قبل اسافر كنت جالس في زمان الأنتظار

قبل اسافر كنت جالس في زمان الأنتظار

ارتشف هم المكان وكل همي حاجتين


كنت خايف من يباس وكنت خايف من خضار

كنت اخاف انك تجين وكنت خايف ماتجين



لين شفتك من ورى بيبان صالات المطار

مقبله من كثر شوقك كنت اشوفك تركضين



مرة ٍ ركضك يمين ونظرة عيونك يسار

ومرة ٍ ركضك يسار ونظرة عيونك يمين




تايهه ماكنك الا ضحكة ٍ وسط انكسار

ساكته ماكنك الا دمعة ٍ فيها حنين



خايفه وجله حزينه .. يعني كنتي بأختصار

تشرحين لكل عاشق معنى كلمة عاشقين





بعدها جيتك ولدّت عينك ودار الحوار

من كفوفي دمعتين ومن كفوفك دمعتين



كنت اصد وكنتي انتي ثايره مثل الشرار

ماعلى لتغة لسانك غير كلمة ( وين ؟ وين ؟ )



واذكر اني رحت قبل ابديلك ايّة اعتذار

رحت حتى قبل اطيّب خاطرك في كلمتين



لكن انتي عارفتني زين واللي صار صار

سامحيني واذكريني قدّ ماانتي تقدرين



اذكريني لاانتهت للشمس رحله مع نهار

واذكريني لاصحى للصبح ورد الياسمين



واذكريني لالمحتي في ليالي البرد نار

واذكريني لاسمعتي للمطر صوت ٍ حزين



اذكريني واذكريني واذكريني .. بأختصار ..

اذكري {هـمس الخــيال} قدّ ماانتي تقدرين

الموضوع الأصلي: قبل اسافر كنت جالس في زمان الأنتظار || الكاتب: همس الخيال || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

rfg hshtv ;kj [hgs td .lhk hgHkj/hv hshtv ohgw

منتدى دمعـــة ولـــه - الشعر وعذب الكلام- Poetry Section

---

rfg hshtv ;kj [hgs td .lhk hgHkj/hv ohgw