حسبي على الحاجه ولو كانت ريال

السلام عليكم ورحمة الله وبركاته


اضع هالقصيده بين ايديكم وكلي امل ان تنال اعجابكم


حسبي على الحاجه ولو كانت ريال


طال الطويل ويقطع الصبر لاطـال .. كانـه يـورد صاحبـه للهوايــل

القلب دفتر والقلـم بالحشـا سـال .. والجرح ينزف والحشايف علايـل

أكتب من جروحي على دفتـر الآل .. وأصوغ قيفانـي طـروق ومثايـل

هم ٍ يوردنـي مشاريـه وجـدال .. وهم ٍ يرقيني بـروس الطوايـل

والهاجس اللي كل ماجـاك يختـال .. فتحتله قـوس الضلـوع النحايـل

آخذ معه سجـه ورحلـه ومنـزال .. وأعطيه من طيبي فعول وجمايـل

وأفتح معه سيرة صناديد وأبطـال .. ذياب بـن غانـم وسالـم ووايـل

وأقوله ياهاجسي شـوف الأفعـال .. ماتموت دام الفعل وآفـي وطايـل

الزير مـات وفعلـه اليـوم لازال .. ماغبته طـول السنيـن الرحايـل

وذياب شف فعله على مر الأجيـال .. فعل ٍ ثبت ذكره ولاهـوب زايـل

وكليب مات وخلّد افعولـه اطـلال .. ماتنمحي بيـن العـرب والقبايـل

لكن شفني ياأبيض الوجه رجـال .. وآفي ولاعمـري تبعـت الهزايـل

لكن مالـي غيـر ترديـد الآمـال .. ومتن ٍ يشيل الكايـدة والثقايـل

يالهاجس الضيقة من الجال للجـال .. زفرتهـا عبـره وجتنـي تهايـل

دمعه وأخبيها عن أعيون الأنـذال .. من خوفي الأنـذال تلقـى دلايـل

من ضيقة ٍ بالصدر والخلق والبال .. أكنهـا لـو كنـت للحمـل شايـل

ياهاجسي والناس راحـل ونـزال .. والوقت مايرحـم عيـال الحمايـل

ياكثر ربعي في الرخاء والتمهـال .. وياقلهـم لازاد وقـتـي مـلايـل

المال هو ربعك الا لعنبـو المـال .. كانـه يمهـد للرخـوم الفعـايـل

حسبي على الحاجه ولو كانت ريال .. وحسبي على الحظ الردي كان مايل




وسلالالامتكم


وتقبلو تحياتي

حززين الحرف

الموضوع الأصلي: حسبي على الحاجه ولو كانت ريال || الكاتب: حززين الحرف || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: المـواضـيع المكــررة

---

psfd ugn hgph[i ,g, ;hkj vdhg psfd v[hx ugd ,g,

منتدى دمعـــة ولـــه - المـواضـيع المكــررة

---

psfd ugn hgph[i ,g, ;hkj vdhg v[hx ugd