( جنون عزوزز ) .

.:: مو صحيح ::.ان اللي يرسم [ضحكته] للناس دايم
من وراهم (ما يطيح)

.:: مو صحيح ::.ان اللي يفتح نافذة بيته
يدور [شمس]..
يمكن يدور ريح
يمكن يبيها تقلعه لـ (اخر مكان)
وينفض اوجاعه
ياعله يستريح..!

خذني وفا لك .. دام ماللوفا حد ..
................. خذني مطر .. خذني مزون وسحابه ..

خذني فرح .. لاصرت متضايق بجد ..
................. خذني وناسه .. لعن ابوها كآآبه ..

خذني دفا لاصرت ميّت من البرد ..
................. يفداك قلبي .. و كل عمري وشبابه ..

خذني بحنانك .. ميت فيك من جد ..
................. خذني .. وعطني قلبك وكل ماآبه ..

إنتهينا ولا بقى فيني كلام ..!
.. .. .. يشرح معاني وحدتي في غيابك ..!!

ما بقـى لي قلب يشفع لكـ خطيه .. ذوبته جروح صدكـ والخطايا
.. صاحبي بالله لا تعتب عليٌـه / العتب ما عاد تاسعـه الحنايا ,
كل جرح فات لي منكـ هديه .. وش بلاك تخاف من رد الهدايا ؟
.. الله أكبر / كيف مالك مقدريه .. وكل ما تحمله من همي بقايا !

يَ حادي الحلم
عندي مانقص [ قدرك ] ،




في البال تبقى
.... و هالنسيان
. . مو ‘ حولك !

اذاكلمته اتعمد اناديه بأسم ثاني

ابلعب بس بأعصابه واغيضه بزلة لساني

واسوي نفسي مدري كلمه وطلعت مني

واقوله بالي راح بعيد

غلطت بأسمك اعذرني

ياحلوه لمّا يتأثر

شعوره وغيرته تكبر

يصير احلى بعد عمري

ملامح وجهه تتغير ..

حادي الصمت ما عندي لصمتي بديل
..................... وانت ليله تغافلها الجـفا مـا درت
ويـن اودّيك يـا هـــمّ ٍ بقلبي ثقيل ..؟
..................... جعل تسري بك الليله ليامن سرت
ايه خايف على دمعة عيوني تسيل
..................... ما قدرت اتجاهلها وهي ما أقدرت
كانت اصعب على نفسي من المستحيل
..................... لين سالت على شان الغلا وأعبرت
عزّتي تطلب الفرقــا بيوم الرحـيل ..
..................... لو جروحي على طول العمر ما برت
جيت عابر سبيل ورحت عابر سبيل
..................... والمحبه ربت في داخلي وأكبرت
انت ياللي ليا مالت جروحك تميل ..
..................... الليالي خذت منـّي وما قصـّرت !
لا تسولف ترى ليل المفارق طويل
..................... كـل كلمه على بالك فبالي طرت
شوف عيني وتلقى للمحبه دليل ..
..................... مير نفسي لتقليب المواجع ضرت
طوّل الصمت وأربكت الشعور الجميل
..................... قلت اببعد مدام ان الجروح أكثرت
خل دمعك يسولف للـوداع ويسيل ..
..................... والا انا دمعتي طاحت وهي ما درت

لا تبـيـّن لي الدمعه يـا قطر الندى
...................... وألتـفت للوداع ان كان حـزنك كفـاك
دمعة الطيب في عين الليالي ردى
...................... أخـذ منـّي دفـا الايـام ,, والله معـاك !
خانك البعـد من قربي وطال المدى
...................... وجيت تسترجع الماضي وتسبق اخطاك
يا حبيبي ,, وقف بيني وبينك صدى
...................... وانت صـوت ٍ يناديني ولا أسمع صداك
كل جـرح ٍ يطيب بخاطري ما عـدا
......................جرحي العـام في بعـدك وليلة جفاك
كنت أشوفك واحس ان الفراق ابتدى
...................... يومـها الشـوق جابك والمــوادع خذاك
ليه اعذرك وانا فالحب مالي جدى
......................ليه أعاتبك وانت اللي جرحني خطاك
ماتت اكثر طموحاتي وراحت سدى
...................... شفت وشلون اخذ مني الزمان وعطاك
يمكن يزول حزني والشعور يهدى
...................... وأترك الحلم وألقى حلم غيره هنـاك,,

أخطيت فالعذر مدري عن خطاي أعتذرت
...................... ومرارة العـذر ,, فلساني تذوّقتها !
يمكن على الدمع في ليل الوداع انتصرت
...................... أو دمعة البعد ما سالت على وقتها
يا صاحبي انت ما أضنـّك دريت وشعـرت
...................... مشاعري من كثر ما أحبـك أحرقتها
جبرت خاطرك من شان الغلا وأنكسرت
...................... وهذيـك وسـّعتها , وهذيـك ضيـّقتها
لا تقول لـدّت عيوني للفـراق ,, ونظرت
...................... لـو أن الاحلام بيدي ,؟ كان حققتها
انا اعتبرتك حبيبي وانت ويش اعتبرت ؟
...................... ياللي سنيني من اطـراف العمر بقتها
العام في موعد الجـرح القديم انتـظرت !
...................... في ليلة ٍ كنت ابسهرها , وما طقتها
جيت اكسب ارضاك وانسى عزتي ما قدرت
...................... دايـم ,, تمـر الاماني ,, مـا تلاحقتها
ما كنت اصدق يموت الحلم لين انجبرت
...................... يـا كذبـة ٍ صعب اكذبـها ,, وصدقتها

الجرح ,, للقلب والايام . ودروبي
...................والليل من جابني يمه ؟ ووداني !
كم لي سنه والجفا صوتي وعذروبي
...................أخاف لا ينتهي حزني , ويلقاني
مشـكور يا خاطري و آسف يا مكتوبي
...................أزريت اقول الكلام اللي على لساني
وش كانت الذكريات وكانت ذنوبي
...................ثنتين والعذر كان اكبر من أحزاني
ثنتين بين العذول , وجرح محبوبي
...................الاول يهون ,, والشرهه على الثاني
أحس دار الزمان ,, وغير اسلوبي !
...................حتى اقرب الناس خليته وخلاني
أن جيت برضاي والا رحت مغصوبي
...................الحين ما كل شـي يهز ّ وجداني
يمكن كبرت أو نسيت العام مطلوبي
...................يمكن تغافلني الحلم ,, وتعداني