صمت الكبرياء الهاشميه

عند الوعد وقت لوقت لي خيل جامح لي نوى
سباق ماهزه احد ولا كسر باسه الهوى
من عادته دايم جموح يتوق للعلياء طموح

عشقي للتحدي من الصغر
اعزف على صعب الوتر
وان دقت الساعه صفر ماهمني ذيب عوى

قدام خيلي لك ثبوت افتح قلب وانته تروض

والله لو عدى يموت مايجبره بدر الهوى

يا من تمنى
شوف عيني ثواني
امر وانا لك يا غناتي رهينك
حقك وربي والمحبه اماني
خذها عيوني فدوتن لك وزينك
حقك ولو انك فيني اناني
ادرى غلاتي شي ما هو بيديني
وادرى لو انك يا غناتي مكاني
بتقول فدوه يا غلايه غلايه سنينك

يا ما يا ما كم جاني وجاني
ما شفت زينك يا غلا مثل زينك
عن حب غيرك الي حالي عصاني
والقلب خذته يا غناتي رهينك
طييبك سباني سنيني المعاني
والطيب واضح في محيا محيا جبينك
لا تلوم قلبي لو يعد الثواني
لو غبت عنك صاحي يا زين وينك

يا طيب حظي يوم ربي عطاني
يا وين في هالوقت شروا حنينك
وانا عطيتك من عروقي حناني
وانا التقى قلبي يا غناتي بيمينك
لو كنت عندي او شغلك الزماني
ابقى لزينك يا غناتي غناتي وعينك
ان كنت تطلب عيني ثواني
انا اتمنى كل عمري سجينك

ادعي عساني اني ما لفى مني قصور
واقول ربي وين ما كنت يحماك
حتى ولو غيري خذا مني الدور
ادعي الهي دايم الدوم يرعاك

مرت ليالي العمر ايام وشهور
وانته محلك ما حد بقلبك يسواك
اقولها من قلب ع البعد مجبور
ولو دارت الدنيا بتلاقاني اهواك

يحفظك ربي ع المدى عمر ودهور
الغالي الي منفرد في مزاياك
وتعيش عمرك وين ما كنت مسرور
والله يحقق يا الغلا دوم مسعاك

مثل السماء قلبي ولا يلحقك شي

شفني بعد فرقاك ماقصرت خطاي

ماهزني بعدك ولا حرك بي شي

اصلا وشو قدرك في هالكون لولاي

يحيك من قلبه على بسمتك حي

وتموت لو قلبك من الحب معماي

العز نوماسي وللفخر ممشاي