..:::.. بعيـــد تـاركني ..:::..

هذه القصيده للمدع والرائع دووماً فزاع
عجبتني وخصوصاً لما سمعتها بصوت
سندباد الاغنيه الخليجيه راشد الماجد اتمنى
ان تنال ع رضاكم واعجابكم


بعيـــد تـــاركني ادور لك أعــذار
على الغيــاب وصدتك وانعــزالك
معقــول ما جالك على البـال زوار
اللي عطــا لك فرحته ما طرى لك
شهرين.. واسباب الغلا.. مالها دار
تاهت وهي تبحث في غابة خيـالك
ما تــدري إن مفـــارق الخل جبـار
وإن الفــراق أكبــر سبب للمهــالك
أنا وحيــــد ومـا معي غيـر تذكــار
لــو تنـشـده عن حـال خلك حكا لك
كانت حيـــاتي قبلك دروب وأسفار
حتى ملكت اللي بقـى في وصــالك
حبيبك محطم حــروح (ن) ومنهـار
حـاله عليك من الولــه عكس حالك
قبلك أنا وسهيــل والجــدي سمـــار
نشـرح .. تغنجك.. وحـلاك ودلالك
نسيتني في الليل ونجــوم الاسحــار
قيلـت مالي مــرقد (ن) في ظــلالك
خليتني اتعــب على جــدل الأفكـــار
قلت : القصيد وقلت لك : طاب فـالك
نقلت .. قــدام العــدد .. كل الاصفـار
وحطيتني رغم الفقــر !! راس مالك
أنا غريب الدار غريب (ن) بالاطوار
بالمختصر أنقــذت لك شخص هــالك
والحين من شهرين من صار ما صار
وأنــا .. اتمنـــى .. يا حبيبـي ســـؤالك
بالله مــا جيتـــك ! على البــــال زوار
طيفي دخيــل الله .. ما قــد طــرى لك

الموضوع الأصلي: ..:::.. بعيـــد تـاركني ..:::.. || الكاتب: ريم البوادي || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

>>:::>> fudJJJ] jJhv;kd

منتدى دمعـــة ولـــه - الشعر وعذب الكلام- Poetry Section

---

>>:::>> fudJJJ] jJhv;kd