نسيان وحزن

هذي قصيده للرائع الشاعر متعب التركي


نسيتني علمني شلون ابنساك ** في هالزمـن نسيـان الاحبـاب عـادي
وشلون لامرت على البال ذكراك ** وطيفك سرق منـي لذيـذ الرقـادي

وشلون لا قالوا لي الناس وش جاك ** من كنت في لـذة منامـك تنـادي

وشلون اعيش اللي بقالي بلياك ** لا مـن غدينـا كـل واحـد.. بـوادي

لو قلت اداوي جرحي اللي تباطاك ** ماكل جرح يفيد فيـه...الضمـادي

اعلنت حبك لين كل .. تمناك ** غلطه وغيـري مـن خطـاي استفـادي

لو لي..مثل قلبك تمنيت..فرقاك ** واكيد قبلـك بالجفـا.. صـرت بـادي

حلوه عذاريبك وحلوه..مزاياك ** حتـى بيـوم فراقنـا.. كنـت هـادي

كن الليالي ودها تكسب رضاك ** وآنا يطـول مـع الليالـي .. جهـادي

في ذمتي.. ماهي غريبة خطاياك ** مبطي وقلبك لـو تنبهـت.. غـادي

سهله على من كان مثلك..وشرواك ** مثل الثياب.. يغيرون .. المبـادي

علمني اكره..ذكرياتك..وطرياك ** وانسى من الليلة.. صـدوق الـودادي

ولاني بقايل عقبها ..وين ابـ القاك ** راضي لو ان جروح قلبي .. جدادي



ولا القصايد.. جعلها من فدايـاك ** لبستها..مبطـي ثيـاب ..الحـدادي

باكر على المخطى يدورن الافلاك ** ونشوف.. من يصعب عليه البعادي

الموضوع الأصلي: نسيان وحزن || الكاتب: خالد || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

ksdhk ,p.k

منتدى دمعـــة ولـــه - الشعر وعذب الكلام- Poetry Section

---

ksdhk ,p.k