يامتعب القلب قلي وش غلطاتي

يا متعب القلب قلي ويـش غلطاتـي ,, ان كنت انا اقدر اعدلهـا .. بعدلهـا ’’ لاصرت تجهل عناء الدنيا .. وضيقاتي ,, من دون ماشرح لك اوضاعي تأملها ’’ الوقت ضدي .. حرمني من ملذاتـي ,, والصد بعدك ذبح روحي .. وكملهـا ’’ لا .. لايغرك كثير الصمت .. وسكاتي ,, خل المشاعر تقول ( الآآآآه ) وإسألهـا ’’ يسكني الحب .. واضح من عباراتـي ,, وش عاد لجلك حروفي لـو أدللها ’’ عذبني الشوق واسرفـت بخيالاتـي ,, روح ٍ تحبك دخيلك ليش .. تهملها ’’ ياليتك إشوي تشعـر فـي معاناتـي ,, دنياك يمكن عليك تضيـق باكملهـا ’’ الحزن كنه سفيـري فـي علاقاتـي ,, والهم خيّم على حالـي .. وطولهـا ’’ اغديت دربي وتاهت فيـك خطواتـي ,, كل المواعيد مدري ليـش تجهلهـا ’’ سنين احاول وضاعت كـل حيلاتـي ,, ماتدري اني ( حيـاة الـذّل ) مقبلهـا ’’ لاجيتك أسال وادوّر فيـك ضحكاتـي ,, كنك تعمد بيديـك اليـوم .. تقتلهـا ’’ لا تترك الظـن يلعـب باحتمالاتـي ,, الكلمه اللي تحزّ بخاطـرك .. قلهـا ’’ تعال شفني وحـس بحـال لوعاتـي ,, كن الدقايق بدونـك عـام مطولهـا ’’ متى التباشير بقدوم ( الغـلا ) تاتـي ,, فرحة زماني بشوفـك مـا تخيلهـا ’’ خلاص صبري تعـدى كـل هقواتـي ,, اتعبت نفسي ( اعزيهـا .. وعللها ) ’’ ابيك تنسى وتدمـح كـل ( زلاتـي) ,, بعض البشر صعب مانقـدر نزعلهـا ’’ والحين جيتك ابمسح كـل غلطاتـي ,, دنياي دونـك وربـي ماتحملهـا ’’ قلم الشاعر مناحي

الموضوع الأصلي: يامتعب القلب قلي وش غلطاتي || الكاتب: مناحي || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

dhljuf hgrgf rgd ,a yg'hjd dhljuf

منتدى دمعـــة ولـــه - الشعر وعذب الكلام- Poetry Section

---

dhljuf hgrgf rgd ,a yg'hjd