صِعيبـه و الله هالدنيـا على مثلك

	ليش الدمـع يا قـلبي ترى دمعـك عَلَي غالـي أنـا مـالي بهَالدنيــا سِــواكي أحــدٍ يواسينـي دخيلك حتى لُو صاحَت جروحك ترفـُق بـحالي أخــاف صياحَـها يـحـي جـروحٍ مَـيِّتـَه فينـي صِعيبـه و الله هالدنيـا على مثلك و أمثالـي صغـارٍ عَالحِـزن لكن أبَت تسـتوعِـب سنينـي سِقَتني الـمُر في عُـمرٍ شرَب بَه غيري الحالـي و كِل ما صِحت يادِنيا ذِبَحني الـمُر..تسقيني وحيد عِشت اْنادي الفَرح لِجروحي و لا جالي رَحَلت بـكِل صُـوب و ما لقـيت إللي يداوينـي و تراها ما غـدَت تَفْرِق مَـعِي لُو طـال تِـرحالـي أنا أصلاً سِكَنـت الجَـرح و ضاعت بَه عَناوينـي عَشقْت الحزن مُو برضاي.. عيَّـا الوقت يصفالي و يوم إنه رِجَـف دَمعي ذِبَحـتـَه في وَسَطْ عينـي لَك الله أيش يفـيد الدَّمع و لُو هُو سِيل مِتوالي دخيلك تمسـح دموعَـك ترى ها لدمع يشقـيني مِـصير جروحِنا تذبــَــل قِـصَر هالعُمر أو طالـي و إذا جرحـك أبَـى يبـرى بَضمِّـده بشـراينــي

الموضوع الأصلي: صِعيبـه و الله هالدنيـا على مثلك || الكاتب: بحر الحب || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

wAudfJi , hggi ihg]kdJh ugn leg; hggi wAudfJi ugd ihg]kdJh

منتدى دمعـــة ولـــه - الشعر وعذب الكلام- Poetry Section

---

wAudfJi , hggi ihg]kdJh ugn leg; ugd k