم حنين\أيـــه بدخل ..مهما صار وكان هذا ولد عمي قبل مايصير زوجي .

يالله تحركوا للمجلس..

عمر\يالله....

طلعت أم حنين مع بناتها للمجلس وكانت كل وحده أنفاسها تسبق دقات

قلبها...كل الأحاسيس مجتمعه في وقت واحد خوف رهبه ألم مستقبل مايدرون وش
نهايته!! وش مصيرهم في الدنيا!!

دخل أول شي عمر بعده أمه والعنود وأخيرا دخلت حنيـــــن!!

وأول ماشافهم أبو حنين ..حس بأحساس حلو أول مره يشتاق لعياله هالكثر ..أول

مره يحس أنه فقدهم ومتوله عليهم ولسوالفهم...أول مره يحس أنه عنده عايله صغيره

أول مره يحس أن في أحد يسأل عنه ومشتاقله..لكنه أختفى هالأحساس لمن شاف

هالعذاب اللي في عيونهم كل مايشوف عيون واحد فيهم يحس بالم في داخله مايدري

ليش!!ياما عذبهم وظلمهم وأهانهم وأكثر وحده تحملت أهاناته زوجته ..اللي صبرت

عليه على المره بس !!لأنه ولا مره ذاقت معه يوم حلو مافيه مشاكل...أشتاق

لها!!أيــه أشتاق لها..أشتاق لأم حنين ...وتمنى الزمن يرجع الى ورى ويمحي كل

شي سيىء سواه لهم ..كل هذا علشان مايبي يشوف هالنظره مايبي يشوف نظرة عياله

له ..يحس أنه نظرتهم له قاتله يحس أنهم متعذبين بسببه..يحس أنه مصدر همهم

وكدرهم بهالدنيا ..مايستاهلون عياله اللي سواه لهم ..مايستاهلون ..كله بسببه كله

بسبب هالخمر الملعون..لكن عقب أيش ياأبو حنين !!عقب ماصرت مدمن ..وماتقدر
تترك هالخمر دقيقه وحده ..عقب مادمرت عايله كامله..وخليتهم على بساط الفقر

..لا مال ..ولا أمان ..ولا راحه..ولا شي يسندون في ظهرهم..ماجبت لهم الا

المصايب والعذاب والمهانه..ماجبت لهم شي ياأبو حنين ...عشان يذكرونك بالخير

ويفتخرون فيك...اذا غمضت عيونك من الدنيا ..ماجبت لهم شي...أيش فايدتك

ياأبو حنين وش فايدتك...دمعت عيونه ..وقلبه أعتصر من الألـم من ضلوعه....لأنه

تذكر كل شي صارله في هالبيت تذكر المأسه اللي يعيشونها أهله..تذكر آخر مره جاه

هالبيت وضرب حنين ..عشان فلوس الخمر..بس معذور والله معذور ماكان حاس

بروحه..لأنه شبه سكران...وزي المجنون يدور على فلوس...حياته كانت عذاب

وسبب هالعذاب لعياله ...وش ذنبهم !!أني أبوهم..وش ذنبهم يتعذبون مثلي .....كل


مني ..وبسببي أنا!!آآه ياسعد ..ماسويت بهالدنيا شي زين لعيالك ..كل شي سويته

سبب لهم الألم..


أم حنين هي الثانيه حنت لأبو حنين لأنها مهما صار وكان هو زوجها وثاني

شي هي
تعرف ..ان سعد قلبه طيب لكن ذنبه الوحيد أنه مدمن ..تذكرت كل الأيام اللي


مرت معه كان كل يوم يطلع الصبح ويجي أخر الليل سكران لكنه اذا صحى من النوم

يكون أنسان ثاني واذا تذكر اللي صار معه في الليل من ضربه وشتايمه لزوجته يجلس

يصيح ويتكور مثل الطفل اللي ضايع عليه شي ويبيه..لكنه أخر مره شافته كانت ليله

مؤلمه بالنسبه لها لأن رمى عليها الطلاق وهو مش في وعيه لأنها عارضت كلامه

وهو قال اذا ماعطتوني اللي أبيه باخذ أغراض المطبخ كلها وببيعها ..وطبعا هي

مارضت ورمى عليها الطلاق قدام عياله وصار اللي صار..وأختفى من بعدها ولا عاد

شافوه مره ثانيه الا ذاك اليوم يوم يجي عند حنين..

أبو حنين\...........شلونك ياأم حنين!!

أم حنين\..بخير الحمدلله...,انت شخبارك!!

أبو حنين\الحمدلله ..شخباركم يابنات!!

حنين طالعت العنود والعنود طالعت أختها منصدمين أبوهم يسأل عنهم ويقول لهم
شخباركم...وقبلها عيونه تدمع..ووجهه منور ...بــس خلاص... نسوا كل شي
وتهللت الفرحه على وجيهم بسبب كلمه..ومشاعر صادقه نابعه من قلــــب

ياما تمنوا منه كلمه تطيب خاطرهم أو أمان يحميهم من دنياهم أو وراحه تسعد لهم

أيامهم...

يتبع,,,,,

تابع الحلقه السابع عشر[/B]
حتى هم كانوا مشتاقين وفاقدينه .فاقدينه من زمان ..من أيام الطفوله ..ولا مره

حسوا بمشاعر الأبوه ..ولايعرفونه أصلا ياما أسمعوا في المدارس قصائد عن الأب

وكيفية أحترامه وطاعته..لأنه هو بتعبه وشغله يأمن لهم المأوى والمأكل والراحه

والأطمأن..وغيره وغيره...لكنهم عمرهم كله ماحسوا هالشي من أبوهم..عمره

ماقال لهم كلمه حلوه والا جلس معهم زي الناس والعالم..عمره ماعوضهم عن أيام

العذاب اللي عاشوها ..عمره ما سمعهم طلباتهم وحاجياتهم ..عمره كله قضاه في

الشرب والسفر ..وش أستفدت ..ماستفدت شي بدنياك...لكن اليوم غير ..يحسونه

غير..أبوهم جاهم ويسأل عنهم .بدال مايسأل عن الفلوس يسأل عنهم..وأخيرا

يادنيا...وأخيرا يادنيا فتحتي لنا بابك!!كم بنعيش يادنيا !!كم بنعيش...


كانت فرحة أم وحنين وعيالها لاتقدر بثمن كانت الجمعه واللمه ..اللي يحسونها

..تغفر كل الذنوب اللي سوها أبو حنين...قضوا هالجلسه بضحكات متتاليه وسؤال

عن الحال والأخبار...نسوا الدنيا نسوا العالم بكبره....نسوا كل شي !!مرت ساعات

ورى بعض وهم مش حاسيين فيها..يبون يعيشون اليوم بدقيقته مايبون يضيعون ولا

فرصه..يبون يعيشون كل لحظه حلوه..

بكت حنين والعنود من الفرحه.. بكوا لمن جفت دموعهم..لحد الان مش مصدقين

أبوهم رجع !!رجع لهم بعد سفر طويل متعب ومؤلم وشاق في نفس الوقت...

..ولا تهنوا...ولاتهنوا ..وأنتو الأعلون ........ولاتهن ولا تحزن ياآبن آدم..الله لن ينساك

أبــدا..




أبو حنين\ههههههههه ياحليلك ياالعنود...كل هذه مؤمرات في المدرسه..طالعه على

أبوك يابنتي..



بنتي..بنتي ...محلا هالكلمه وهي طالعه من ثمك يبـــه ..من زمان ماسمعتها

منك...وينك عنا يايبه وينك!!.كانت العنود.متأثره كثيير...ياما تمنت هالكلمه الحنونه.. تطلع من فم

أبوها..صح أنها كلمه !!لكنها كانت بالنسبه لها أحلى كلمه سمعتها بحياتها كلها ..لدرجة

أنا تحس كأن هالكلمه مدحه حلوه وأطراء جميل لها..تحس ان هالكلمه شي غالي جدا

وثمين..ونادر ماتحصله هالأيام ..تحس ان هذه الكلمه هبه من الله سبحانه صاحت العنود

بسبب هالكلمه لكنها سوت نفسها من كثر الضحك تدمع عيونها..لأنها ماتبي تخرب

هاللمه بصياحها..

العنود\ههههههههههه وأنا أقول طالعه على مين يايبـــه ...كله أفكر أمي هاديه

ومؤدبه من وين جايبه الشطانه مدري!!

أبوحنين\ياسلام يعني أنتي تقولين أني شيطان ها!!شوفي الصراحه وأنا صغير بعمرك

كنت دلوع ومشاغب ..بدرجه ماتتوقيعنها كنت أهرب من المدرسه ..وكمن مره

أفصلوني...لكن يوم دخلت الثانوي..ماعندي حركاااتك ..مدرسه يعني مدرسه..

العنود\ههههههههه خلاص فهمت وصلت الرساله...هههههههه

وهو يسولف أبو حنين تذكر ليه هو جاي اليوم....وقال مافي أحسن من هالفرصه

أقولها ..طبعا هومايدري أن حنين ماتبي فيصل ومفكر أن بهالخبر بيفرحها...ومش

حاسب لأي حساب...صح أنه ندم باستعجاله الزايد لأنه عطى كلمه لأخوه

وخصوصا يوم رجعت العلاقه بين عياله ..لكنه بسرعه أبعد هالفكره براسه ..


أبوحنين\أحم.....طبعا أنتوا أكيد بتقولون شاللي يخليني أجي بذات اليوم صح!!


حنين\أفا يايبه البيت بيتك ..وحياك بأي وقت..

أبو حنين\طيب..أحم شوفي يابنتي ياحنين الحين أنت كبرتي ..وماشاء الله عليك

كامله ..أخلاق وجمال ..والبنت اذا كبرت مردها لبيت زوجها..صح!!

حنين\صح!!بس ليه تقول هالكلام لي!!

أبو حنين \شوفي ياحنين بدون لف ولا دوران فيصل ولد عمك جاء يخطبك وأنا

وافقت ..و الملكه أنشاء الله هالأسبوع ...وايش رايك!!!



سوزان \مرام كم بغى عشان ننزل الرياض!!

مرام \دقايق ونازلين...

مرام\أقول سوزان ...أممم شخبار فيصل!!


سوزان\تمام الحمد لله...

مرام\طيب وووو ..وصار على موضوعه مع حنين!!

سوزان\...الصراحه كلم عمي أبو حنين وأتفق معه على الملكه...

مرام\يعني خلاص...

سوزان\أيـــه خلاص ...مرام حبيبتي حاولي تنسين فيصل لأنك منت مستفيده

شي...

مرام\أنســـى!!لا يا سوزان مستحيل أنسى فيصل...فيصل كان حلم الطفوله كنت

أحبه وأنا صغيره...أنا ماأنكر أني حبيته عشان شكله أكثر لكن ولو فيصل بالنسبه لي

شي كبير ومستحيل أحد يعرف بمعزته عندي...

سوزان\مرام أدري يامرام والله أدري حاولي تنسينه ...وسكري الموضوع لأنه فيصل

مايستاهل أنك تعورين قلبك عشانه..وبعدين أحنا مسافرين عشان نستانس ونفرفش

مو عشان نكدر نفسنا...يالله أبتسمي بلا هم بلا غم ...

مرام\أحـــاول....

وبهاللحظه أسمعوا كابتن الطياره يتحمد لهم بالسلامه لأنهم وصلوا

الرياض...نزلوا الركاب من الطياره وأتجهوا لمطار الملك خالد ينتظرون رحلتهم الى

لبنان...

ريان\شباب تراني جعت...

نواف\توك شارب عصير

ريان\أحلف أنت بس ..تسمي العصير أكل...

ساره\طيب رح للكوفي اللي جنبنا أكيد بتلقى شي..

رهف\حتى أنا جعت!!

سوزان\وأنا بعد

العمه\لا والله مابقى أحد...أقول بلا هذره الحين بينادون على رحلتنا...أصبروا

شوي...

ريان\طيب سمعوا بروح أشوف اذا خفايف بجيبها أوكي..

العمه\طيب لا تتأخر...

ريان\أنشاء الله....


وبعد محاولات وكلام طويل ..تحاول تقنع فيه أبوها لكن أبوها راسه يابس ومستحيل

يفركش الخطبه...صح أنه حن لعياله لكنه مش مقتنع بكلام حنين أبدا..وبعدين هو

محتاج لهذا النسب اللي بيكسب فيه المال...ومايبي يضيع هذا الشي..

حنين\يبــه تكفى والللي يخليك لاتغصبني على شي أنا ماأبيه..واللي يخليك!!

أبو حنين\أنزين ليش قولي ليش!!

حنين\يبه أنا ماأبي فيصل ..ماأطيقه أكرهه ...مايصلح لي هو مغرور وأناني وشايف

نفسه ...ما أصلح له ..

أبو حنين وبدى يعصب\ أظن ياحنين الزوجه العدله هي اللي تقدر تغير زوجها الى

الأحسن...وثاتي شي أحنا ماعندنا بنات يخالفون شور أبوهم ..أنت لولد عمك

..وولد عمك لك ..وبعدين خلاص أنا عطيت كلمه لعمك والملكه هالأسبوع وهذا

أخر كلام عندي....وتوه بيطلع الا مسكته حنين من كتوفه


حنين\يبه الله يخليك لا تزوجني فيصل تكفي يبه تكفى

أبو حنين\خلاص ياحنين أنا قلت بتتزوجينه يعني بتتزوجينه..

نزلت حنين الى رجول أبوها وهي تتوسل له وتترجاه وتقنعه..

حنين وهي تصيح\أبوس رجلك يبه لاتزوجني فيصل أرجوك يبه أرجوك هذا آول

طلب وآخر طلب ارجوك يبه لاتزوجني فيصل واللي يسلمك ماابي فيصل

ماأبيه...
حاول بوحنين يبعد حنين عنه لأنه مش قادر يستحمل توسلات وكلام بنته

قلبه يعوره لكن مابأيده شي ..يبي هالنسب لأنه محتاجه كثييير جدا

وبالفعل قدر لأن قوتها أذبلت زي الورده اللي تبي

ترتوي ماي وجسمها صارهلكان.. تعبت اليوم تعبت كثيير ....وترك بنته زي المجنونه

وطلع من البيت...خلاص كل شي أنتهى بالنسبه لها..أبوها قطع أخر أمل لهافي الحياه

..يكفي أن ظلمها وهي صغيره ..جاي يكمل عليها وهي كبيره...حتى مصير

مستقبلها حدده هو بكيفه وعلى هواه...كل أحلام حنين أنهدمت بلحظه

وحده..صحيح هي ولا مره فكرت أنها تحب وتتزوج اللي تحبه ..لكن هذا مايمنعها


أنها تحلم زي أي بنت أنها تتزوج الشخص اللي ترتاح له وتكون متقبلته عن طيب

نفس وتعيش معه مدى الحياه على الحلوه والمره..لكن أبوها هدم كل شي ...وفيصل

بنظرها مش أهل للزواج ...وهي ماتصلح معه لأنهم تقريبا يشتركون بصفه وحده عزة

النفس والكرامه...يعني مايصلحون مع بعض هي بتشد الحبل وفيصل كذلك بيشد

مافي أحد منهم بيرخي الحبل كلن عنده كرامه وعزة نفس..

أحضنت حنين أمها بكل قوتها وصاحت معها على قسوة أبوها اللي فكروه بلحظه

أنها رجع لهم أحسن من قبل لكنه جاء ودمر كل شي ...كل شي...


حنين ودمعاتها تسبق كلماتها\أنا ضعت يايمه ضعت...أنا طحت يايمه ولا أحد سمى

علي يايمه..خلاص أنتهيت ..حنين أنتهت يايمه أنتهت..

أم حنين وهي حاضنه بنتها وتصيح مثلها\لا ياحنين لاتقولين كذه أنت قويه وأنشاء

الله بنلاقي حل للمشكله..

حنين\أي حل يايمه..اي حل أبوي ذبحني يايمه ذبحني ..من أول ما وعيت من على

هالدنيا وأنا ماسمعت منه كلمه حلوه ولا شعرت بأحاسيس الأب لبنته..ويوم جاء

الوقت اللي ضحكت لنا الدنيا ونسينا همومنا يجي أبوي بسهوله يذبحنا بأفعاله..بدال

مايطبطب علينا وينسينا اللي فات يجي يزيد علينا ...خلاص يايمه أنا أنتهيت ..

خلاص أنا ماأبي الدنيا..كرهتها يايمه كرهتها..أشهقت حنين من كثر الصياح

وماقدرت تتكلم أكثر من كذه..


أخنقتها العبره العنود من الموقف ..يكفي اللي جرى لها بسبب أبوها وجاي على أخر

الوقت يكمل عليها...طلعت من المكان وأتوجهت لغرفتها وسكرت عليها الباب

ورمت نفسها على السرير ..ماتبي أمها تسمعها وهي تتصيح ,,يكفي حنين والمصيبه

اللي جاتها..

العنود|آآه عليك ياحنين ماتهنيتي لا في طفولتك ولا في شبابك ..ليه يايبه !!ليه اللي

تسويه فينا!!أحنا مش عيالك!!أيش معنى أحنا من بد خلق الله اللي يصير لنا كذه !!ليه

مانعيش زي الناس بدون ألم وهموم!!ليه ياربي!!أستغفر الله العظيم ..أستغفر الله

العظيم..

يتبع,,,[/size]

تابع الحلقه السابع عشر

\ما خلصنا من السالفه يعني!!

روابي\شسوي يانايف أخوي متعب متغير مره وأنا مش قادره أسوي له أي شي

...والوالده الله يهديها بعد تزيد على همومه كل ماتشوفه ..تذكره بسالفة حنين ...

نايف\الصراحه أمك عجيبه...وشخصيتها مره قويه...مدري كيف تتلذ بتعذيب

ولدها..

روابي\نايــــف وش تقول أنت!!مهما كان هذه أمي وما أرضى عليها

فاهم!!وبعدين هي ماتعذب أخوي متعب..

نايف\لا والله !!أجل وش تسمين تذكيرها بسالفته مع حنين!!

روابي\أهــوووا الشرها مو عليك علي أنا اللي أشكيلك همي ..

نايف\والله ماأحد ضربك على أيدك وقالك أشكيلي..

روابي\طيب يا نايف أنا أراويك...

وسمعما صوت عمار وياسر يتخانقون..


نايف\أقول بس روحي لعيالك قبل ماتصير الحرب..

روابي \ايه أيه هذا الفالح فيه روحي لعيالك وشوفي عيالك...ماعندك شي

غيره..وبدت تصيح..وعلى طول راح نايف لها وحضنها..

روابي\عمري ..روابي آسف والله ماكان قصدي..

روابي\لا يانايف أنت مش ذنبك ..لكني متضايقه شوي بسبب تعب أخوي..

نايف\لهدرجه تحبين متعب !!

روابي\وأكثر بعد ..

ورفع راسها عشان يشوفها

نايف\وأكثرمني!!

روابي\نايــف والله أنك فاضي...

نايف\شسوي أحب زوجتي وأبيها تبين لي حبها..

روابي\مو قلت أنك فاضي!!

نايف ويسو ي نفسه معصب\فاضي ها!!فاضي لأني أحبك ..وابي أعرف أنت شكثر

تحبيني !!أنا خلص زعلت ولا تكلميني وقام ..

جات له روابي وحضنته وهي واقفه\أف والله أفا أنا روابي أزعل نايف حبيبي ..هزلت

والله!!أنت حبيبي وعمري ودنيتي كلها..وش تبي بعد..


في الطياره

خالد\ريان ممكن أطلب طلب!!

ريان وفيه النوم وماله خلق لأخوه\أمر!!!

خالد\ واللي يسلمك تكفى جيب المجله اللي عند ترف!!

ريان\ليه!!

خالد\ليه يعني!!أبي أقراها فيها شي!!

وتوها بيجيبها له الا يشوف ترف تقرها\طيب أنتظر لمن تخلص من قريتها!!

خالد\لا أبيها الحين

ريان\كيف أعطيك أياها وهي تقرها!!

خالد\سهله...جرها منها..

ريان\ماأقدر آسف..

خالد\مالت عليك..صج ولد مسالم وطيب ..ياخوي خلك قوي وأي شي تبيه خذه

ولا تعطي حساب للي جنبك المهم سعادتك!!

ريان\مشكور على النصيحه ..لكني انا كذه شخصيتي وما أحب أحد يغير ذاتي!!

خالد\وش شخصيتي وذاتي وكياني وين جالسين أحنا في محاظره ..أقول بس عطني

سكوتك ماوراك فايده!!
جلس خالد وهو منقهر من أخوه ريان لكنه مش مثل قهره من ترف لأنه لحد الحين

ماينسى الموقف اللي سببته له..فيه حره وغيظ..ويبي يفرق هالشحنات ...بس مايدري


كيف!!...

ومن حسن حظه أن ترف قامت عشان تروح دورة المياه ويم قامت أستغل الفرصه

وخذ المجله من كرسيها..تتوقعون أيش سوى فيها!!؟؟ شققها قطعه قطعه من القهر

اللي فيه وكتب داخل المجله (تعيشين وتاكلين غيرها ياترف) والشي الوحيد اللي

ماقطعه غلاف المجله..عشان اذا بغت تقرها تفتح المجله وتنصدم...رجع المجله مكانها

ولا كأن سوى شي ..وسوى نفسه نايم لأن ماحد حس فيه أغلب الركاب نايمين

ونواف اللي جنبه نايم بعد ماعدا ريان الصاحي لكنه مايدري وين الله غاطه فيه..المهم

رجعت ترف من دورة المياه وجلست على مقعدها وتوها بتفتح المجله عشان تكمل

الموضوع اللي قرته الا تصندم أن المجله مقطعه كلها..كأن قطوه جت وقطعتها

بأظافيرها ..

ترف بأعلى صوت\لالالالالالالالالالالالالالالالالالالالالالالا لامستحيل...


الخبله تفكر أنها في بيتهم لدرجة أنا اللي حوالينها صحوا من نومهم

رهف\ترفوا شفيــــــــــــك!!

ترف وشي بتصيح\سخيــــف والله سخيـــــف مايستحي مايستحي..ولفت على خالد ..والله لوريك

ياخالد خلنا نوصل والله لعلم عليك أبوي يأدبك...سخيـــف

رهف\والله أنك مانتي بصاحيه نص العالم صحتيهم من النوم عشان سبب تافه!!


ترف\أيــه أنتي شعليـــك...أنا مجلتي اللي تقطعت مش أنتي...

رهف\ياويلي عليك يالبزر..أقول خليني أنام أبرك لي..

وهنا خالد مات من الضحك على ترف لدرجة أن عيونه دمعت وحس بالأنتصار

عليها لكنه في باله مخططات ثانيه عليها بس خلينا نوصل لبنان...

خالد\ههههههههههههههههههههههههههههههههههههههاي

ههههههههههههههههههههههههههههههههههههههههههههههاي يمه بطني بموت
يعورني هههههههههههههههههههههههههههاي ههههههههاي ترف شكلك يضحك

وأنت معصبه تكفين كل يوم صيري عصبيه

ههههههههههههههههههههايههههههههههههههاي..


ترف\طيب طيب ..معليش ياخالد اللي يضحك في الأخير ..معليش أنا وراك والزمن

طويل.........

خالد\ههههههههههههههههههههههههههههههههاي يههههههههههههاي


ترف\أضحك أضحك ياعل بطنك الفقع أنشاء الله....


خالد\ههههههههههاي...1\1 ترانا اللحين متعادلين ياترف لكني ماأكون ولد أمي

وأبوي أن ماخربت عليك روحة لبنان...


ترف وبتحدي أكبر منه\وأنا ماأكون ترف أن ماجننتك ياخالد........


خالد\نشوف ياترف............


ترف\ونشوف ياخالد..............


وبعد أربع ساعات وشوي وصلوا الركاب لبنان في الليل تقريباوأول مانزلوا كانت في

سياره تستقبلهم للشقه..لأن كان عندهم شقه ملكهم في لبنان ..أركبوا السياره بعد

ماخذوا الشنط حقتهم وأول ماأركبوها...تكلم نواف وقال..


نواف\بل عليكم وش ذا !!كم أوزانكم ياللي راكبين السياره بكبرها أهتزت...


الجميع ضحك على كلام نواف لأنه صادق في كلامه اول ماأركبوا أهتزت السياره

لأنهم اركبوا أغلبهم في وقت واحد...


العمه\والله أنك صادق يانواف ..لدرجة أني حسيت أن السياره

بتتفكك...هههههههههههه


وبصوت عالي ترف تكلمت \ أيه صـــح الحمد لله على سلامتكم..كلكم ماعدا

اللي في بالي


الجميع\الله يسلمك

خالد وهو يقلد صوتها الناعم\ انا أقول بعد أيه صـــح الحمد لله على

سلامتكم..كلكم ماعدا اللي في بالي..هههههههههههاي


ترف بصوت واطي\مالت عليك من ولد عم...

نواف وكأن سمع صوت أخته\قلتي شي ترف!!

ترف\لا ولا شي .....

سوزان\ياويلي أنا ميته جوع....

ساره\أجل شقول أنا ماكلت شي من أكلهم

نواف\الله يهديك يابنت عمي كان عطتيني أكلك مدام ماتبينه..

ساره\كان قلت لي ياولد عمي ..حسافه...


خالد\أوص انت ولا كلمه مادري مين اللي أكل وجبتي..

نواف\الله عاد والوجبه اللي يشوفها يقول وجبه شيليز على غفله...كلها صحن

خضروات وشوية رز مالت عليك...


العمه\المهم تبون نروح المطعم!!


رهف\بس الوقت متأخر ويمكن مافي مطاعم فاتحه..


نواف\الا قولي المطاعم بدت سهرتها..وبدى جونا يحلى..


خالد بابتسامه خبيثه\أي والله...


ترف\أيش قصدكم!!!


خالد\وأنتي أيش يخصك!!ترى رزة الفيس من طبايع التيس...

ترف \ها ها ضحكتني ياولد عمي وانا مالي خلق اضحك!!

العمه\أقول خلاص صدعتوا راسي ...ها تبون مطعم والا!!


الكل\أيـــه نبي....

العمه\ههههههههههه حشى ماصدقتوا هههههههههه أول شي نروح الشقه ندخل

الأغراض وناخذ شور على السريع بعدين ننزل..


الكل مستغرب من طبايع عمتهم المفاجئه صايره تضحك كثيير وتسولف أكثر..وش

عندها!! يمكن لأنها مفتقده شي أسمه عيال وأهل ولمه حلوه بعيده عن شغلها مع

سيدات الأعمال والمظاهر والعز اللي ماوراه فايده !!سبحان الله !!!


\مضــايق حدي ..يا أحمد

أحمد\وش فيك عسى ماشر!!

عمر\لا مافي شي بس ظروف عائليه ..

أحمد\وماتبي تقولي!!أوكي مش مهم متى ماحسيت أنك ودك تتكلم كلمني وأنا

حاضر..أسمعك بكل جوارحي..كم عندنا عمر احنا!!

عمر\ماقصرت ياأحمد أخو وعزيز لكني ودي أقعد مع نفسي شوي

أحمد\أوكي عمر أي وقت تحس أنك تبي تتكلم كلمني وأنا أسمعك...


عمر\الله يسهل يالله فمان الله


أحمد\فمان الكريم

ناصر\ها قلت له!!

أحمد\وش أقوله أنت الثاني بعد هو خلي يكلمني أول وبعدين أقوله!!


ناصر\طيب والرجال وش بتسوي معه!!

احمد\والله أني مدري الله يعيني عليه أكيد بيقولي متى بتجيب عمر!!

ناصر\طيب قول له أنك ماتقدر هالأيام والولد شوي صعب مش بسهوله نقنعه يطلع

معنا.....

أحمد\راسي بينفجر من كثر التفكير,,مدري كيف أطيح هالولد !!!



أحمد وناصر والشخص المجهول !!تتوقعون وش يبون من عمر!!!

فيصل وحنين بيرسون على بر!!!

ترف وخالد والأنتقام بيستمر!!!

أبو حنين بيحن على عياله وبيرجع مثل أول!!والا أيش بيصير له!!

العنود ولافي عصافير الحب بيظلون بدون مشاكل!!

متعب وهمومه...تتوقعون بتضحك له الدنيا مره ثانيه!!

انتظرووني

أحساس

مشكورة عزيزتي احساس انثى

يعجبني ما تنتقيه

لك التحية والتقدير معكى الى اخر القصه
__________________

* عبادي *

يسلمووووو ع التواصل الدائم

لا خلا ولا عدم

دمت بوووود

أحساس

الحلقه الثامن عشر







تعبت وانا اشكي
كل اللي في قلبي
كلهم يسمعوني
كلن يجاهلني...
لاهمسه ولاكلمه
عطوني لو كلمه
لو هي نصيحه
وشحال اللي فقد
أعز من روحه
قريبه من قلبي
لكنها مو هني..
هاجرت وياهم
مع أعز حبايبها
خلوني لوحدي
من دون عزوتي
صرت بليا روح
كلهم فارقوني
وش ذنبي يوم أني
حبيت بجنوني
قولولي لوكلمه
أبي حلن يريحني
قولولي لو كلمه
تراني صابر!!
خذ الحل الأكيد
مافي غير النسيـــــــــــــــان
أجل وصلوا سلامي
لمعشوقتي الأبديه...متعــــب..





سكرت القلم ...وطويت الورقه... وحطيتها في الدرج...خلاص أنا

عزمت ...أنساها...أنا عزمت أنسى معشوقتي...

اليوم جابوا خبر خطبتها على ولد عمها..وأنا الغبي اللي خليت أمي تدق

عليهم مره ثانيه...كنت متوقع أنهم بغيرون رايهم وبتوافق علي...طلع

أنهم خلصوا وقرروا..والملكه يوم الخميس...يوم الخميس ...يوم الخميس

يامتعب بتكون حنين ملك لــفيصل فيصل ولد عمها..اللي يحبها ويمكن

حتى هي تحبه..كل شي جايز بهالدنيا!!يوم حبيت وأخترت اللي أبيها

يجي واحد بكل سهولهه ياخذها مني...آآآه عليك يامتعب...كل اللي

خططت له أنتهى ..أنتهى بسهوله ..كلمح البصر..وين اللي يقول

بينساها!!




أنت مستحيل يامتعب تنساها...أنا جالس أرثي على حالي..أنا جالس

أعزي نفسي..أعزي أحلى مرحله صارت بحياتي...خلاص يامتعب يكفي

الم وجروح..لازم تسافر ..لازم تسافر من هالمكان..ماعاد لك مكان...كلن

همه نفسه..وأنا همي بعد نفسي..ماأقدر أجلس هنا أكثر من

كذه..احس أني مخنوق..أبي أتنفس أبي أبتعد أبي أروح لآخر


مــدى ...آخر مـــدى......."







هند\يعني خلاص !!

العنود\أيـــه خلاص ياهند ..حنين بتتزوج فيصل ...


هند\طيب ليه ماحاولتوا أكثر !!ليه حنين ماصممت على رايها ووقفت

بوجه أبوك!!

العنود بألم\آآآه ياهند..أبوي ظالم ..ظالم ياهند..وحنين ماتقدر

عليــه ..حنين القويه اللي ماتهزها ريح...تعبت ياهند ..تعبت من المشاكل

والمصايب اللي تتحذف عليها...حنين ياما حلت لنا مشاكل وفرجة علينا


كرب وسهلت لنا أمورنا وحاجيتنا..وأبوي ماقدّر !!أبوي ماقدّر أفعال حنين


وقومتها معنا..أبوي خذالجانب الحساس من عند حنين وداس عليه بدون

مايستأذن..أبوي ضغط على حنين من جميع النواحي...وهي أستسلمت

للأمر الواقع..

أبوي وعمامي من نفس الطينه..كلهم يحبون نفسهم وفوقهم فيصل

مثلهم..وألعن بعد...آه ياهند على قد مافرحت أمس بجية أبوي !!على قد


ما بكيت وكرهته أكثر وأكثر.......


هند\لا يالعنود لاتقولين كذه..مهما صار وأستوى بيظل هذا أبوك اللي

يحبك...


العنود بألم\أبـــوي...!! وبلهجة أستخفاف.. أيــه أبوي اللي يحبنا ويتمنا


لنا السعاده..أبوي اللي رعانا وأمن مستقبلنا..أبوي اللي ريجنا وكسانا


بحنانه..أبوي اللي عطانا الأمان والأستقرار بحياتنا... أبوي اللي جاء أمس


بعد غياب شهور طويله..أبوي اللي ذبح حنين وماخلاها تتهنى


بحياتها..شفتي ياهند كل هذه الأمور أبوي وفرها لنا..وماخلانا نحتاج أي


شي...أي شي ياهند أي شي..ماقدرت .ماقدرت العنود تتكلم ضاع

صوتها بين دموعها اللي انزلت غصبن عنها....







دخلت الغرفه وفتحت الستاير عشان الشمس تنور الغرفه

وصرخت بأعلى صوت عندها\بنــــــــــــــات..

سوزان وهي مغمضه عين ومسكره عين\ترفوا سكري الستاره..


ترف\شفيكم أنتوا بقولكم شي يالله أصحوا!!!!


رهف\مانبي نسمع شي...سكري الستاره..

ترف\لا مالي شغل أسمعوني...

مرام\وش بتقولين يامال اللي!!!


ترف\بنــــات أحنا في لبنـــان يالله قوموا الساعه عشر...

رهف\حسبي الله ونعم الوكيل الساعه عشره ها...


سوزان \لا أنا ذبحتها اليوم ...طلعي بررره أقولك طلعي برره ..


ترف\أشفيكــــم قلت شي غلط!!!

ساره\لا أبدا بنت عمي ماقلتي شي ..لكن أحنا في أجازه والساعه

عشر الصبح ....

ترف\!!saw


مرام\saw هـــا!!!أنقلعي بررره بسرعـــه خلينا ننام...وسكري الستاير


اللي فاتحتها..


ترف\زيــــــــــــن زين ذببحتوني عمــى ..سكرت الستاير وطلعت من

الغرفه..وجلست في الصاله...


ترف\ياربـــي اللحين أنا وش أسوي هالبنات اللي مايستحون نايمين

وتاركيني...وأنا الخبله جالسه لوحدي!!بس والله ماينلامون ..أحد يصحي

بدري وهو مانام الا متأخر بالليل!!بس أيش أسوي أنا ماأحب أنام


كثيير ..نومي قليل جدا..أووووووووف ..والله زهقت شسوي اللحين!!أيه


خليني أدخل غرفة الأولاد وأشوف صحوا والا لا!!

يتبع,,,

أحساس

تابع الحلقه الثامن عشر

قامت الأنسه ترف وأتجهت لغرفة الأولاد وأول مافتحت الباب ..ماتت من


الضحك على أشكالهم..وخصوصا نواف لأنه اللي يشوفه يقول جالس


يتخانق وملابسه من كثر ماهوا يتحرك ويتقلب بفراشه صايره مرصوصه


ببعضها وشعره منفوش زي المهرج..أما الأخ خالد رجل تحت ورجل فوق

والمسكين ريان مش باين من جسمه الا خشمه عشان يتنفس.(

هالشباب نومهم غريب)كان ودها بكاميرا عندها عشان


تصورهم...وأتذكرت جوال مرام الكاميرا وعلى طول دخلت غرفة البنات


بسرعه وخذت الجوال بدون ماأحد يدري..وطلعت ودخلت على

الأولاد..وصورتهم لمن قالت بس....ومن القهر اللي فيها صورت خالد بأكثر

من صوره... وأطلعت من الغرفه بهدوء زي مادخلت بهدوء..وجلست في

الصاله..وبدت بالتصاميم وتركيب الصور على بعضها ..يعني مثلا ركبت

وجه ريان بجسم طفل صغير لأنها تحس ريان انها يشبه الطفال ببرائتهم.

. وركبت على وجه نواف شعر وفستان ..أما خالد ركبت وجهه بصورة قرد

(سبال) ماسك موزه وياكلها وأنفرجت من الضحك عليه..وجلست نص


ساعه وهي تغير وتركب صور على بعض...وسوت لهم حافظه خاصه في

الجوال وكتيت أسم الحافظه: تبي تضحك أدخل...



وفي الوقت اللي خلصت فيه صحت العمه وجلست معها شوي وأطلبوا

من الخدامه اللي أستأجروها بالساعات تسوي لهم الفطور,,وبعدها


بشوي صحوا البنات ..وصحوا الأولاد غصبن عنهم..بأمر من العمه...


ريان\حرام عليكم والله فيني النوم..


رهف بعصبيه \حتى أحنا فينا النوم وقمنا وماأحد أحسن من أحد...


ريان\ياويلي على هاللسان وانا كنت مفكر أنك هاديه يابنت العم..


رهف وأنحرجت شوي\...لا ماكان القصد لكن أحنا في رحله ولا زم تقوم

بدري..صح والا!!


ريان وأنحرج الثاني\صح......


العمه\الا صحيح مو كأن زياد أتأخر هو قايل بيجي الساعه عشر ونص ..


مرام \اي والله صادقه ..


نواف\لا أكيد أتشوفونه اللحين في المطار وكلها دقايق ويوصل..


العمه\طيب ..وش الترتيب اليوم!!


ترف\أنا أقول أنروح..وتوها بتكمل كلامها الا يقاطعها خالد..وترف ودها

تذبحه على هالتصرف...


خالد\لا أسمعوا أنا أقول أنروح أول شي نتغدى بعدين نروح المجمعات...


سوزان\أنا ودي أروح بحرهم..

نواف\ماله داعي نروح البحر..ماشبعتي من بحر الشرقيه!!


سوزان\أبي بحر يعني بحر..مالي خص...


ساره\صج مافيها شي خلونا أنروح جميع الأماكن اللي نقدر نروحها

مافي غير هاليوم وبكره وبعده للسعوديه


مرام\الله يخليك ساره لاتذكريني ..خلينا أنسى شوي ...


نواف\طيب يالله ماعندنا وقت خلونا نطلع من الشقه بدري..


وبسرعه قاموا الشباب والبنات يتخانقون على الحمام ..لأنه مافي الا

حمامين واحد للبنات وواحد للشباب...

العمه\شوي شوي مش طاير الحمام...


وبهذه اللحظه دق جرس الشقه وراحت رهف تفتح الباب


رهف\زيــــــــــــــاد حبيبي..وضمت أخوها


زياد\هههههه رهوفه أشوي أشوي علي اللي يشوفك يقول شهر


ماشفتيني...


رهف وأبتعدت عن أخوها شوي\مالت عليك هذا جزاني اني متولها عليك..


زياد\رهوفه ...لا تزعلين أمززح أمشي ندخل..


دخل زياد مع أخته وسلم على عمته وعيال عمه وخواته...

العمه\قمنا نحاتيك يازياد ليه اتأخرت..

زياد\لا ولاشي عمه بس أجراءت المطار خذت مني وقت...المهم

شعلومكم وأخباركم..ووين البقيه!!

مرام\آها بقيه مين تقصد!!


زياد\أحم أقصد الشباب وينهم...

ترف\أها الشباب!!الشباب ياأخي الحبيب يتسبحون..



وجلس على كنبة الصاله وممد رجوله لأنه ميت تعب جسمه متكسر من

السواقه...

زياد\آآآه تعبان وفيني نوم...


رهف\سلامتك زياد تبي أجيب لك شي!!


زياد\لا حبيبتي بس أشوي بريح...


وقاموا البقيه يتجهزون للطلعه عشان مايتأخرون...

يتبع ,,,

أحساس