1. عيد سمران مــدونتـي .. تـبَسـّمّ لَعـّنُبـِوَ جَــرَح ٍ[ اضُمـَـٌﮧ ] داخلـي لِرَضـّاڪ

كل عيد يمر،، صوتك على اذاني يمر
................................غير هذا العيد صوتك حرمتيني صداه


والله اني كنت اداري شعورك وانقهر
................................واتمنى لوهو الصوت ياصلني نــداه


مير خابت هقوتي فيه حظٍ منعثر
................................كل ماقلت اقتعد عاد يكويني قســاه



ول ياعـيــدٍ يســمونه بعيد الفـطر
................................والله اني شبه صايم ولاطعمت الحياه


غابت اللي ماضي العمر هي نور العمر
..............................وانتهت معها السعاده ولارغب في سواه


من بعد ماحـدنا الوقـت وابعدنا قهـر
................................كل واحــد فارق العــز وحـبال النجاه


دونها وقفت وجيهٍ تبي معنا القشـر
................................ودونها حظي مجــاديفه اردت منتهاه


ول يامنهو هـلـك ماتحـقـق له ثمر
................................ولاقطف طلعت عناقيدها في مبتـداه




شاب راسه ماتحقق مراده واندمر
..............................وصار مثل المدمن اللي يراوح في مشاه


اترنح في مسيري وانا قلبي صخر
................................مير هده قاسي الوقت يوم انه وطاه


واعذابي باقي العمر مامنه مفـر
................................ماقدرت اقنع خفوقي يتناسا ماكواه


والخفا بالقلب وان طال مامنه مفر
.............................دمعة عيون افضحت شي في جوفي لظاه


واهني اللي غفل في شبابه ماشتهر
................................بأن له عشـقه وعنها حــدوه اللي وراه


اكبر همومه مقانيص بالروض الخضر
............................من ورى لينه لرفحاء الى اطراف اقصراه


معه طيره ماحمل للبنادق والخطر
................................ولاخشا تفتـيـش مره ولاحـماه ورعـاه


ذا وجودي واخر الهرج طال او هو قصر
................................ياوجودي لو حصل يوم لي وقفه معاه