شفاء وفاء ولاء

شفاء وفاء ولاء

السلام عليكم ورحمة الله وبركاته
أخواني أعضاء المنتدى أعتذر عن الغياب
في الفترة الماضية أتمنى أن تمسح هذه المصافحة لكم
عتاب الغياب احترت كثيراً في العنوان المناسب لهذا الموضوع
وأحترت أكثر هل أدرج مشاركتي في موضوع واحد أو موضوعين
اخترت العنوان من ثلاث كلمات وكل كلمة تخفي خلفها
ملايين الكلمات التي تترجمها مشاعرنا جميعاً
شفاء ملك القلوب وأمير نجد تجديد للوفاء والولاء
أترككم مع القصيدتين والتي تشرفت وألقيتها في
احتفالية لجنة التنمية الاحتماعية بحي الشرافاء والذي كان في قلب الحدث
وتفاعلوا بشكل كبير من خلال المناشط التي عملت تحت رعاية من
وكيل محافظ وادي الدواسر الأستاذ خالد بن محمد الغملاس
وحضور عدد كبير من رؤساء الدوائر الحكومية أترككم مع القصيدتين
ولتعيشوا أجواء الاحتفالية نقلها لكم بالصور والصورة والكتابة
لكم القصيدتين ولي الشرف والفخر بموضوعهما وبكم

قصيدة حاكم وأمير نحد

بديت بذكر علام الخوافي= ‍إله الكون ما يخفاه خافي
ولا غير اسم ربي بابتديبه=ليا من طاب لي نظم القوافي ‍
وأنا شاعر ولي مدة طويلة =موقع بالشعر عقد احترافي
‍قطفت من الزهر فلٍ وكادي =وعاداتي انقي في قطافي
أرحب بالضيوف اللي لفونا =هلا بأعداد من صلى وطافي
‍اخصه للوكيل اللي تعنى= ونور ليلنا اللي كان طافي
مثالٍ للتواضع والتآلف = أنشهد بأنك ياخالد سنافي
أقوله عن هل الحفلة نيابه وعن نفسي ولو ماني شرافي
لأن الحفل للوادي وأهله= جميعاً لا خلاف ولا اختلافي
‍ولامن انشدوني وش دليلي = بقول حضور هذا الحشد كافي
‍عسى الله يجزي اللي جمعونا = بعزم وصبرٍ وجهدٍ خرافي
‍وفا بعد الشفا اللي سرنا به = إله واحدٍ عافي معافي
‍شفا سلمان شافانا جميعاً = وبعد الحزن صار الجو صافي
‍أثر حتى الوطن حن لرجوعك= بشوقٍ ما تطفيه المطافي
‍ترحب بك شوارعه وقصوره= وتزهر لا وطيت الأرض حافي
‍غدى بعدك بساتين وحدايق = وقبلك كانت طعوس وفيافي
‍وطن وحّد جماعات وقبايل = بحضنٍ مثل حضن الأم دافي
‍شعاره نخلةٍ للخير تعطي= وسيفينٍ صقيلاتٍ رهافي
‍نعيش بداخله ويعيش فينا=مكانه من خفوقي في شغافي
‍نحبه في شتاه وفي هجيره= فراشي أرضه وغيمه لحافي
‍وطنا لك ولانا وانتمانا =غصب عن كل حسادٍ وهافي
‍ليا من صاح صيّاحك حضرنا =ونسقي خصمنا السم الزعافي
‍تحت حكم الملوك أخوان نورة = يدوم العز لك والأمن ضافي
‍عيال معزي و صقر الجزيرة = طباع الأب فعياله تشافي
‍وفى شعبٍ تعلم من وفاكم = مثل ماكنت مع سلطان وافي
‍سهرت الليل ما ترقد عشانه = وغيرك في لذيذ النوم غافي
‍ضربت مثال في معنى الأخوة= وغيرك عايشيين بالتجافي
‍وبشرنا سموك في سموه =وحمدنا الله وشكرناه المعافي
‍ومثل بشراك في سلطان تكفى = أبي بشرى مثل بشرى الزفافي
‍متى يرجع أبو متعب ملكنا =ياسعد المملكة لاجاك لافي

قصيدة في حبيب الشعب وملك القلوب

أفرحي يا مملكتنا وألبسي الثوب الجديد = بدلي ثوب اليباس بعشب وأزهار ووردو
دام أبو متعب لفانا أشهد إن اليوم عيد=مرحبا يا مرحبا يا مرحبا يا ابن سعود
يا قصيدي ذي ترى حزّتك يا نظم القصيد =خابرك لا من نخيتك قلتي أرقى سنود
تنتثر قدام عيني وانتقي منك الفريد=كل من سمعه جذبه ولا على الشعار زود
ما تليق إلا لأبو متعب وأبو متعب وحيد=ما يخشره في غلاه وحبه أحدٍ بالوجود
في غيابه كم كتبنا وكم نظمنا من النشيد= في غيابه كم دعينا في الركوع وفي السجود
في غيابه كم ذبحنا شوقٍ يذيب الحديد=في غيابه كم سهرنا من ليالٍ دهم سود
في غيابه ناحت طيور الوله فوق الجريد = في غيابه جفت مياه الصبر وسط العدود
في غيابه صارت رياض السعد والفرح بيد =في غيابه ماتت مروج الهناء صارت نفود
في غيابه حنّت أشجار وبساتينٍ وحيد = في غيابه ضاقت جبالٍ ولو كانت حيود
في غيابه حظنا الي طايعٍ أصبح عنيد=في غيابه كل شيءٍ غاب طوّل بالصدود
في غيابه سالفتنا اللي بها نزيد ونعيد = وين أبو متعب ؟ متى يرجع على شعبه ويعود؟
أبشروا به أبشروا به جابه الرب المجيد= أبشروا به أبشروا به جابه الرب الودود
عاد أبو متعب وعاد الدم يجري بالوريد=عاد أبو متعب وعاد النبض وأنزاح الجمود
عاد أبو متعب وأخزى كل شيطانٍ مريد=عاد أبو متعب وعقّب كل فتانٍ حقود
عاد أبو متعب وعاد الخير والكف المديد=عاد أبو متعب ومن مثله على شعبه يجود
عاد أبو متعب وزال الفقر وأزداد الرصيد=عاد أبو متعب وأغنى الشعب بأموال ونقود
عاد أبو متعب ملك كل القلوب بدون قيد=عاد أبو متعب وشوفه بينا بل الكبود
عاد أبو متعب وهو بقلوبنا لو هو بعيد =عاد أبو متعب وفاح عطور وزهورٍ وعود
عاد أبو متعب وعادت الابتسامة للسعيد=واحتفلنا كل أبونا شاب مع طفلٍ وعود
صفقوا يا لعنبوا رجلٍ بإحساسه بليد =لا طرى طاري حبيب الشعب ما صفق برود
المليك اللي ملكنا بحب وبرايٍ سديد =خلا اسم المملكة شامخ وللعلياء صعود
جامعٍ حلم الحليم وجامعٍ شدة شديد=ما يثنيها ولا هو لا احتمى الموقف شرود
كايدٍ ما كل كايد كيد كيّد له يكيد =كايدٍ ماكل كايد كاد غيره له يكود
ساسٍ وراس وسياسي وراسي وقاسي وسيد= ساد اسود وسد سدود السور ما سرّ الحقود
صادق مصادق وواثق قايدٍ قومه عقيد = قل ما تلقى قرينه ماحدٍ قده قدود
يامر وينهى علينا ماعصينا اللي يريد = حن عيال وهو أبونا كلبونا له جنود
العمر غالي ولكن لجل موطنّا زهيد=ما انتراجع لو تطير الروس من فوق العضود
الوفاء فينا طبيعة والولاء شيءٍ أكيد =راضعينه مع حليب ووارثينه من جدود
والله إنا ما رضينا نتخذ حكمٍ جديد= الولاء لله وبعد الله ولانا للسعود

وسلامتكم
الشاعر عبد الرحمن بن سعد الضحيان
حزين الحرف

الموضوع الأصلي: شفاء وفاء ولاء || الكاتب: دمعة وله || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

athx ,thx ,ghx

منتدى دمعـــة ولـــه - الشعر وعذب الكلام- Poetry Section

---

athx ,thx ,ghx

يسلمو دمعة على الطرح الرائع كلك ذوق

تحياتي لك